“Keqinterpretuan fjalën time dhe u zaptua zemra e Thethit”/ Rama: Paketa e Maleve nuk është për biznesmenët dhe as për oligarkët
“Zvicrën e vogël e keni ju këtu në duar”/ Rama: Synimi është të rriten të ardhurat, turizmin...
“Zvicrën e vogël e keni ju këtu në duar”/ Rama: Synimi është të rriten të ardhurat, turizmin...
“Si deputete e pavarur po punoj për një platformë politike”/ Koçeku: Të dëgjohen kë...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
•Kryeministri Edi Rama takoi sot fermerët. • Rama ka theksuar se është rritur prodhimi i grurit dhe theksoi idenë e tij për mënyrën e financimin që nuk e përfshin subvencionin. •Paralajmëroi edhe skemën e subvencionit. •Subvencioni është mbijetesë në bujqësi dhe përsëritje e ciklit, ndaj duhet financim suksesi për krijimin e sipërmarrësve. • Sipas kreut të qeverisë, fermerët s'e pranojnë se kanë shumë para të padeklaruara, ndaj thotë se do të bëjnë ligjin për amnistinë fiskale. • Po ashtu, shtoi se brenda vitit do të ngriheshin satelitët.
4 artikuj për këtë temë.
TIRANË- Kryeministri Edi Rama paralajmëroi fermerët shqiptarë se dimri që do të vijë do të jetë i vështirë. Teksa ishte në një takim me një grup ekspertësh me në fokus teknologjinë në fushën e bujqësisë, Rama deklaroi se në muajt në fillim do të kemi mungesa të mëdha.
“Kriza që ne sot kemi përpara syve tanë është një krizë që nuk e kemi krijuar ne dhe as nuk e ndalojmë dot ne. Sot flitet për një dimër shumë të vështirë përpara me shumë mungesa të mëdha sidomos për disa zona të botës ku ne nuk përfshihemi për momentin. Me rritjen e çmimeve të naftës dhe të energjisë, po energjia në Shqipëri nuk është rritur.... ju e mbani mend të gjithë që në fund të vitit të kaluar u fol për fundin e bujqësisë shqiptare. U fol për apokalipsin. Po çfarë ka ndodhur? Nga janari në maj eksportet tona janë rritur.'- tha Rama.
TIRANË- Kryeministrit Edi Rama nuk i ndahet mendja nga satelitëtr. Në fjalën e tij, një takim mes ekspertësh shqiptarë e të huaj, me fermerët, agropërpunuesit, përfaqësues nga Shërbimi i Këshillimit dhe Qendrat e Transferimit të Teknologjive në vend, pedagogë dhe studentë nga Universiteti Bujqësor Tiranë, Rama u shpreh se brenda vitit do të plotësohej dhe "ëndrra" e tij për satelitët. Por duke marrë mësime nga hera e parë, kësaj herë nuk përmendi asnjë datë.
"Ka një problem, mbi 50 mijë fermerët duan naftë, sa traktorë kemi? Ka një shkallë fiktiviteti. Përmes formalizmit me regjistrin e fermës, regjistrin digjital të fermës dhe vënien në përdorim të dronëve e satelitëve që për shkak të procedurave kanë marrë më shumë kohë sesa e kishim parashikuar, do të vijnë brenda këtij viti dhe me faturat, naftën do ta marrësh por duhet të sjellësh faturat,"-tha Rama.
I gjendur ngushtë në debatin e fortë publik për çështjen e inceneratorëve, kryeministri Edi Rama njoftoi vjeshtën e kaluar se Shqipëria do të dërgonte në orbitë dy satelitë ‘Albania 1’ dhe ‘Albania 2’. I pari parashikohej të lëshohej në mars 2022 dhe i dyti rreth dy muaj më pas, në qershor. Detyra iu la ministrisë së Mbrojtjes, e cila do të realizonte detyrat për të përmbushur misionin.
Siç edhe kuptohet, një gjë e tillë nuk ka ndodhur dhe tashmë përgjegjësi është gjetur. Ai është vetë Sekretari i Përgjithshëm, ndërsa kryeministri në një reagim të disa javëve më parë, thoshte se “vonesat nuk janë në dorën e tij”, por nuk është hequr dorë nga ky plan. Si pasojë u shkarkua Adrian Kamenica, sekretari i përgjithshëm i Ministrisë së Mbrojtjes është shkarkuar nga detyra.
TIRANË- Kryeministri Edi Rama ka shifrat e INSTAT lidhur me rënien e numrit të blektorisë. Në fjalën e tij, një takim mes ekspertësh shqiptarë e të huaj, me fermerët, agropërpunuesit, përfaqësues nga Shërbimi i Këshillimit dhe Qendrat e Transferimit të Teknologjive në vend, pedagogë dhe studentë nga Universiteti Bujqësor Tiranë, Rama ngre pyetjen më thoni ku ikën lopët kur sot Shqipëria prodhon 97% të qumështit që konsumon.
