E rëndë në Sarandë/ I kërkoi të largohej nga shtëpia, 42-vjeçari në gjendje të dehur vret shokun (EMRAT)
FOTO/ Sherri në Sarandë, del fotoja e autorit 6 Tetor, 21:50 Detaje të reja nga vrasja në Sarandë/ V...
FOTO/ Sherri në Sarandë, del fotoja e autorit 6 Tetor, 21:50 Detaje të reja nga vrasja në Sarandë/ V...
Berisha: Duke filluar nga nesër, mosbindje civile pa ndalim, Europa na mëson një gjë, liria ka një emër ky emër &eu...
Zjarri në Komisariatin e Shijakut, reagon policia: Shkak dyshohet një shkëndijë elektrike, AMP ka nisur hetimet 5 ...
Cilat janë lagjet më problematike? Përmbytjet me dëme katastrofike në Vlorë, pronarët e bizneseve: Humbja mun...
• Enkelejd Alibeaj vijon mbledhjet maratonë. Në orën 11:00, Alibeaj mblodhi Kolegjin e Kryetarëve, ndërsa më pas takoi 17 emrat që ka zyrtarizuar për kandidatë në zgjedhjet lokal të 14 majit. Në orën 17:45 deputeti nisi takimin me Kryesinë. Në fund pritet të merret një vendim që do të komunikohet në një deklaratë për mediat. • Deputetët brenda grupit janë të ndarë. Dhurata Çupi dhe Jorida Tabaku janë shprehur që të dalin me një kandidat të përbashkët dhe të mos votojnë kundër kolegëve të tyre. . Gazment Bardhi ka deklaruar se do të shprehet pas vendimit të marrë • Dashnor Sula, Saimir Korreshi, Bledion Nallbati kanë kërkuar të futen në garë vetëm me këshilltar bashkiakë, ndërsa deputetë si Orjola Pampuri, Arbi Agalliu e Kreshnik Çollaku kërkojnë të dilet me kandidatë të veçantë nga Berisha. • Qëndrime të ndryshme ka pasur edhe nga një pjesë e krerëve të degëve. Shpëtim Dushku dhe Blendi Sulaj, përkatësisht kreu i degës nr.12 në Tiranë dhe ai i degës nr.9, i kanë vendosur kusht deputetit Enkelejd Alibeaj dhe i kanë kërkuar të zgjedhë si kandidat një deputet të zones, në të kundërt, do të dorëhiqen. • Anëtari i Këshillit Kombëtar të PD-së, Alban Daci thotë se është e turpshme të mendosh se grupi që mbështet Alibeajn s’duhet të dalë me kandidatë veçmas në zgjedhjet e 14 majit.
5 artikuj për këtë temë.
TIRANË- Deputeti i Partisë Demokratike Gazment Bardhi foli për daljen e grupimit të tij me një kandidat për bashkinë e Tiranës. I ftuar në "News24", ai konfirmoi emrat e Jonila Godoles dhe Roland Bejkos, por tregoi se ka edhe më shumë emra të tjerë që janë propozuar nga Kryesia.
"Negociatat me Palokën vazhduan deri sa pati një përgjigje të prerë nga zoti Berisha. Pati një refuzim të plotë për të gjetur zgjidhje, ne e ofruam zgjidhjen dhe Alibeaj doli me një qëndrim publik për ofertën tonë, por pati refuzim pa dhënë shpjegim. Ka një skenar për të përplasur demokratët mes vetes për zgjedhjet e këtij viti. Nuk ka asnjë dallim me situatën sot me atë që ndodhi në vitin 2019. Është njësoj si të mos hysh fare në zgjedhje, dhe të hysh në zgjedhje me dy kandidatë duke i dhuruar fitoren Edi Ramës. Si do bëhemi të besueshëm për shqiptarët kur nuk merremi vesh me njëri-tjetrin. Ne kemi bërë çdo përpjekje për të pasur një kandidat dhe sërish do përpiqemi. Ka një refuzim dhe kolegët kanë vendosur të shkojnë në një parti tjetër, gjë që nuk u shkon atyre. I takon asaj pjese të PD-së, pra neve të tregojmë përgjegjshmëri për situatën ku ndodhemi. Kandidatët për Tiranën, Durrësin dhe Elbasanin kanë qenë në tryezën tonë prej disa ditësh. Do të shohim se çfarë do vendosë sot kryesia e PD-së. Bejko dhe Godole nuk janë të vetmit që janë propozuar për bashkinë e Tiranës nga strukturat, ka edhe më shumë emra. Nuk ka ende një vendimmarrje, por ka më shumë se 2 emra. Nuk mund të nxjerr dokumentet që kemi në tryezën e punës,"- tha Bardhi.
