Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Sipas The Sun Ministria e Brendshme është duke apeluar një vendim të marrë nga gjyqtarë të cilësuar si “të butë”, i cili ndalon heqjen e nënshtetësisë britanike për kriminelët e rëndë pa i njoftuar më parë.
ANGLI- Ministria e Brendshme apelon vendimin e gjyqtarëve “të butë” që ndaloi heqjen e nënshtetësisë britanike për kriminelët e rëndë pa paralajmërim. Sipas The Sun Ministria e Brendshme është duke apeluar një vendim të marrë nga gjyqtarë të cilësuar si “të butë”, i cili ndalon heqjen e nënshtetësisë britanike për kriminelët e rëndë pa i njoftuar më parë.
Kjo taktikë, relativisht e panjohur e Ministrisë së Brendshme, parandalonte kriminelët e rëndë me dy pasaporta që të hiqnin dorë nga nënshtetësia e tyre e huaj çka do t’i linte pa shtetësi, gjë që është e paligjshme sipas ligjit ndërkombëtar.
Por Gjykata e Apelit tha se kjo metodë, e përdorur pas rastit të përdhunuesve nga Rochdale, të cilët hodhën pasaportat pakistaneze për të shmangur deportimin, nuk u jepte individëve mundësinë për t’u mbrojtur në mënyrë të drejtë.
Ky vendim lejoi që “bosi drejtues” i krimit të organizuar, shqiptari Gjelosh Kolicaj, 42 vjeç, të qëndronte në Mbretërinë e Bashkuar për arsye që lidhen me të drejtat e njeriut.
Pastruesi i parave, i dënuar për kontrabandimin e 8 milionë paundëve me valixhe nga Britania në Shqipëri, pretendoi se ish-sekretarja e Brendshme, Priti Patel, e kishte trajtuar padrejtësisht, duke i dhënë vetëm 30 minuta njoftim kur iu hoq nënshtetësia britanike në vitin 2021.
Ai u burgos për 6 vjet në vitin 2018, dhe Agjencia Kombëtare e Krimit paralajmëroi se ai do të mbetej një kërcënim edhe pas lirimit. Një vlerësim i brendshëm i Ministrisë së Brendshme shprehej: “Heqja e nënshtetësisë britanike të Kolicajt do të ishte në interes të publikut, pasi do të ndihmonte në parandalimin dhe pengimin e krimit të mëtejshëm, sidomos nga grupi kriminal ku ai kishte rol drejtues.”
Më 22 janar 2021, Kolicaj u njoftua se statusi i pasaportës së tij ishte në shqyrtim. Vetëm 30 minuta më vonë, u informua se ishte lëshuar urdhri për heqjen e saj. Në letrën e njoftimit, znj. Patel shkruante: “Veprat për të cilat jeni dënuar janë shumë të rënda dhe përfshijnë organizim dhe bashkëpunim me të tjerë. Jam e bindur që përfshirja juaj në krimin e organizuar e justifikon këtë vendim.”
Babai i katër fëmijëve pretendoi se nuk kishte pasur mundësi të drejtë për të kundërshtuar urdhrin, i marrë në bazë të Seksionit 40(2) të Aktit për Shtetësinë Britanike të vitit 1981. Ligji i lejon Sekretarit të Brendshëm të heqë në mënyrë të njëanshme nënshtetësinë britanike të një personi me dy shtetësi, nëse ky veprim nuk e lë atë pa shtetësi.
Ky ligj u përdor më së shumti në rastin e Shamima Begum, nusja e ISIS-it, në vitin 2019. Kolicaj pretendoi se mungesa e kohës për të dhënë përgjigje përbënte shkelje të të drejtave të tij njerëzore. Një gjyqtar “i butë” e pranoi këtë pretendim.
Gjykatësi Lord Edis tha: “Z. Kolicaj është privuar nga shtetësia pa pasur mundësinë të japë asnjë arsye pse kjo nuk duhet të ndodhte.”
