Politike

Basha mbledh kandidatët për deputetë në selinë e PD-së, jep POROSITË: Beteja vijon në Parlament, dokumentoni vjedhjen e votave nga Rama-Doshi! (Kundërshton propozimin e Markut për protesta)

Mësohet se gjatë mbledhjes Basha u ka kërkuar edhe njëherë të gjithë kandidatëve të dokumentojnë në çdo zonë të tyre shitblerjen e votave. Burime për Dosja.al kanë bërë me dije se Basha është shprehur se PD-ja ka sjellë një fitore të madhe, pavarësisht vjedhjes më të madhe të votave në historinë e Shqipërisë të kryer nga Rama-Doshi. Basha është shprehur se ai do të vijojëm e daljet në terren, do të takojë njerëzit për t’i falenderuar e për të biseduar me ta. Këtë gjë, ua ka sugjeruar edhe kandidatëve që ta bëjnë.
Featured image of article: Basha mbledh kandidatët për deputetë në selinë e PD-së, jep POROSITË: Beteja vijon në Parlament, dokumentoni vjedhjen e votave nga Rama-Doshi! (Kundërshton propozimin e Markut për protesta) Lulzim Basha
Përditësuar:

TIRANË– Kryetari i Partisë Demokratike Lulzim Basha ka mbledhur sot në orën 18:00 të gjithë kandidatët për deputetë që futi në zgjedhjet e 25 prillit. Një nga një, 153 kandidatët, janë futur në selinë blu për të zhvilluar mbledhjen me kryedemokratin për dy orë rresht.

Mësohet se gjatë mbledhjes Basha u ka kërkuar edhe njëherë të gjithë kandidatëve të dokumentojnë në çdo zonë të tyre shitblerjen e votave. Burime për Dosja.al kanë bërë me dije se Basha është shprehur se PD-ja ka sjellë një fitore të madhe, pavarësisht vjedhjes më të madhe të votave në historinë e Shqipërisë të kryer nga Rama-Doshi. Basha është shprehur se ai do të vijojëm e daljet në terren, do të takojë njerëzit për t’i falenderuar e për të biseduar me ta. Këtë gjë, ua ka sugjeruar edhe kandidatëve që ta bëjnë.

Kandidati për deputet në qarkun e Lezhës në listat e Partisë Demokratike, Mark Marku ka propozuar që të lihet çdo procedurë dhe të dilet në protesta masive, por kryedemokrati ka kundërshtuar. Ai është shprehur se beteja do të vijojë në Parlament dhe sipas Markut, PD-ja nuk do të njohjet e zgjedhjet e 25 prillit. Pas mbledhjes me kandidatët për deoutetë, Basha ka thërritur në zyrë aleatin e tij, kreun e PR-së, Fatmir Mediu.

Edhe një ditë më parë Basha mblodhi strukurat e PD-së në selinë blu. Gjatë mbledhjes Basha tha se nuk do të njihte rezultatin e 25 prillit që e nxorri me 59 ulëse në Kuvend, ndërsa ka paralajmëruar një tur në të gjithë Shqipërinë javën e ardhshme. Kryedemokrati Lulzim Basha ka urdhëruar që të bëhet një analizë e thellë e kandidatëve për deputetetë në listat e Partisë Demokratike. Ai ka kërkuar që të gjithë kandidatët të futen në skaner dhe të shihet nëse ata kanë bërë fushatë vetëm për vete apo edhe për partinë.Basha ka zhvilluar një ditë më pare një takim edhe me shefen e misionit të OSBE/ODIHR, Ursula Gacek.

Për më shumë bëhu pjesë e grupit më viral në Facebook, Dosja.al

Dosja.al raportoi se Basha ka njohur vëzhguesit ndërkombëtarë me faktet e mbledhura nga Partia Demokratike për blerjen e votës para zgjedhjeve gjatë ditës së zgjedhjeve dhe gjatë procesit të numërimit. Dokumenti që zyrtarët e PD-së i kanë vendosur në dispozicion kryetares së misionit të vëzhguesve një dokument me qindra faqe ku ndodhen të dokumentuara me fakte disa raste të manipulimit të zgjedhjeve.

