Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Raportohet se ushtria izraelite ka kryer edhe disa bastisje tokësore të premten në Gaza, para nisjes eventuale të një ofensive tokësore në atë territor.
Palestinezët janë duke ikur edhe të shtunën nga shtëpitë e tyre në Gaza, pasi Izraeli u ka dhënë urdhër gjysmës së popullsisë që të largohet drejt pjesës jugore.
Raportohet se ushtria izraelite ka kryer edhe disa bastisje tokësore të premten në Gaza, para nisjes eventuale të një ofensive tokësore në atë territor.
Situata pritet të përshkallëzohet një javë pas sulmeve të përgjakshme të Hamasit në Izrael.
Izraeli u ka kërkuar 1 milion njerëzve që të largohen, përfshirë gjithë popullsinë e qytetit të Gazës, pavarësisht paralajmërimeve nga Kombet e Bashkuara dhe grupet e ndihmës se një eksod i tillë mund të rezultojë me situata të rënda, pasi ka shumë të sëmurë nëpër spitale dhe të tjerët nuk kanë ku të shkojnë.
Familjet në makina, kamionë dhe pajisje tjera i kanë mbledhur gjësendet e tyre dhe janë nisur drejt jugut të Gazës, teksa vendi është sulmuar me raketa izraelite.
Një zyrtar për media i Hamasit ka thënë se aeroplanët luftarakë izraelitë i kanë goditur makinat e nisura në jug, duke i lënë të vdekur më shumë se 70 persona.
Ushtria izraelite ka thënë se trupat e saj kanë kryer bastisje të shkurtra në Gaza, për t’i luftuar militantët dhe ka kërkuar për gjurmët e 150 personave – përfshirë burra, gra e fëmijë – që janë marrë si pengje nga Hamasi, pas nisjes së sulmeve në jug të Izraelit, më 7 tetor.
Teksa ka bërë thirrje për evakuim, ushtria izraelite ka thënë se është duke planifikuar që shënjestrojë korridoret nëntokësore të Hamasit rreth qytetit të Gazës.
Mirëpo palestinezët dhe disa zyrtarë të Egjiptit shqetësohen se qëllimi përfundimtar i Izraelit është që t’i dërgojë njerëzit e Gazës sa më afër zonës kufitare me Egjiptin, në jug.
Hamasi, në anën tjetër, u ka kërkuar banorëve të Gazës që ta injorojnë urdhrin për evakuim.
Familjet në Gazë janë përballur me dilema të mëdha nëse duhet të qëndrojnë apo të ikin nga shtëpitë e tyre, pasi situatë e sigurt nuk është askund.
Aktualisht banorët në Gazë nuk kanë qasje në ujë, ushqim dhe ilaçe, me vendim të autoriteteve izraelite.
Haifa Khamis al-Shurafa, 42-vjeçare, ka ikur nga qyteza Deir al-Balah me një grup prej 150 personave të premten, pasi banesa e saj në një lagje afër qytetit të Gazës është shkatërruar nga sulmet izraelite këtë javë.
“Ne kemi humbur gjithçka, shtëpinë, gjësendet, gjithçka”, ka thënë ajo.
“Krejt çfarë kemi janë fëmijët, prandaj po ikim. Nuk duam t’i humbim edhe ata”.
Me minutat e fundit të baterisë së saj në telefon, ajo ka thënë se “ne nuk e meritojmë këtë”.
Ministria e Shëndetësisë në Gaza ka thënë të premten se 1.900 persona janë vrarë në këtë territor.
Si pasojë e sulmeve të Hamasit janë vrarë 1.300 izraelitë, shumica prej të cilëve civilë, dhe 1.500 militantë të Hamasit janë vrarë gjatë luftimeve, ka thënë Qeveria në Izrael.
Trupat izraelite kryen bastisje në Gaza
Bastisjet izraelite të premten në Gaza kanë qenë shenja e parë se trupat kanë hyrë në këtë territor, prej kur Izraeli i ka nisur sulmet e vazhdueshme në Gaza, si hakmarrje për masakrën e Hamasit.
Militantët palestinezë kanë nisur mijëra raketa në Izrael, prej kur kanë nisur luftimet.
Një zëdhënës ushtarak ka thënë se trupat ushtarake izraelite janë larguar prej Gazës pas bastisjeve.
Izraeli i ka thirrur 360.000 rezervistë dhe kanë mbledhur pjesëtarë të ushtrisë dhe tanke afër kufirit, mirëpo ende nuk është bërë publik vendimi për nisje eventuale të ndonjë ofensive tokësore.
