Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Jeton Lami, specialisi i skuadrës operacionale në Policinë e Shtetit që u dënua me 2 vjet e 10 muaj burgim për transportimin e të kërkuarit nga SPAK, Ervis Martinaj, pretendon se nuk ka pasur dijeni lidhur me faktin që "bossi i lojrave të fatit" ishte në kërkim nga Policia e Shtetit.
TIRANË- Ka thuajse një vit pas hekurave të burgut, por më në fund, ish-efektivi i Forcave Operacionale, Jeton Lami ka "thyer heshtjen" lidhur me zhdukjen e Ervis Martinajt. Jeton Lami, specialisi i skuadrës operacionale në Policinë e Shtetit që u dënua me 2 vjet e 10 muaj burgim për transportimin e të kërkuarit nga SPAK, Ervis Martinaj, pretendon se nuk ka pasur dijeni lidhur me faktin që "bossi i lojrave të fatit" ishte në kërkim nga Policia e Shtetit.
Gazetari Elton Qyno shkruan për “Ora News” se Jeton Lami, ka pretenduar se është i pafajshëm dhe se sipas tij nuk ka “shpërdoruar detyrën” teksa shoqërohej me Ervis Martinaj. Po ashtu, ndër të tjera në fjalën e tij, shpjegohet se vetë ai nuk e ka pasur në detyrë që të ndalojë Martinajn, ndaj dhe rrjedhimisht pretendon se nuk e ka shkelur ligjin.
“…në kuadër të ushtrimit të detyrës unë kisha dijeni zyrtare që ndaj shtetasit Ervis Martinaj është vendosur masa “arrest në burg”, në mungesë, në datën 17 Maj 2022. Në dosjen gjyqësore të prokurorisë, nuk ka asnjë provë shkresore apo me dëshmitarë që të provojë se Jeton Lami ka dijeni zyrtarisht dhe në formën e kërkuar nga ligji…Unë kurrë nuk kam marë një detyrë nga shefat e mi për arrestimin e Ervis Martinaj dhe kurrë nuk i jam shmagur çdo detyre që më është ngarkuar gjatë kohës që isha pjesë e Policisë…,”-është shprehur Jeton Lami në mbrojtjen e tij.
Ish-agjenti i Operacioniales u arrestua në Gusht të 2022, vetëm disa ditë pasi familja e Ervis Martinajt kallëzoi humbjen e kontakteve me të shumëkërkuarin. Jeton Lami rezultoi ndër personat e fundit që kishte patur kontakte me Martinajn, e vërtetuar dhe me pamje filmike në një hotel në Durrës. Por që nga gushti dhe deri më tani, Jeton Lami nuk ka pranuar që të flasë. Për Jeton Lamin, më 26 dhjetor, Prokuroria e Kurbinit zgjati edhe me 3 muaj të tjerë afatin e hetimit për Jeton Lamin, duke arsyetuar se do të kryejë veprime të tjera hetimore.
Ervis Martinaj rezulton i zhdukur që prej 9 gushtit. Ai ishte shpallur në kërkim, në kuadër të operacionit “Plumbi i Artë”, pasi i penduari i drejtësisë Nuredin Dumani, tha se i kishte ofruar një ‘çek të bardhë’ në këmbim të ‘kokës’ së Indrit Dokles. Por, në 9 gusht, u zhduk pa gjurmë. Alarmin e ngritën familjarët e Martinajt dhe tashmë prokuroria po heton për rrëmbim personi dhe inskenim.
Lidhur me këtë çështje, ka pasur edhe reagime nga kryeministri Edi Rama. Ai paralajmëroi edhe zhvillime, duke u shprehur se Policia e ka një përgjigje, por shumë shpejt do dalë me prova. Rama vendosi dhe 100 ditë afat për kryepolicin Muhamet Rrumbullaku, por pavarësisht se afati ka skaduar, nuk ka asnjë detaj nga hetimet. Deri më tani, sipas publikimeve të dokumenteve në media, Prokuroria ka dalë në përfundimin se i shumëkërkuari Ervis Martinaj është ‘shitur’ nga një vajzë dhe më pas është ekzekutuar. Zyrtarisht nuk ka ende asnjë version.
Foto ilustruese KËLCYRË- Një 62-vjeçar është gjetur i vdekur një 62-vjeçar te vendi i quajtur “P&eum...
Arme KUKËS- Policia ka arrestuar dy vëllezërit, autorë të dyshuar të ngjarjes së ndodhur ditën e djeshme në fs...
TIRANË- Pasaportat dhe ID-të e reja, Ministria e Brendshme: Pas kësaj date nuk mund t’i përdorni dot më kuponët e ‘A...
Votimi në Rrogozhinë RROGOZHINË- Identifikohen problemet e para në procesin zgjedhor në Rrogozhinë. Në qendrën e vo...
Momenti i arrestimit VLORË- Arrestohet 33-vjeçari, pjesëtar i një grupi kriminal. Në pranga ka rënë shtetasi ...
Zgjedhjet RROGOZHINË-Thyhet urdhri i Komisionit Qendror të Zgjedhjeve në një nga Qendrat e Votimit në Rrogozhinë, pasi në...
Anetari RROGOZHINË- Një incident i rëndë ka ndodhur ditën e sotme në qendrën e votimit 22-31, mes një vëzhgues...
Perfaqesuesi i KQZ RROGOZHINË- Incident gjatë procesit të votimit. Në qendrën e votimit nr.22-23 në Rrogozhinë, ësh...
Foto ilustruese LEZHË- Një aksident është regjistruar mëngjesin e kësaj të diele në aksin Rrile-Tal...
Qytetaret RROGOZHINË- Qytetarët në Rrogozhinë janë më të përkushtuar se në 14 maj për të votuar zgje...
