FOTOLAJM/ Me flamuj amerikanë dhe pankarta, protestuesit i urojnë SHBA-së Pavarësinë: Liria juaj na frymëzoft...
250-vjetori i Pavarësisë së SHBA-së/ Berisha: SHBA ka pasur një rol përcaktues në historinë e lirisë...
250-vjetori i Pavarësisë së SHBA-së/ Berisha: SHBA ka pasur një rol përcaktues në historinë e lirisë...
Zjarri në Lezhë/ Dyshohet se shkaktoi flakët ndërsa po digjte mbeturinat pranë malit, policia shoqëron një pe...
Në artikull thuhet, se Grillo kishte humbur një ngarkesë prej 450 kilogramësh kokainë të sekuestruar në Kolumbi, ndërsa bisedat në SKY ECC tregojnë dëshpërimin e tij për mungesën e drogës dhe humbjet financiare. Në biseda e SKY ECC, ai përmendte edhe konkurrencën e fortë nga grupet shqiptare dhe klanet e San Luca-s e Piana-s, të cilat sipas tij po dominonin tregun duke ulur çmimet e kokainës.
ITALI- Gazeta italiane, CORRIERE DELLA CALABRIA raporton se hetimet e prokurorisë së Milanos kanë zbuluar një rrjet të madh trafiku kokaine të lidhur me 'Ndrangheta, që vepronte mes Milanos dhe Torinos. Sipas CORRIERE DELLA CALABRIA, në qendër të çështjes është trafikanti Giuseppe Grillo, i cili pas humbjeve të mëdha nga sekuestrimet e drogës kërkoi ndihmë nga ndërmjetësi kriminal Bartolo Bruzzaniti për të siguruar sasi të reja kokaine të magazinuara në Itali.
Në artikull thuhet, se Grillo kishte humbur një ngarkesë prej 450 kilogramësh kokainë të sekuestruar në Kolumbi, ndërsa bisedat në SKY ECC tregojnë dëshpërimin e tij për mungesën e drogës dhe humbjet financiare. Në biseda e SKY ECC, ai përmendte edhe konkurrencën e fortë nga grupet shqiptare dhe klanet e San Luca-s e Piana-s, të cilat sipas tij po dominonin tregun duke ulur çmimet e kokainës.
Gazeta italiane shkruan, se për të përballuar këtë situatë, Grillo kërkoi nga Bruzzaniti furnizime të reja me çmime më të favorshme. Pra, të dy ranë dakord për shitjen e 25 kilogramëve kokainë me vlerë mbi 800 mijë euro, ndërsa pagesat dhe dorëzimet organizoheshin përmes njerëzve të tyre në Calabria.
Artikulli i CORRIERE DELLA CALABRIA:
Dëshpërim dhe tronditje. Deri në atë pikë sa të kërkohej ndihmë nga organizata të tjera kriminale, në një raport “konkurrence besnike”. Ky duket të ketë qenë konteksti që e shtyu një nga trafikantët më të njohur të kokainës në Itali, i lidhur me ’Ndrangheta-n dhe aktiv në territorin lombard e jo vetëm, tu drejtohej kanaleve të tjera të furnizimit.
Giuseppe Grillo kishte kontraktuar ndërmjetësin e fuqishëm Bartolo Bruzzaniti me synimin për të negociuar blerjen e sasive të mëdha të kokainës, mundësisht të magazinuara tashmë në Itali, për të shmangur “surpriza të pakëndshme” të reja. Të dy kanë përfunduar në qendër të një hetimi të prokurorisë së Milanos mbi bizneset e klaneve të ’Ndrangheta-s kalabreze në zonën mes Milanos dhe Torinos.
Humbjet e mëdha të kokainës
Në themel të gjithçkaje ishin sekuestrime të mëdha që kishin shkaktuar humbje serioze, të llogaritura nga hetuesit madje në tonelata. Sipas hetimeve milaneze, Grillo ishte bërë blerës i pjesëve të ngarkesave të kokainës që vinin nga Amerika e Jugut së bashku me dy figura të rëndësishme kriminale: Rocco Morabito dhe Vincenzo Pasquino, të arrestuar të dy në Brazil në maj 2021.
Grillo, në veçanti, ankohej se kishte humbur një ngarkesë prej 450 kilogramësh kokainë, e sekuestruar në Kolumbi. “Shiko nëse ma japin më lirë / Me 33 jo / Shiko nëse do më japësh pak se e di që është e jotja”. Ky ishte toni i mesazheve të shkëmbyera në SKY ECC. Dërguesi ishte vetë Grillo, me pseudonimin “Putini”, ndërsa i shkruante Bruzzanitit alias “Paris”.
“Jam pa asgjë / e fundit 450”, shkruante “Putini”, duke iu referuar pikërisht ngarkesës së sekuestruar në Kolumbi dhe të destinuar për Itali përmes Ukrainës, duke bashkëngjitur në bisedë edhe foton e lajmit. “E di gjithashtu që ke marrë 800 / dhe pastaj ke marrë shumë / 1100”, i shkruante sërish Grillo Bruzzanitit. Pastaj kërkesa: “Shiko çmimin / se kisha 1.5 milionë”.