"Pika e grumbullimit e AZHBR është vepër arti në Myzeqe. Në Shqipëri, sot punohet sa dyfishi i tokës që punohej para 6-7 vitesh, po të shikohesh inmport eksportin. Sot jemi 1/3, nga 1/7. Ikën lopët dhe shitën dhentë. Ku ikën lopët? Shqipëria mbulon 97% të konsumit vendas. Më thoni ku ikën? Nëse e shohim me shifrat e konsumit, si llogariten? Kjo është temë tjetër,"-tha Rama.
Sipas të dhënave të INSTAT që u publikuan dje në vitin 2021 numri i gjedhëve shënoi rënie ,me 7.25 ose 26 krerë lopë më pak se në vitin 2020. Gjithashtu numri i deleve ra me 5% dhe i pulave me 3.2 për qind. Numri i dhive qëndroi thuajse në vendnumëro, teksa iu pa një rritje e numrit të koshereve me 10%. Si rrjedhojë e rënies së numrit të bagëtive u vu re rënie e prodhimit të qumështit 3.7%, mishit me 1.5%, teksa prodhimi i vezëve u rrit me 4.4% dhe mjaltit me 5.1%. Madje për shifrat reagoi ashpër edhe ish-zv.kryeministri, Erion Braçe, duke bërë fajtore qeverinë dhe politikat e saj. Por nuk mori asnjë përgjigje.
TIRANË- Kryeministri Edi Rama është i pranishëm në një takim me një grup ekspertësh ku në fokus është teknologjia në fushën e bujqësisë. Në fjalën e tij, një takim mes ekspertësh shqiptarë e të huaj, me fermerët, agropërpunuesit, përfaqësues nga Shërbimi i Këshillimit dhe Qendrat e Transferimit të Teknologjive në vend, pedagogë dhe studentë nga Universiteti Bujqësor Tiranë. Gjatë fjalës së tij, Rama foli për qershitë, që fermerëve iu mbeten pashitur, ai ngre pyetjen se përse njëri shet dhe tjetri jo, kur operojnë në të njëjtin terren dhe me të njëjtën krizë.
Rama tha se nuk është problemi të subvencionet që kërkojnë të qeveria, por te financimi i suksesshëm. Sipas Ramës, fermerët duhet të shkojnë tek ata më të suksesshmit dhe t marrin nga strategjitë e tyre, por një pjesë e përgjegjësisë i takon edhe Ministrisë tha kreu i qeverisë, që të ndërtojë ura komunikimi.
"Këtu i takon qeverisë të bëjë edhe më shumë, ministrisë së bujqësisë, për të komunikuar, shpjeguar, njoftuar, i takon edhe vetë fermerëve. Nuk ka nevojë të na dëgjoje ne, të shohin si bëjnë tjerët, dalin ca fermerë se hedhin qershitë se nuk i shesin sot, bërtasin për çmimet, subvencionet. Do ishte shqetësues nëse ndodh me gjithë Shqipërinë, në të njëjtin territor ka të tjerë që në këtë kohë bëjnë sukses, më shumë sukses si rezultat i rritjes së çmimeve. Cili është dallimi mes të parëve dhe të dytëve? Pse për të njëjtin vullnet përkushtim, disa e hedhin prodhimin dhe disa bëjnë të ardhura të larta, është i njëjti shtet, qeveri struktura, dobësi dhe ja ku janë dy realitete? Ç'duhet bërë këtu, e para ata fermerë duhet të marrin mundimin dhe të shkojnë të tjerët dhe tu thonë si e bëni këtë dhe ta shikojnë atje sesi ndodh kjo dhe e dyta i takon ministrisë AZHBR që të ndërtojnë ura komunikimi, kanale informacioni për të transferuar dijen? Është rritur prodhimi i grurit në Shqipëri, e është cilësor, rastet e suksesit janë domethënësve. Pa hyrë fare se ç'mund të bëjë shteti më shumë dhe më mirë. S'doskutohet që mund të bëjë më shumë, por nuk është çështja e sasisë së parasë. është çështje e mënyrës sesi financojmë. Kemi bërë një ndryshim të konsiderueshëm. Mënyra e financimit duhet të thellohet nga suksesi, jo tek subvencioni i mbijetesës. Subvjencioni i mbijetesës, nuk del dot nga rrethi vicioz,"-tha Rama.
5 skema subvencionesh në ndihmë të bujqësisë do të zbatohen këtë vit, duke nisur nga mbështetja e prodhimit në sera, peshkimit, vazhdimi i skemës të naftës për rimbursimin e taksave, ndërtimin e tregjeve për kafshët e gjalla dhe dixhitalizimin e bujqësisë. Fermerët e serave subvencionet do të jenë në formën e pagesave direkte që nisin nga 200,000 lekë/ha për 2 sezone të mbjellash për kultivimin e perimeve, rrushit të tavolinës dhe luleshtrydheve.