Megjithatë, gjykata nuk dha udhëzime se si Ministria e Brendshme mund ta bënte procedurën më të drejtë për kriminelët e huaj. Ai shtoi: “Njoftimi dhe urdhri ishin të padrejtë në mënyrë procedurale dhe duhet të anulohen. Nuk është detyra e gjykatës të krijojë një procedurë që do të ishte e drejtë.”
Ai akuzoi drejtpërdrejt Patel për shkelje të detyrimeve për drejtësi në emër të efikasitetit. Ky vendim mund të hapë rrugën që qindra kriminelë të tjerë të huaj, të cilëve u janë hequr pasaportat britanike, të pretendojnë se nuk janë njoftuar në kohë.
Të paktën dy nga abuzuesit në Rochdale hoqën dorë nga nënshtetësia pakistaneze pasi u informuan se pasaportat britanike ishin në shqyrtim Qari Abdul Rauf dhe Adil Khan të cilët vazhdojnë të jetojnë në Rochdale më shumë se një dekadë pas dënimit.
Kolicaj fitoi nënshtetësinë britanike në vitin 2009 përmes një martese me një grua britanike, por më vonë u nda dhe u martua me një shqiptare tjetër. Ai ka dy fëmijë me gruan e dytë, por mbajti pasaportën britanike nga martesa e parë.
Pas marrjes së nënshtetësisë, besohet se filloi të përdorte pasaportën për të dërguar valixhe të mbushura me para jashtë vendit. Ai dhe vëllai i tij, Jak, drejtuan një grup prej katër vetash që realizuan 80 udhëtime për dy vjet nga aeroporti i Stansted në vende të ndryshme të Europës.
Ata ranë në pranga pasi policia kapi dy çanta që përmbanin përkatësisht 180 mijë dhe 100 mijë paund në para të gatshme. Kolicaj më parë kishte fituar një rast gjyqësor, duke u mbështetur në Nenin 8 të Konventës Evropiane për të Drejtat e Njeriut, që garanton jetën private dhe familjare.
Një zëdhënës i Ministrisë së Brendshme tha: “Të huajt që kryejnë krime nuk duhet të kenë asnjë dyshim se ne do të bëjmë gjithçka për të siguruar që ata të mos jenë të lirë në rrugët e Britanisë, përfshirë dëbimin e tyre sa më shpejt të jetë e mundur.”/The Sun/
foto ilustruese FRANCË- Një 32-vjeçar shqiptar është dënuar nga autoritet franceze me tre vite burg, pasi u kap duke punuar...
Jahti me te cilin transportoheshin emigrantet shqiptare BRITANI- Kontrabandistët e dyshuar shqiptarë kanë përdorur një jaht p...
Sokol Navaku dhe Roven Zeka TIRANA- Gjykata e Posaçme duket se nuk ka lëshuar asnjë masë sigurie për drejtuesin e Policis&e...
Foto nga Himara HIMARA- Besimtarët e krishterë dhe ortodoksë në mbarë botën, po kremtojnë Pashkët. Ata kan&eum...
foto ilustruese ITALI- Një 53-vjeçar shqiptar është arrestuat nga policia italiane, pasi u kap me mbi 40 kilogramë lënd&eum...
foto ilustruese DIBËR- Tre persona janë arrestuar nga policia e Dibrës në Maqellarë. Sipas informacioneve të arrestruari...
Foto ilustruese KRETË- Katër persona janë arrestuar ndërsa dy të tjerë janë plagosur pas një sherri të dh...
Aeroporti i Vlorës VLORA- Një person ka humbur jetën ditën e djeshme në Vlorë në vendin e tij të punës. S...
Foto nga vendi i ngjarjes KRUJË- Një turist turk, 23-vjeçar, është arrestuar pasi dyshohet se pas një konflikti p...
Foto ilustruese TIRANA- 51-vjeçari Agustin Lleshi, i shpallur në kërkim ndërkombëtar është ekstraduar nga Kr...