Këto takime vijnë një javë pas zgjedhjeve të 25 prillit, rezultati i të cilave nuk është pranuar ende nga Partia Demokratike. Vetë Basha do të zhvillojë edhe sot në orën 18:00, në selinë qendrore të Partisë Demokratike në Tiranë, një takim mes kryedemokratit Lulzim Basha dhe kandidatëve për deputetë të PD në zgjedhjet e prillit. Ndërsa kryeministri Edi Rama e ka dorën e shtrirë drejt demokratëve për bashkëpunim.

(f.m/Dosja.al)

  • 20:57

    “Të mos bëjmë zgjedhje fare”, Mziu nuk do rotacion në parti, Gjekmarkaj kërkon përgjigje të prerë: Do futemi në Kuvend apo jo

    Dosja.al ka zbardhur replikat mes kandidatëve të Partisë Demokratike në mbledhjen e zhvilluar me kryedemokratin Lulzim Basha. Mësohet se Xhelal Mziu ka kërkuar që të mos bëhen fare zgjedhje në Partinë Demokratike, por që të fokusohen në mbledhjen e provave për manipulimin e votës.

    “Të mos bëjmë zgjedhje fare brenda partisë për zgjedhjen e Kryetarit, por të merremi vetëm me dokumentimin e krimit elektoral,”- ka thënë Mziu.

    Ndërsa pedagogu Agron Gjekmarkaj, gjithashtu fitues i zgjedhjeve në Lezhë kërkoi një përgjigje të prerë. Mësohet se Gjekmarkaj ka dashur të dije nëse PD do të jetë në parlament në shtator, apo jo.

    “Z.Basha ne duhet të jemi koherent me gjërat, dhe duhet që një vendim që marrim sot t’i qëndrojmë edhe në shtator. A do jemi në Kuvend?”– mësohet të ketë thënë Gjekmarkaj.

    Ndërsa Basha i ka thënë se çdo hapësirë do të shfrytëzohet nga blutë. “Do konsumojmë çdo hapësirë, edhe parlamentin dhe do mbrohemi fuqishëm,”- mësohet të ketë thënë Basha.

  • 20:26

    Basha ‘përzë’ kandidatët për deputetë, thërret me urgjencë në zyrë vetëm NJË prej aleatëve: Fatmir Mediun

    Kryedemokrati Lulzim Basha po zhvillon një takim me aleatin e tij Fatmir Mediu. Dosja.al ka mësuar se kreu i Partisë Republikane ka shkuar i vetëm në zyrën e Bashës, pasi nga aty kanë dalë të gjithë kandidatët për deputetë të Partisë Demokratike. Në fokus të bisedës mes Bashës dhe Mediut mësohet se është strategjia që do të ndjekë Opozita pas zgjedhjeve të 25 prillit.

  • 20:11

    Me syze mbi kokë e telefon në vesh, FOTOT nga parada e demokratëve para selisë blu, njëri ngre dy gishtat lart, nuk mungon prurja e re, Lediana Fratari

    Të gjitha kandidatët për deoutetë që rezultonin në listat e Partisë Demokratike janë paraqitur sot në selinë blu, për të zhvilluar mbledhjen me kryedemokratin Lulzim Basha. Dosja.al ju sjell një foto-galeri të kandidatëve, të cilët kanë ‘sfiluar’ për kamerat para futjes në seli. Mes tyre spikat edhe Ledjana Fratari, një emrat më të rinj që u fut në listat e PD-së. Xhelal Mziu shihet që mban xhaketën në dorë dhe syzët mbi kokë. Flamur Noka futet duke folur në telefon, një tjetër ka dy gishtat e ngritur lart. I vetmi që mban maskë anti-Covid është Agron Gjekmarkaj. 

  • 19:46

    “Ata që duan dorëheqjen janë shërbëtorët e Ramës”, Marku: Do përdorim çdo mjet për ta larguar, Basha e ka deklaruar, nuk do njohë zgjedhjet e 25 prillit!

    Kandidati për deputet në qarkun e Lezhës në listat e Partisë Demokratike, Mark Marku ka folur për mediat pas mbledhjes që zhvilloi bashkë me kolegët e tij me kryedemokratin Lulzim Basha. Para selisë blu, Marku tha se ai është dakort që të zhvillohen protesta, gjë të cilën e ka kërkuar edhe gjatë mbledhjes, por që kryedemokrati Basha e ka kundërshtuar. Përsa u përket personave që kërkojnë dorëheqjen e kryedemokratit Lulzim Basha, Marku tha se ata janë shërbëtorë të kryeministrit Edi Rama. 

