“Shumë socialistë më mbështesin, por do t’i mbaj anonim”/ Marjana Koçeku: Një sërë ngjarjesh më kanë bërë të mendoj se s’i përkas këtij grupi politik!
“Si deputete e pavarur po punoj për një platformë politike”/ Koçeku: Të dëgjohen kë...
“Si deputete e pavarur po punoj për një platformë politike”/ Koçeku: Të dëgjohen kë...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
Ai u shpreh më tej se 3 vitet e fundit ishin vitet e provës më të madhe që PD ka kaluar në tërë ekzistencën e saj.
BERAT- Kryetari i Partisë Demokratike, Sali Berisha ka marrë pjesë sot në një takim me degën e PD-së në Berat. Berisha u shpreh gjatë fjalës së tij se tipari më kardinal i burrave dhe grave, djemve dhe vajzave që themeluan PD, ishte toleranca. Ai u shpreh më tej se 3 vitet e fundit ishin vitet e provës më të madhe që PD ka kaluar në tërë ekzistencën e saj.
"Këto 3 vite ne duhej të vendosnim, të faktonim se ishim të zot për t’u përballur me diktaturën e dytë apo nuk e përmbushim dot këtë mision.", tha ai ndër të tjera.
Kryedemokrati tha se edhe pse u përpoqën ti gjunjëzojnë dhe ti arrestojnë, sot demokratët dhe PD janë më të bashkuar se kurrë.
PJESË NGA FJALA E BERISHËS:
Përvjetorët nuk janë vetëm momente të rreshtimit të meritave apo edhe të dobësive, por janë momente të një reflektimi të thellë, sidomos sot pas 34 vitesh, çdo njëri prej nesh duhet të shtrojë një pyetje: cili ishte tipari, virtyti më jetik, më vendimtar i ne demokratëve? Unë ua them ju.
Tipari më kardinal i burrave dhe grave fisnikë, djemve dhe vajzave që themeluan PD, ishte para së gjithash toleranca.
Atyre që kanë përjetuar vitet ’90 në këtë qytet dhe jo vetëm, u kujtohet kur të tjerët rrëmbenin armët kundër nesh, në një kohë që ne, jo vetëm që nuk rrëmbenim armët, përkundrazi bënin gjithçka me tolerancën tonë t’i tërhiqnim ata, të bashkoheshin me ne.
Dhe këtu pas 32 vitesh, u them unë ju që merita juaj më e madhe historike pas themelimit të forcës politike opozitare ishte shmangia me tolerancë të një konflikti civil, për të cilin forcat fanatike, veçanërisht pas rrëzimit të shtatores së Enver Hoxhës, ishin të gatshme ta ndiznin në shumë qarqe të vendit.
Demokratët u linçuan, por edhe u ekzekutuan në mes të rrugës. Demokratët, siç ndodhi në Borsh, u tërhoqën me kamionë zvarrë, por ne mbetëm parti e tolerancës dhe ne nuk pranuam që të ndjekim lojën tjetër, në interesin më të mirë të Shqipërisë, shqiptarëve dhe të ardhmes së tyre. Pse e evokova unë këtë tipar? Se ky tipar është ADN-ja jonë. Mos harroni, po të kthehemi në vitin 1991, as unë, as ju nuk njihnim universin e proceseve të demokracisë që prisnin për t’u ndërtuar nga ne.
Jo, ishim rritur në diktaturë dhe njohuritë tona për sistemin socialist ishin të pafundme, por njohuritë tona për sistemin tjetër ishin rudimentare. Por ne u treguam realistë, ne mësuam, ne ndoqëm me përkushtim të madh vlerat tona që besojmë, idealet tona dhe u bashkuam. U bashkuam në vitin 1992 më 22 mars në bashkimin më të madh që kanë njohur shqiptarët në historinë e tyre. Dhe ai bashkim, ajo energji u shndërrua në forcën jetësore të zhvillimit të Shqipërisë.
Pas 34 vitesh, kohërat janë krejt të tjera. Por prapë më ju do flas haptas. Këto 3 vite ishin vitet e provës më të madhe që ne kemi kaluar në tërë ekzistencën tonë. Dhe u them unë ju, e provës më të madhe që një forcë politike ka kaluar pas Luftës së Dytë Botërore në Evropë. Këto 3 vite ne duhej të vendosnim, të faktonim se ishim të zot për t’u përballur me diktaturën e dytë apo nuk e përmbushim dot këtë mision.
U bë gjithçka që ne të asgjësoheshim. Një qeveri mafioze, e lidhur si mishi me kockën me mafien dhe krimin, u vërsul me të gjitha mjetet kundër nesh. Mafia ndërkombëtare, e përfaqësuar nga Xhorxh Soros, bëri gjithçka që padrinos shqiptar t’i jepte të gjitha pushtet, përfshi edhe opozitën. Kthehemi pak tre vite më parë, opozitë e përçarë, opozitë e agresuar. Të shumtit mendonin se opozita në Shqipëri mori fund. Në analizën tonë realiste, nuk mund t’i injoronim ne këto.
Sigurisht edhe unë dhe ju, i kemi shtruar vetes pyetjen a jemi në gjendje të përmbushim misionin tonë apo nuk e përmbushim dot? A jemi në gjendje ne që përmbysëm diktaturën e parë, të përmbysim diktaturën e dytë? Ua them unë, më e rrezikshme se e para.
Por, çfarë ndodhi? Ja ku jemi. U përpoqën të na bëjnë copë e çikë, sot jemi më të bashkuar se kurrë. U përpoqën të na gjunjëzojnë me të gjitha mënyrat, sot jemi më në këmbë se kurrë. Na morën flamurin, na morën logon, na hoqën emrin nga listat e votimit, vetëm e vetëm që të mos ishim. Por ja ku jemi sot. Arrestuan, terror, dhunë, por ne ja ku jemi sot.
sali berisha BERAT- Kryetari i Partisë Demokratike, Sali Berisha ka mbajtur fjalën e tij në një takim me degën e PD-së n&eum...
John Bolton KOSOVË- Ish-këshilltari për Siguri Kombëtare në Shtëpinë e Bardhë gjatë Administratës Trump...
Foto ilustruese KOSOVË- Paneli Zgjedhor për Ankesa dhe Parashtresa (PZAP) e hodhi poshtë si të palejuar ankesën e partisë n&e...
Rama TIRANË- Kryeministri Edi Rama ka vendosur të dërgojë në shtetet ku ka një prezencë të lartë t&e...
marsida xhaferllari TIRANË- Gjyqtarja e Gjykatës Kushtetuese, Marsida Xhaferllari, është tërhequr nga trupa që shqyrton &cce...
Sali Berisha FIER- Kreu i PD-së Sali Berisha ka vizituar këtë të enjte në burgun e Fierit ish-deputetin e Partisë Demok...
Ulsi Manja TIRANA-Qeveria ka zgjatur afatin për shqyrtimin, vlerësimin e kompensimin e pronave të ish pronarëve. Bëhet me dije se ...
TIRANË- Biznesmeni Elman Abule në daljen e tij nga ambientet e SPAK është ndalur nga gazetarët teksa nuk ka pranuar të flasë...
Elman Abule TIRANA- Biznesmeni Elman Abule është paraqitur ditën e sotme në Prokurorinë e Posaçme teka ka dalë n...
Arbjan Mazniku dhe Blendi Gonxhja TIRANA- Ministri i Pushtetit Vendor të vendit Arbjan Mazniku, në një deklaratë për mediat, foli ...