“Na kanë shkatërruar”
“11 nga 11 / dhe këtu çdo ditë këta shqiptarët dhe ata të Pianës shkarkojnë / flitet shumë, këta të San Luca-s na kanë shkatërruar gjithçka”.
Përveç sekuestrimeve të rënda dhe mungesës së “mallit”, situata do të ishte përkeqësuar edhe nga rënia e çmimeve të kokainës në treg. Sipas hetuesve, kjo ulje ishte shkaktuar sidomos nga hedhja në treg e drogës me cilësi të dobët nga klanet e San Luca-s dhe Piana-s, të furnizuara nga shqiptarët. Pikërisht në këtë moment Grillo do i kishte kërkuar sërish Bruzzanitit drogë shtesë, një lloj “mbështetjeje”, duke kërkuar edhe çmime favorizuese.
Qëllimi do të kishte qenë forcimi i marrëdhënies mes tyre dhe kundërshtimi i fuqisë në rritje të shqiptarëve. “Nëse arrijmë të luftojmë çmimin e këtyre shqiptarëve / nëse ka çmim, gjejmë dy-tri depo dhe do ta shohësh që luftojmë”, shkruante Grillo. Dhe sërish, duke negociuar çmimin: “Me 33 jo / shiko nëse do më japësh pak / se e di që është e jotja.”
Llogaritë e Grillo-s: “350 + 300 + 100”
Pas kërkesës së mikut dhe ortakut të tij, Bartolo Bruzzaniti vendosi t’i shiste Grillo-s 25 kilogramë kokainë me çmimin 32.500 euro për kilogram, për një total prej 812.500 eurosh. Siç rindërtohet nga hetuesit përmes bisedave në SKY ECC, të dy ranë dakord edhe për dorëzimin: “Pastaj nesër në mëngjes në 5 shkon mirë / paratë i sjell ai / nëse vjen të sjell 400”, shkruante Grillo, duke iu referuar 400 mijë eurove.
Pjesa tjetër e pagesës do të përfundonte me një këst prej 350 mijë eurosh në momentin e dorëzimit dhe pagesa të tjera të shënuara edhe në llogaritë personale të vetë Grillo-s. “Po pyete kur / sepse kam dhënë 350 +300+100 të del? / Bëji kontroll nëse e kanë shënuar / që 350 i kam dhënë / shiko që ishin 300 me 500 dhe një pako prej 50 / duhej të sillja 400 / dhe kam sjellë 350”, shkruante Grillo alias “Putini”.
“Rolando, shiko, merri vesh me mikun për tërheqjen e 300 mijë eurove në Bianco. Bëjeni ju direkt, ok”. Sipas dokumenteve hetimore, Bruzzaniti kishte organizuar me njerëzit e tij për të marrë paratë nga emisarët e Grillo-s të dërguar në Bianco. “Shok, në Bianco ku doni të vini? Te bari në hyrje shkon mirë?”, shkruante Bruzzaniti. Pak më vonë, konfirmimi: “U dorëzua”.
Droga për ortakun Papalia
Sipas rindërtimit të hetuesve, Giuseppe Grillo kishte kontaktuar më pas ortakun Domenico Papalia, i cili ishte tashmë në dijeni të marrëveshjes me ndërmjetësin Bruzzaniti. Sipas hetimeve dhe bisedave të deshifruara në SKY Ecc, Papalia do t’i takonte një pjesë prej pak më shumë se 17 kilogramësh kokainë. Droga do të ishte dorëzuar pasditen e 8 janarit 2021 nga njerëzit e Grillo-s.
“Të sjell 17”, i shkruante Papalia-s. “Për momentin merr këto / 17 që janë gati në dorë.” “Jam në Siderno, po kthehem”, përgjigjej Papalia. “Për 2 minuta jam në shtëpi.”/Dosja.al
pamje nga takimi BRUKSEL- Ministri në detyrë i Punëve të Jashtme, Glauk Konjufca ka deklaruar se në ambasadën e Kosovës...
foto ilustruese TIRANË- Pas goditjeve të fundit të autoriteteve shqiptare ndaj industrisë së call center-ave mashtruese, treg...
Por edhe pse Gjergj Lekstakaj, ka dërguar disa emaile drejtuar në mënyrë të vazhdueshme Prokurorisë së Lezhës, ambasad...
Për dekada të tëra Lezha është shndërruar në një qytet ku gjakmarrja është kthyer në një sagë...
Foto Ilistruse Treguesit demografikë për tremujorin e parë të këtij viti evidentojnë një një rënie e lindjeve ...
Foto ilustruse GREQI- Gjykata greke ka lënë në burg 3 të arrestuarit, mes tyre dy shqiptarë për ekzekutimin e mafio...
Droga e zbuluar nga karabinierët ITALI- Autoritetet italiane kanë arrestruar një 52-vjeçar shqiptar, me precedent penal për...
TIRANË- Portali e-Albania do të jetë përkohësisht jashtë funksionit për shkak të një procesi përditësim...
GJKKO TIRANË- GJKKO ka dënuar ish-gardistin Zef Mali dhe Jemine Çokun për ushtrim të ndikimit të paligjsh&e...
TIRANË- SPAK ka përfunduar hetimet dhe ka dërguar për gjykim 24 persona të akuzuar për trafik ndërkombëtar k...
