Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Besart Xhaferri zgjidhet kreu i ri i FRPD. Ai ka arritur të sigurojë shumicën e votave, konkretisht 5256 vota dhe është zgjedhur krei i ri i Forumit Rinor të Partisë Demokratike. Xhaferri pason Belind Këlliçin në këtë detyrë. • Votimi ka nisur në orën 08:00 dhe përfundoi në orën 18:00. Anëtarët e Partisë Demokratike kanë votuar sipas degëve të partisë. Alesia Balliu, Arnold Kariqi, Artion Barjamaj, Barbara Doda, Besart Xhaferi dhe Mariglend Doçi ishin në garë për të marrë drejtimin e Forumit Rinor të Partisë Demokratike.
4 artikuj për këtë temë.
TIRANË- Ka përfunduar numri i votave. Besart Xhaferri ka arritur të sigurojë shumicën e votave, konkretisht 5256 vota dhe është zgjedhur krei i ri i Forumit Rinor të Partisë Demokratike. Xhaferri pason Belind Këlliçin në këtë detyrë.
Kush kandidoi dhe sa vota morën:
Besart Xhaferri – 5256 vota
Mariglend Doçi – 1292 vota
Artjon Bajramaj – 528 vota
Barbara Doda – 452 vota
Alesia Balliu – 186 vota
Arnold Kariqi – 168 vota
Votimi ka nisur në orën 08:00 dhe përfundoi në orën 18:00. Anëtarët e Partisë Demokratike kanë votuar sipas degëve të partisë.
PATOS- Procesi i zgjedhjeve për kryetar të FRPD-së ka mbaruar në bashkinë e Patosit si dhe të Roskovecit. Në Patos kanë marrë pjesë në votim 170 anëtarë të FRPD, nga ku 80 vota kanë shkuar për Besart Xhaferin.
Më pas 10 vota ka marrë Barbara Doda. Nga 7 vota kanë marrë Arnold Kariqin dhe Mariglend Doçin. Ndërsa Alesia Balliu dhe Artion Bajramaj nuk kanë marrë asnjë votë.
Ndërsa në Roskovec kanë votuar 60 anëtarë të FRPD, nga ku 41 vota ka marrë Besart Xhaferi. Ndërsa më pas vjen Alesia Balliu me 8 vota, 7 vota Mariglend Doçi, nga dy vota Arnold Kariqi dhe Barbara Doda.
KUKËS- Deri më tani në zgjedhjet e FRPD-së në Kukës kanë votuar 20% e anëtarësisë. Këtë e ka bërë të ditur drejtuesi i forumi në Kukës Indrit Cengu me anë të një njoftimi për mediat. Po ashtu ai ka theksuar se procesi ka qenë i rregullt dhe nuk ka pasur asnjë problem.
"Procesi për zgjedhjen e lidershipit të Forumit Rinor të Partisë Demokratike të Shqipërisë është hapur në orën 8:00 deri në orën 18:00 kur mund të votojnë. Në dy orët e para të mëngjesit pjesëmarrja ka qënë e kënaqshme, afro 20% e të rinjve kanë shprehur vullnetin e tyre për zgjedhjen e lidershipit. Procesi do të vazhdojë të jetë i hapur deri në orën 18:00 ku të rinjtë mund të vijnë të votojnë. Procesi ka vazhduar të jetë i rregullt dhe nuk ka pasur asnjë problem," tha Cengu .
FIER- Ditën e sotme po zhvillohen zgjedhjet për kreun e Forumit Rinor të Partisë Demokratike. Votimi do të zhvillohet në Fier, Patos, Mallakastër dhe Roskovec. Janë 672 anëtarë të FRPD që do të zgjedhin kryetarin e ri të organizatës tyre rinore.
Komisioni në Fier përbëhet nga 2 anëtarë, Denisa Muçaj kryetare dhe Elton Jaha ndërkohe që pritet të votojnë 300 anëtarë të FRPD-së.
Në Roskovec, qendra e votimit ndodhet te selia e PD; votojnë 65 anëtarë të FRPD. Në Patos votohet te zyra e Rithemelimit të PD, votojnë 152 anëtarë të FRPD dhe në Mallakastër, qendra e votimit është ngritur te Kinoteatri ku pritet të hedhin votën 155 anëtarë të FRPD.
Ka nisur edhe në Lushnjë, votimi për kryetarin e ri të FRPD nga 250 të rinj anëtarë të degës. Komisioni i votimit për bëhet nga: Emilia Zeneli, kryetare; Gabriel Xhoxhi, sekretar dhe Amarda Hajdini, anëtare.
