Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Kryetari i Partisë Demokratike, Sali Berisha, denoncoi sot farsën elektorale. •Berisha foli për vendimin e Kolegjit Zgjedhor për përsëritjen e zgjedhjeve në Rrogozhinë, ku u shpreh se votimi në këtë bashki nuk plotësonte asnjë kusht ligjor në të gjitha qendrat. •Kryedemokrati ka deklaruar se nëse paraqitet një dokument i cili vërteton akuzat për shpalljen e tij “non grata”, ai iu thotë “mirupafshim”. •Berisha u shpreh se nuk pranon asnjë akuzë e cila është ngritur mbi shpifje, e ato që i cilëson si trillime të ulta mafioze. •Në konferencën e tij të përjavshme për shtyp, Berisha akuzoi kryeministrin Edi Rama se anulimi i mbledhjes së përbashkët me qeverinë e Kosovës në 13 qershor, lidhet me rrëmbimin e 3 policëve të rrëmbyer nga forcat serbe në veri në datën 14 qershor.
4 artikuj për këtë temë.
TIRANË- Kryetari i Partisë Demokratike, Sali Berisha, ka deklaruar se nëse paraqitet një dokument i cili vërteton akuzat për shpalljen e tij non grata “ju them mirupafshim”. Kryedemokrati Sali Berisha, në konferencën e tij të përjavshme me gazetarët, tha se nuk pranon asnjë akuzë e cila është ngritur mbi shpifje, e ato që i cilëson si trillime të ulta mafioze.
“Po qëndroj me një motivacion maksimal kundër një padrejtësie që ka në bazë korrupsionin transnacional shqiptaro-ndërkombëtar. Po qëndroj më i motivuar se kurrë ndaj një përpjekje për të shkatërruar opozitën shqiptare. Asgjë nuk më impresionon mua, jo, fare. Nëse një dokument i vetëm paraqitet, ju them mirupafshim. Asgjë nuk pranoj unë mbi bazë shpifje, trillime të ulta mafioze, që kanë në bazë korrupsionin politik, monetar, korrupsionin erotik. Kemi të bëjmë me një vijë të kuqe që nuk e tejkaloj. Do të vazhdoj përpjekjen e kësaj beteje, derisa të bind shqiptarin e fundit se vendi do të ketë një opozitë të pavarur, se korrupsioni transnacional është një rrezik i madh kombëtar për demokracinë dhe ekzistencën e kombit shqiptar”, përfundoi Berisha.
TIRANE- Kryetari i Partisë Demokratike, Sali Berisha, ka folur për kryeministrin hungarez Viktor Orban, duke e cilësuar si një mik të çmuar. Në të njëjtën kohë zbulon se nuk ka kërkuar takim me të, dhe e njëjta gjë ka ndodhur dhe me palën tjetër. Ndër të tjera, Berisha e cilëson Hungarinë si një vend mik të shqiptarëve.
"Orban është një mik i çmuar, nuk kam kërkuar dhe nuk ka kërkuar takim. Viktor Orban është një mik i çmuar, ndaj të cilit unë ruaj marrëdhëniet dhe respektin tim.
Hungaria është një vend mik i shqiptarëve. Nuk kam kërkuar dhe nuk ka kërkuar të më takojë. Kjo nuk humb aspak marrëdhëniet tona me partinë e tij dhe me atë personalisht".
TIRANË- Ish-kryeministri Sali Berisha foli për vendimin e Kolegjit Zgjedhor për përsëritjen e zgjedhjeve në Rrogozhinë. Në konferencën e tij të përjavshme me gazetarët, Berisha u shpreh gjatë konferencës së përjavshme me gazetarët se votimi në këtë bashki nuk plotësonte asnjë kusht ligjor në të gjitha qendrat.