    “Do të jetë një luftë totale. Do të jetë një luftë derisa Rama të largohet nga pushteti. Unë e kam thënë edhe më herët, duhet përdorur çdo gjë e mundshme për të mposhtur një regjim. Aty ku nuk ka zgjedhje të lira, u lind e drejta qytetarëve që të marrin çdo vendim sepse pushteti është ilegjitim. Kryetari e ka deklaruar se nuk do të njohë zgjedhjet e 25 prillit. Ata që kërkojnë dorëheqjen e Bashës janë shërbyer të Ramës. Me dashje pa dashje i shërbejnë atij. Nuk ka rëndësi a janë pjesë apo jo, mund t’i shërbejnë Ramës edhe duke qenë në PD, edhe pa dashje,”- tha Marku.

  • 19:43

    Mbyllet mbledhja me Bashën, kandidatët për deputetë shmangin mikrofonat, flet vetëm Mziu: Do mbledhim provat për krimet elektorale

    Mbledhja e kandidatëve për deputetë me kryedemokratin Lulzim Basha që u zhvilluar mbrëmjen e sotme në selinë blu ka mbaruar. Të gjithë anëtarët e PD-së kanë dalë një nga një nga zyrat e Partisë Demokratike, por që shumë prej tyre kanë shmangur kamerat duke mos dhënë asnjë prononcim për mediat. I vetmi që është ndalur të flasë fillimisht ishte Xhella Mziu. “Do mbledhim provat për krimet elektorale,”– tha Mziu dhe u largua. Më pas foli edhe Mark Marku. 

  • 19:42

    Zbardhet KËRKESA e Markut në mbledhjen e PD-së: Të nisim protestat! Basha kundërshton: Beteja vazhdon në Parlament

    Kandidati për deputet në qarkun e Lezhës në listat e Partisë Demokratike, Mark Marku ka propozuar që të lihet çdo procedurë dhe të dilet në protesta masive. Mësohet se gjatë mbledhjes që Basha zhvilloi me kandidatët për deputetë në selinë blu, Marku ka bërë këtë propozim, por kryedemokrati ka kundërshtuar.

    “Duhet të lemë procedurat, ka ardhur koha të tregojmë si e mbrojmë ne votën. Duhet të nisim protestat popullore,“- tha thënë Marku. Por, vetë Lulzim Basha është shprehur se beteja do të vijojë në Parlament. “Betejën në shtator do ta vazhdojmë në Parlament,”- ka thënë Basha.

  • 18:34

    Basha nuk dorëzohet, flet për fitore para ekipit blu: Sollëm arritje, pavarësisht vjedhjes më të madhe të votave në historinë e Shqipërisë të kryer nga Rama-Doshi

    Kryedemokrati Lulzim Basha nuk dorëzohet. Edhe sot, në takimin e zhvilluar në selinë blu me ekipin e kandidatëve për deputetë, Basha ka folur për arritje në zgjedhjet e 25 prillit. Burime për Dosja.al kanë bërë me dije se Basha është shprehur se PD-ja ka sjellë një fitore të madhe, pavarësisht vjedhjes më të madhe të votave në historinë e Shqipërisë të kryer nga Rama-Doshi. Basha është shprehur se ai do të vijojëm e daljet në terren, do të takojë njerëzit për t’i falenderuar e për të biseduar me ta. Këtë gjë, ua ka sugjeruar edhe kandidatëve që ta bëjnë.

    “Dua të falenderoj secilin nga ju. Ju keni punuar shumë fort me besimin e palëkundur në rrugën tonë, në demokracinë tonë, në vendin tonë. Pavarësisht vjedhjes më të madhe të votave në historinë e Shqipërisë të kryer nga Rama-Doshi, ne sollëm një arritje të madhe për partinë tonë dhe për vendin tonë. Ne, pa hequr dorë nga vlerat tona, u bëmë më të fortë kudo. Tani do të luftojmë me të gjitha fuqinë tonë derisa në fitore. Fushata jonë nuk ka mbaruar, ajo vazhdon me energji maksimale. Unë do takoj njerëzit në terren, për t’i falënderuar, për të biseduar me ta, për t’i dëgjuar, duke ju kërkoj që edhe ju të bëni të njëjtën gjë në ditët në vijim. Së bashku do të fitojmë!”- mësohet të ketë thënë Basha.

Shto Koment