Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Kirsten ka ardhur nga Norvegjia bashkë me familjen dhe është e kënaqur me mikpritjen dhe çmimet. Ajo i tha BIRN se kishte prenotuar përmes internetit në njërin nga hotelet pranë stabilimentit “Hekurudha” në plazh, por tashmë kishte ardhur koha për t'u kthyer në shtëpi.
Ditët e nxehta të fundqershorit kanë sjellë në plazhin e Durrësit qindra turistë të huaj, të cilët i gëzohen diellit dhe ujit, por edhe çmimeve të ulëta të pushimeve në bregdetin Adriatik. Në restorantet e vijës së parë, përballë detit, dëgjohen kryesisht turistë që flasin gjuhë të huaja. Kirsten ka ardhur nga Norvegjia bashkë me familjen dhe është e kënaqur me mikpritjen dhe çmimet. Ajo i tha BIRN se kishte prenotuar përmes internetit në njërin nga hotelet pranë stabilimentit “Hekurudha” në plazh, por tashmë kishte ardhur koha për t'u kthyer në shtëpi.
“Kemi vizituar si familje amfiteatrin antik dhe jemi ngjitur në kullën Belvedere mbi qytet,” tha Kirsten, duke treguar me dorë dy fëmijët e saj adoleshentë që përpiqen të freskohen nga vapa.
“Na vjen keq që do të ikim pikërisht sot në ditën e solsticit, kur fillon edhe vera astronomike,” shtoi ajo.
Eksperti i turizmit, Edmond Basho, i tha BIRN se sipas prenotimeve, presin rreth 1 milion turistë këtë verë në Durrës, përfshirë edhe ata që vijnë nga Kosova.
“Kosovarët përgjithësisht vijnë atëherë kur janë të sigurt për motin e mirë, pasi janë vetëm dy orë larg, ndërsa të tjerët që priten nga Polonia, Çekia, Bullgaria e më pak nga Spanja dhe Italia respektojnë kontratat paraprake,” tha Basho.
Plazhi i Durrësit është destinacioni kryesor i vendit dhe rritja e numrit të turistëve të huaj ka shtuar shpresat për zhvillimin e mëtejshëm të këtij sektori. E megjithatë, problem mbetet mungesa e fuqisë punëtore. Sara Shehaj, një vajzë nga Librazhdi që punon si kamarierë në një lokal të plazhit, thotë se u mungojnë ende 4 punonjës shërbimi; një ndihmës-kuzhinier, një picajol dhe dy kamarierë.
“Për këtë arsye, një nga sallat e restorantit po e mbajmë akoma të mbyllur,”- tha ajo, duke shtuar se nuk duan të marrin punonjës të huaj. Përndryshe, shumë biznese në bregdet i kanë hapur dyert ndaj punonjësve të huaj.
Në një nga baret e frekuentuara, dy vajza nga Nepali shërbejnë kafenë e mëngjesit. Mjaft të huaj të tjerë punojnë në shërbim apo kuzhinë në hotelet e shumta të plazhit të Durrësit.
Sektori i turizmit është burim punësimi edhe për punonjës të zanateve të tjera mbështetëse.
Enea Billo nga Bilishti i Devollit bën çadra prej kashte prej 13 vitesh në plazhin e Durrësit. Ai është zhvendosur aty bashkë me të shoqen dhe 15 persona të tjerë, po nga Devolli.
“Po kush do të punojë, punon bre,” thotë Enea pa e ngritur kokën nga çadra prej kashte që është drejt përfundimit.
“Nuk është punë e lehtë,” tregon ai, ndërsa shton: “punojmë gjithë ditën, ndërsa për të ngrënë dhe fjetur shkojmë në Durrës”. Arben Muho jep prej vitesh dhoma me qira në banesën e tij, por këtë vit klientët i kërkon në një platformë online prenotimi.
“Kam shpëtuar këtë vit,” tha Basho. I kam futur të dhënat në booking.com dhe ata mbërrijnë pa problem nga Polonia, Bullgaria, Italia, Spanja. Edhe nga Rusia kemi patur, por tani numri i tyre ka rënë,” tha ai.
Ndërmarrja e Komunale-plazhit, NKP, në Durrës duket se i ka mbaruar ndërhyrjet madhore të pastrimit dhe të plugimit, ndërsa njësitë private i kanë sistemuar çadrat dhe ndenjëset në të gjithë gjatësinë prej më shumë se 3 km të vijës bregdetare. Katër kamionë dhe katër kamionçina janë në dispozicion të pastrimit jo vetëm në 3.4 km e plazhit tradicional, por edhe në zonën e Currilave dhe në atë të Përroit të Agait në jug.
“Bashkë me personelin e përhershëm të ndërmarrrjes, gjatë verës do të punojnë edhe 30 punonjës sezonalë, që janë të mjaftueshëm për periudhën turistike,”- tha drejtori i NKP, Alfred Dhuli.
Një vëmendje i është kushtuar edhe bazave të motorëve të ujit, të cilët janë pajisur me litarë kufizues dhe sinjalistikë.
“Me masat e marra mendoj se askush nuk mund të abuzojë me shpejtësinë dhe me hapësirat e lëvizjes,”- tha Dhuli për BIRN.
BIRN pyeti në drejtorinë rajonale të Shëndetësisë për rezultatet e monitorimit të fundit të pastërtisë së ujit në plazhe, por deri në publikimin e këtij shkrimi nuk mori përgjigje. Pavarësisht rritjes në numër të turistëve të huaj, vizitorët nga Kosova vazhdojnë të kryesojnë në plazhin e Durrësit.
“Nuk do të mungojnë, por shumica vijnë në korrik dhe gusht. Pa harruar që në fund të muajit festohet Bajrami,”- thotë Shuaipi nga Obiliqi. “Ne nuk e ndërrojmë Durrësin me asnjë vend pushimi tjetër,” përfundoi ai./BIRN
Momenti i grabitjes TIRANË- Pamje të reja kanë dalë nga grabitja e këmbimit valutor në Tiranë. Siç shihet ng...
Foto Ilustruese RUSI- Pas një nate konfuzioni dhe kaosi, komandanti i grupit Wagner, Yevgeny Prigozhin, ka thënë se ndodhet brenda selis&eum...
Droga e sekuestruar ITALI- Një shqiptar u arrestua nga policia e Reggio Emilia, me mbi 72 kilogramë kokainë dhe 50,000 euro cash. Sipas medi...
Foto Ilustruese KAVAJË- Një aksident ka ndodhur pasditen e sotme në Kavajë. Mësohet se një 29-vjeçar ka përp...
Foto ilustruese TIRANË- 13 autoshkollave u është pezulluar aktiviteti, ndërsa dy instruktorë janë ndaluar të ushtrojn&eu...
Erisa Aliaj DURRËS- Para ditëve në zonën e ish-Kënetës në Durrës, një 24-vjeçar i identifikuar si Indri...
Foto ilustruese Tenderi 10 milionë euro për shërbimin e lavanterisë në Qendrën Universitare Nënë Tereza vishet me d...
Kati i pestë i një pallati që është përshtatur si konvikt për vajza, është përfshirë nga flakët k&...
Foto ilustruese Shqipëria, një vend i vogël në Evropën Juglindore, po bën hapa të rëndësishëm në p&e...
TIRANË- 3 persona janë vënë në pranga dhe 2 të tjerë janë shpallur në kërkim, pasi akuzohen për trafik ...
