Bota

Rezultatet e zgjedhjeve 2019/ Boris Johnson kthehet në pushtet me shumicë të madhe votash

“Duket sikur kësaj qeverie Konservatore në këtë komb i është dhënë një mandat i fuqishëm i ri për të bërë Brexit."-ka thënë Boris Johnson pas zgjedhjeve.
Featured image of article: Rezultatet e zgjedhjeve 2019/ Boris Johnson kthehet në pushtet me shumicë të madhe votash Boris Johnson

BRITANI E MADHE– Pas publikimit të rezultateve të zgjedhjeve përmes sondazheve të kryera në Britaninë e  Madhe që nxjerr fitues kryeministrin Boris Johnson, ky i fundit ka mbajtur një fjalim para selisë së konservatorëve, duke u thënë atyre se ka pasur një tërmet politik.

“Duket sikur kësaj qeverie Konservatore në këtë komb i është dhënë një mandat i fuqishëm i ri për të bërë Brexit. Mbi të gjitha dua të falënderoj njerëzit e këtij vendi që dolën të votojnë në zgjedhjet e dhjetorit, që ne nuk donim t’i thërrisnim, por që mendoj se ka rezultuar të jetë një zgjedhje historike që kjo qeveri e re po na jep tani shansin për të respektuar vullnetin demokratik të popullit britanik për të ndryshuar  për mirë këtë vend dhe për të nxjerrë potencialin e të gjithë njerëzve të këtij vendi.”-është shprehur Johnson.

Bazuar në sonazhet e dala në dhe të konfirmuara nga  votat e para konservatorët do kenë në Parlamentin britanik 368 vende, 50 më shumë sesa në zgjedhjet e vitit 2017, ndërsa Laburistët do të kenë rreth 192 dhe 202 vendeve bazauar  në rezultatin sondazheve.

Johnson u bë kryeministër në korrik pa zgjedhje të përgjithshme, pasi Partia Konservatore e zgjodhi atë si drejtues për të zëvendësuar Theresa May, e cila u largua nga pushteti në një kohë delikate për çështjen e Brexit.

Për më shumë bëhu pjesë e grupit më viral në Facebook, Dosja.al

Duke folur për numërimin e votave të zgjedhjeve të 12 nëntorit, zoti Corbyn tha se Laburistët kishte paraqitur një “manifest të shpresës”, por Brexit ka një debat kaq të polarizuar sa ka kapërcyer aq shumë debat politik.

Votat për Laburistët janë ulur rreth 8% në zgjedhjet e përgjithshme të 2017, me Konservatorët është rritur me pak më shumë se 1% .

Burimi: BBC  

A.C/Dosja.al 

Shto Koment