Horrori në Tapizë/ Nëna fut foshnjen e porsalindur në qese dhe e hedh në lumë, familjarët: Nuk e dinim se ishte shtatzënë (DINAMIKA)
E rëndë në Tapizë/ Foshnjën e sapolindur e futi në qese dhe e hodhi në lumë, arrestohet 42-vjeçar...
E rëndë në Tapizë/ Foshnjën e sapolindur e futi në qese dhe e hodhi në lumë, arrestohet 42-vjeçar...
"Je dele e Edi Ramës"/ Plas debati te "Ligjet", Gogu-Dogjanit: Mos më dhuno 18 Mars, 14:51 Kundër aktit normat...
SPAK i komunikoi akuzën, Beqaj: Prokurori nuk hetoi plotësisht, operacionet janë kryer në kushte të sigurta 18 Mars, ...
Pamje nga aksidenti me 4 viktima në Tepelenë, makinat e dala jashtë kontrollit janë përplasur me njëra-tjetrë...
• Komiteti Teknik i Ekspertëve ka bërë thirrje për vaksinim. •Komiteti nuk mori asnjë masë shtesë në lidhje me infektimet nga Covid të cilat janë shtuar dita ditës në Shqipëri. •Kryetarja e Komitetit, Mira Rakacolli rekomandoi mbajtjen e maskave në ambientet e mbyllura. • Mjekja Silva Bino u shpreh se duhet të bëjnë vaksinën edhe ata që kanë kaluar infeksionin para një muaji. • Drejtoresha e ISHP Eugena Tomini tha se ka pasur një trend në rritje të rasteve pozitive në dy javët e fundit, ndërsa ka bërë thirrje për ndërgjegjësim dhe marrje të dozës së tretë dhe të katërt për t’u mbrojtur nga virusi. • Shefja e Departamentit të Sëmundjeve Infektive në Institutin e Shëndetit Publik, Silva Bino deklaroi se në Europë po përhapet me shpejtesi një nenvariant i Omicron, i quajtur BA5.
2 artikuj për këtë temë.
TIRANË- Komiteti Teknik i Ekspertëve ka bërë thirrje qytetarëve shqiptarë që të bëjnë dozën e tretë e të katërt të vaksinës. Kryetarja e Komitetit, Mira Rakacolli u shpreh se i vetmi rekomandim i Komitetit është ai për shtimin e vaksinimeve në radhët e qytetarëve. Po ashtu u rekomandua mbajtja e maskave në ambientet e mbyllura.
'Tashmë është e provuar se vaksinimi është parandalimi i infeksionit, komiteti bën apel për bërjen e dozave të vaksinimit për të vijuar për dozën e tretë e të katërt, se të gjithë qytetarët i kanë mundësinë që t'i bëjnë. Është problem publik. Bëjmë thirrje për të mbajtur maskën në ambientet e mbyllura. '- u shpreh Rakacolli.
Mjekja Silva Bino u shpreh se në vendet e Bashkimit Europian, është ulur vdekshmëria për shkak të vaksinimit.
'Nuk ka asnjë lloj diskutimi në lidhje me këtë gjë, kush ka kryer dozat e para duhet të bëjë dhe dozën e tretë. Përfitimi nga vaksinimi është në rritje, në vendet e BE, vdekshmëria është në ulje falë vaksinimit të lartë.'- tha Bino.
Ndërsa mjekja, Najada Çomo deklaroi se në muajin korrik ka pasur shtim të pacientëve që kanë kërkuar ndihmë mjekësore.
'Në qershor kishim një masë të ulët, në korrik kemi shtim të pacientëve që vijnë për të kërkuar ndihmë. 5-6 pacientë në ditë shtrohen në spital, ata janë të pavaksinuar, ose e kanë lënë në mes. Bërja e dozës së tretë është e domosdoshme. Temperaturat e larta nuk e kanë ulur numrin e të shtruarve dhe të sëmurëve, është shtuar por jo në shifra të jashtëzakonshme. E rëndësishme është se grupmoshat më të prekura janë 60 - 70 vjeçare. Kemi pasur një grua në gjendje të rëndë, e cila është jashtë rrezikut për jetën. '- tha Çomo.
TIRANË- Shefja e Departamentit të Sëmundjeve Infektive në Institutin e Shëndetit Publik, Silva Bino ka thënë se në Evrope dhe botë po perhapet me shpejtësi një nënvariant i Omicron, i quajtur BA5. Ajo ka apeluar me forcë për vaksinimin e personave mbi 60 vjec me dozën e tretë.
'Vaksinimi është një mjet i rëndësishëm, luan një rol edhe në parandalimin e sëmundjes. Është tepër i rëndësishëm, % me dozë të parë ka rënë, në krahasim me një javë më parë. Vaksinimi me dozë të tretë ka shënuar një rritje të lehtë. % e vaksinimit mbetet e ulët krahasuar me muajt paraardhës. Mbi 12 vjec, është 51.3 % me një dozë. 48.7 me dy doza. 13.1% me tre doza 0.2 % me kater doza. 60.8% në popullatën adulte me 1 dozë, 57 % me dy doza. Edhe këtu vaksinimi me dozë të tretë mbeteti ulet. Vaksinimi shkon në nivelin 49 % për të gjithë popullatën, ndërsa me dy doza 46%. Me dozën e tretë vijon të mbetet i ulët, në 10%.
Grupmoshat me përqindjen më të lartë të vaksinimit është grupmosha mbi 70 vjec që kanë edhe dozën e tretë. 36 % me dozë të tretë, ka një rritje që na ndihmon në uljen e vdekshmërisë. Për grupmoshën mbi 60 vjec me tre doza mbetet në 35 %. Me kalimin nën 50 vjec mbulesa vaksinave bie, në 52 % me dy doza. Grupmoshat e reja, mbi 40 vjec, ka një mbulesë me 50 % me dy doza me tre doza në 8 %. Grup moshat nën 30 vjec, kanë një mbulesë vaksinave te 30%. Varianti aktual që qarkullon sot është BA 5. Ende nuk kemi të dhëna të qarta në lidhje me format që ky variant shkakton, sa e rëndë është dhe sa vdekje shkakton kemi të dhëna të pakta edhe për transmetueshmërinë. Ka një transmetueshmëri të ngjashme me BA 2. Është emergjencë për moshat e thyera të bëjnë dozën e tretë. Të pavaksinuarit, bëhen riks për personat e tjerë.'- u shpreh Bino.
Drejtoresha e ISHP Eugena Tomini tha se ka pasur një trend në rritje të rasteve pozitive në dy javët e fundit, ndërsa ka bërë thirrje për ndërgjegjësim dhe marrje të dozës së tretë dhe të katërt për t’u mbrojtur nga virusi.
'Prej dy javësh trend rritjesh rastesh pozitive, po pasqyrohet dhe më rritjen e % të pozitivitetit dhe atyre që kërkojnë shtrim spitalor. Në 90% të bashkive kemi raste aktive dhe popullata duhet të ndërgjegjësohet për vaksinim me dozë të tretë dhe të katërt.'- tha Tomini.