"Çdo ditë që kalon, farsa elektorale nxin edhe më shumë, bëhet më e zezë. Hapjet e dokumenteve dëshmojnë se me 14 maj, shqiptarët përjetuan një farsë të tillë që mund të mbahet mend vetëm në kohërat e diktaturës. Në mënyrë antiligjore po sillen edhe organet e trajtimit të ankesave. Flamurin e lakejve të regjimit e mban si gjithnjë drejtuesi i KAS, por paralel ecin edhe institucionet e tjera. Dje, në Kolegjin Elektoral u shqyrtua dosja e Rrogozhinës, në të cilën kutia e burgut të Rrogozhinës nuk plotësonte asnjë kusht ligjor të një qendre të votimit. Pra, para çdo gjykatësi me minimumin e integritetit profesional, ajo shpallej e pavlefshme. Dhe tani gjykata, në një vendim të kontrolluar, shpalli të gjithë zonën të pavlefshme për një qendër votimi. A ka logjik njerëzore të dënosh 10 mijë, 15 mijë, sa mund të jenë zgjedhësit e Rrogozhinës, për manipulimin? Në vend që gjykata të kërkonte dënimin si kriminel elektoral të Ulsi Manjës, Erion Veliajt dhe drejtorit të burgut të Rrogozhinës, që stisën qendrën e votimit në burg për të ndryshuar rezultatin. Skandaloz është votimi i dokumentuar në Kuçovë. Ju do shihni aty të gjithë mekanizmat e manipulimit të votës brenda qendrës së votimit. Ju do shihni përpjekjet për të fshehur nga KAS këto mekanizma. Kështu janë pjesa dërrmuese e të gjitha bashkive për të cilat janë paraqitur ankesat. Pra, edhe njëherë me 14 maj nuk kishte zgjedhje, por farsë zgjedhore,"-tha Berisha.
TIRANË- Kryedemokrati Sali Berisha ka mbajtur këtë të premte konferencën e tij të përjavshme me gazetarët, ku u ndal edhe tek 13 Qershori, datë që sipas tij shënon lidhjen mes dy ngjarjeve. Në fjalën e tij, Berisha tha se anulimi i mbledhjes së dy qeverive Kosovë-Shqipëri është e lidhur me rrëmbimin e 3 efektivëve të Policisë së Kosovës nga forcat serbe. Ai tha se nuk ka fakte për këtë konstatim, por shtoi se këto dy ngjarje në të njëjtën ditë nuk mund të jenë thjesht rastësi.
"Do rikthehem në një moment në ngjarjet e datës 14 qershor. Me 13 qershor, Edi Rama anuloi takimin e parashikuar në kuadrin e Lidhjes së Prizrenit, mbledhjen e përbashkët me qeverinë e Kosovës në Gjakovë. Me 14 pasdite, Putini i vogël rrëmben në një praktikë që mund ta shihni vetëm në kufirin e Koresë së Veriut me Korenë e Jugut, edhe aty nuk guxon ta praktikojë Kim Jong-un të rrëmbejë njerëz me uniformë në mënyrën më kriminale. Siç e patë ju, Edi Rama tha se unë hesht se po pres. A ishin të lidhura këto veprime kundër Kosovës njëra me tjetrën? Koincidenca flet shumë. Unë fakte nuk kam për lidhjen konkrete mes dy ngjarjeve, por duke pasur parasysh se Edi Rama është publikisht i njohur si një argat i Vuçiçit, edhe mëkat t’i lidhësh nuk është. As të nesërmen, Edi Rama nuk shqipëron një fjalë as për rrëmbim, as për të dënuar aktin. Mos u çudisni kur të vrapojë në Beograd me ‘Ismailin’ dhe t’i sjellë në Tiranë se i duhet të tregojë një peshë për të lehtësuar veten përpara procesit McGonigal. Gjithçka po e bën për mbijetesën para një procesi që i qëndron si Shpata e Damokleut dhe nuk ka forcë në botë që mund ta shpëtojë. Pra, siç e shihni ky është një skenar i përkeqësimit të krizës, në një kohë kur kërkohet shpërshkallëzimi i saj, shtensionimi i saj. Rama dhe Vuçiç po e acarojnë atë. Rama dhe Vuçiç po koordinojnë gjithnjë në projektin e tyre të mëparshëm. Çdo ditë Vuçiç, njeriu që e ka vendin në Hagë, flet për luftë. Thotë se Albin Kurti do luftë, si mund të dojë një vend pa ushtri luftë? Luftë do ai me vëllain e tij në Tiranë, sepse duan ndarjen e Kosovës. Prandaj i bëj thirrje komunitetit ndërkombëtar të jetë i vëmendshëm ndaj veprimeve të këtyre dy autokratëve famëzinj. Përsëris thirrjen time ndaj autoriteteve të Kosovës që të bashkëpunojnë për shtensionimin e situatës dhe rikthimin sa më parë te Marrëveshja e Ohrit si një marrëveshje e cila në vlerësimin tim, jep një përparim të madh në maarrëdhëniet mes dy vendeve,"-tha Berisha.