Sulmet eventuale në Gaza me popullsi të dendur rrezikojnë të shkaktojnë numër të madh viktimash.
“Ne do ta shkatërrojmë Hamasin”, ka thënë kryeministri izraelit Benjamin Netanyahu të premten vonë.
Hamasi ka thënë se sulmet ajrore izraelite i kanë vrarë 13 pengje, përfshirë të huaj, por pa dhënë më shumë hollësi.
Ushtria izraelite e ka hedhur poshtë këtë pretendim.
Hamasi dhe militantë tjerë palestinezë shpresojnë t’i negociojnë pengjet me mijëra palestinezë që mbahen në burgjet izraelite.
Në Izrael, njerëzit janë të shokuar me sulmet e Hamasit dhe janë të frikësuar nga sulmet e nisura prej Gazës.
Banorët janë në favor të nisjes së një ofensive ushtarake, dhe në televizionet izraelite janë transmetuar sloganet “së bashku do të fitojmë” dhe “të bashkuar më të fuqishëm”.
Shtetet e Bashkuara dhe aleatë tjerë të Izraelit kanë ofruar mbështetje të fuqishme për luftën ndaj Hamasit, mirëpo shefi i diplomacisë së Bashkimit Evropian, Joseph Borrell ka thënë se ushtria izraelite duhet t’iu japë më shumë kohë njerëzve që të largohen prej Gazës.
Palestinezët nuk kanë ku të shkojnë
Disa dëshmitarë kanë raportuar për sulme sa kanë qenë duke ikur në jug, në zonën ku Izraeli u ka kërkuar palestinezëve që të shkojnë.
Fayza Hamoudi ka thënë se ajo dhe familja e sa kanë qenë duke udhëtuar nga veriu kur është lëshuar një raketë afër rrugës dhe dy makina janë djegur.
“Pse duhet të besojmë se ata po tentojnë të na ruajnë neve? Ata janë të sëmurë”, ka thënë Hamoudi, me zërin në vaj.
Shumë frikësohen se nuk do të mund të kthehen më në shtëpitë e tyre ose gradualisht do të zhvendosen në Gadishullin Sinai të Egjiptit.
Më shumë se gjysma e palestinezëve në Gaza janë pasardhës të refugjatëve nga lufta e vitit 1948, kur është krijuar shteti i Izraelit.
Atëherë mijëra palestinezë kanë ikur nga janë dëbuar prej territoreve ku shtrihet sot Izraeli.
Për shumë palestinezë ky është dëbimi i dytë i tillë.
Deri më tani 423.000 persona – gati 1 në 5 banorë të Gazës – janë detyruar të largohen prej shtëpive të tyre në Gaza, si pasojë e sulmeve izraelite, ka thënë të enjten OKB-ja.
Kjo organizatë ka vlerësuar se dhjetëra mijëra persona tjerë kanë ikur nga shtëpitë e tyre në veri të Gazës, deri në mbrëmjen e së premtes./ REL
Louise Glick SHBA- Poetja amerikane dhe fituesja e çmimit Nobel për Letërsinë Louise Glick ka vdekur në moshën 80-vje&ccedi...
Policia KOSOVË- Policia e Kosovës ka nisur hetimet mbi rrethanat e vdekjes së fëmijës, që u gjet i vdekur një natë ...
Urdhri i Izraelit për të larguar 1.1 milionë palestinezë nga Gaza veriore është “i rrezikshëm dhe i egër”,...
SHBA- Ligjvënësit republikanë zgjodhën përmes një votimi të premten zotin Jim Jordan si kandidatin e tyre të ri pë...
Diamanti vazhdon të jetë i pëlqyer për t’u vënë si unazë në gisht ose për t’u varur si gjerdan. Vler...
Nëse mendonit se Lindja e Mesme ishte në stanjacion, mendohuni sërish. Ekonomitë e Gjirit Persik, në fakt janë ndër më...
Krenar Lloga SHKUP- Ministri i Drejtësisë në Maqedoninë e Veriut, Krenar Lloga thotë se ndryshimet kushtetuese, të cilat jan&...
foto ilustruese KOSOVË- Një ngjarje e rëndë është raportuar mbrëmjen e sotme në Raskovë të Obiliqit n&eum...
antonio guterres SHBA- Shefi i Kombeve të Bashkuara, Antonio Guterres, bëri thirrje për mbrojtjen e të drejtave themelore të njeri...
palestinezet duke u larguar nga gaza GAZA- Pas ultimatumit të Izraelit për të lënë shtëpitë para ndërhyrjes tok&eum...
