Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Në dëshminë e tij, 26-vjeçari tregoi se është në vështirësi ekonomike e se grabitja e bankës ishte e vetmja zgjidhje për mbijetesë.
SHKODËR- Paratë që u vodhën nga banka e nivelit të dytë në Koplik, janë harxhuar nga autorët në lokale dhe me vajza. Kështu ka deklaruar një prej autorëve, Bekim Gurra, i cili u la ditën e sotme në masën e sigurisë 'arrest me burg', nga Gjykata e Shkodrës. Bashkë me Admir dhe Armir Shabën, Gurra u la në qeli.
Në dëshminë e tij, 26-vjeçari tregoi se është në vështirësi ekonomike e se grabitja e bankës ishte e vetmja zgjidhje për mbijetesë. Gurra dëshmoi se bisedoi me dy vëllezërit për të grabitur bankën, gjetën mjetin e armët. Më pas ai zbuloi se nuk kishin përgatitur ndonjë plan të saktë se si do të vepronin mirëpo kishte dhënë sinjale se armët nuk do të përdoreshin e nëse vinte policia do të dorëzoheshin. Në fund, ai zbuloi se kanë marrë nga banka, 10 mijë euro, 4-5 milion të vjetër dhe 300-440 dollarë. Gurra tha se paratë i ka shpenzuar duke dalë me shoqërinë në Shkodër dhe Tiranë, 500 mijë lekë të vjetra ia ka dhënë prindërve ndërsa të tjerat në Tiranë, në shoqërinë e një vajze.
DËSHMIA E BEKIM GURRËS:
Unë jetoj me dy prindërit dhe dy vëllezërit. I vetmi krah pune në familje është babai dhe jemi në vështirësi ekonomike për të siguruar jetesën. Duke qenë në këto kushte mua më ka lindur mendimi që të grabisja filialin e bankës Koplik. Këtë gjë e kam biseduar me Admir Shaba dhe Armir Shabaj. Me këto dy persona kam lidhje të largët. Takohesha shpesh me ta dhe më thanë se do të mbështesim për këtë punë. Unë i thashë se do gjej një mjet në zonën e Kosanit sepse aty lëvizin shumë mjete pa targa dhe një muaj përpara kam vjedhur aty mjetin tip GOLF 3. Pas një muaji kemi shkuar bashkë me Admirin dhe Armirin drejt bankës dhe kemi bërë 6 xhiro dhe më pas e kam fshehur sërish makinën tek i njëjti vend në pyll. Më pas kemi folur për maskat dhe armët. Unë kam pasur prej kohësh një pushkë njëzetëshe karabinë dhe një armë zjarri automatik i shkurtër.
Me datë 9 kam shkuar tek shtëpia e Armirit dhe Admirit për ta realizuar atë ditë vjedhjen e bankës dhe ata më thanë se kanë edhe një shokun e tyre të besuar. Unë i thashë se do futemi në bankë vetëm për të marrë lekët dhe se armët nuk do përdoreshin dhe se nëse policia do vinte do dorëzoheshim.
Nuk kishim ndonjë plan konkret por do vepronim sipas situatës. Kemi shkuar rreth orës 14:00 dhe jemi futur brenda bankës dhe ata u frikësuan. Armiri shkoi dhe mori vlerat monetare ndërsa Admiri qëndroi në rolin e shoferit. Kemi ikur dhe tek rrethrrotullimi i Bajzës u futëm shumë shpejt duke rrezikuar jetën dhe aty na u ça goma.
Kemi zbritur dhe unë kam djegur makinën me benzinë. Më pas kemi ndal makinat e rastit, mjeti i parë që i drejtuam armën nuk u ndal ndërsa mjeti i dytë po. Më pas kemi shkuar drejt Sheganit dhe aty kemi zbritur. Unë mora rrugën në Shegan i vetëm ndërsa Admiri, Armiri dhe personi tjetër në drejtime të ndryshme. Unë kam marrë armën, çantën e rrobave dhe kam shkuar në vendin e quajtur Shegan poshtë. Lekët i kanë patur tre të tjerët. Armët i hodha në ujë në vendin e quajtur Hurdllana ndërsa çantën e kam djegur. Shkova në shtëpi bëra një dush dhe dola në lagje. Pas dy orësh shkuam në një kodër të katërt dhe ndamë paratë. Kanë qenë 10 mijë euro, 4-5 milion të vjetër dhe 300-440 dollarë. Pasi ndamë paratë jemi shpërndarë. Jemi takuar të katër më pas por kemi bërë biseda të zakonshme nga frika se na dëgjon kush. Unë i kam shpenzuar lekët duke dalë me shoqërinë në Shkodër dhe Tiranë. 500 mijë lekë të vjetër ia dhashë prindërve por pa i thënë se ku i kam gjetur. Kam qenë në Tiranë disa herë nën shoqërinë e një vajze”, thotë në dëshminë e tij Bekim Gurra.
Më 9 Maj, tre të rinjtë u futën në mesditë brenda bankës së nivelit të dytë, me maska e kallashnikovë, duke kërcënuar punonjësit dhe klientët që ndodheshin aty, dhe duke kryer grabitjen në më pak se një minutë. Pasi morën paratë, ata shkuan në dalje të Koplikut, pranë zonës së quajtur Bajzë, ku dogjën mjetin e tyre dhe i zunë pritë një qytetari. Nën kërcënimin e armës, grabitësit e zbritën në tokë, i morën mjetin e llojit “Benz” dhe u larguan. Makina është gjetur në zonën e quajtur Shegan, pranë Liqenit të Shkodrës, në afërsi të kufirit me Malin e Zi.
Policia e Tiranës TIRANË- S. K., 31 vjeç, D. M., 32 vjeç, dhe E. N., 21 vjeç janë vënë në pranga pasi ja...
Lezhe LEZHË- Qarku i Lezhës është përfshirë nga reshjet e dendura të shiut mesditën e sotme duke shkaktuar edh...
Banka SHKODËR- Bekim Gurra, Admir Shaba dhe Armir Shaba janë lënë ditën e sotme në burg. Tre të rinjtë, të cil...
Foto nga vendi i ngjarjes DURRËS- Kunati i Rigels Rajkut, të njohur si Noizy, ka mohuar se familja e tij është e kërcënuar. P...
Lokali i Noizyt DURRËS- Kamerat e sigurisë që janë vendosur në bizneset e reperit Rigels Rajku të ndryshe si Noizy kanë ...
32-vjecari shqiptar GREQI- Në Gjykatën e Selanikut u dërgua mëngjesin e sotëm 32-vjeçari shqiptar, i cili pasditen e djeshm...
Foto ilustruese GRAMSH- Dy gra janë larguar nga banesat e tyre në Gramsh dhe në Belsh. Një 33-vjeçar i identifikuar me incialet...
Takimi TIRANË- Delegacioni i përbashkët i dy rregullatorëve të medias, së Shqipërisë dhe Kosovës, përkat&...
Foto ilustruese TIRANË- Arrestohen gjashtë persona në Tiranë për vepra të ndryshme penale. 29-vjeçari i identifikuar m...
Makina DURRËS- Një minibus ka dalë nga rruga duke përfunduar në kanal. Ngjarja ka ndodhur ditën e sotme në qytetin e Dur...