TIRANË- Vijojnë debatet në mbledhjen që po zhvillon Enkelejd Alibeaj me mbështetësit e tij. Anëtari i Këshillit Kombëtar të PD-së, Alban Daci thotë se është e turpshme të mendosh se grupi që mbështet Alibeajn s’duhet të dalë me kandidatë veçmas në zgjedhjet e 14 majit.
I pranishëm në tryezë, Daci ka kontestuar kështu qëndrimin e disa prej deputetëve si: Gazment Bardhi, Dhurata Çupi, Dashnor Sula, Saimir Korreshi, Bledio Nallbati e Jorida Tabaku që kërkuan të mos dalin me rivalë kundër kolegëve të tyre, kandidatëve të dalë nga Primaret e kryedemokratit Sali Berisha.
“Tentativën e disave- që për fat të keq vazhdojnë të jenë akoma nën logon e PD, që akoma tentojnë ta ndëshkojnë këtë subjekt politik duke aluduar se nuk duhet të ketë kandidatët në zgjedhja- është e turpshme, e pa moralshme dhe nuk justifikon as arsyet e as qëllimet përse demokratët vazhdojmë të besojnë e ta mbështesin këtë forcë politike. Lidershipi është edhe çështje burrnie, me këtë cilësi çdo kush lind dhe nuk bëhet rrugës,”- ka thënë Daci.
TIRANË- Shpëtim Dushku dhe Blendi Sulaj, përkatësisht kreu i degës nr.12 në Tiranë dhe ai i degës nr.9, i kanë vendosur kusht deputetit Enkelejd Alibeaj përsa i përket emrit të kandidatit për kryetar të Bashkisë Tiranë. Të pranishëm në mbledhjen e zhvilluar sot, të dy i janë drejtuar Alibeajt dhe i kanë kërkuar të zgjedhë si kandidat një deputet të zonës. Sipas Dushkut e Sulajt, të dalësh me kandidatë që nuk përfaqësojnë qarkun dhe nuk janë politikë, nuk ia vlen pasi nuk arrihet asnjë fitore.
Madje Dushku ka paralajmëruar se nëse nuk plotësohet ky kusht, do të japë dorëheqjen nga posti që mban.
“Jam për kandidat politik, të jetë deputet. Përndryshe nuk jam pjesë e fushatës dhe jap dorëheqje nga kryetar i degës”-mësohet të ketë thënë ai.
“Të mos nxjerrim kandidat nëse nuk është politik, duke fituar Tiranën ke arritur fitore politike, nxjerrja e kandidatit nuk vlen nëse nuk është njeri politik. PD e mund koalicionin ‘Bashkë për Fitore’ në Tiranë për Këshillat bashkiakë”-është shprehur Sulaj.
TIRANË- Deputeti i Partisë Demokratike Enkelejd Alibeaj pas mbledhjes me Kolegjin e Kryetarëve, do të takojë dhe 17 kandidatët e mundshëm për kryetarë bashkie. Bëhet fjalë për emrat që ka bërë publikë deri më tani. Në këtë mbledhje pritet që të diskutohet dhe mënyra se si grupi i Alibeajt do të dalë në zgjedhjet vendore të vitit 2023. Ndërkohë, për shumë bashki nuk është vendosur ende, përfshirë edhe Tiranën ku kandidati do të vendoset mes dy emrave, Jonila Godole dhe Roland Bejko.
Emrat e kandidatëve që janë zyrtarizuar deri më tani:
Kamëz – Bilbil Bajraktari
Mallakastër- Agron Kapllanaj
Lezhë – Sandër Marku
Krujë – Sabah Sheta
Poliçan – Florian Qamo
Kuçovë – Ilirjan Koxhaj
Dimal- Dritan Sula
Dibër – Naim Gazidede
Patos- Pranvera Rizai
Vaut i Dejës- Klomentina Drini
Kurbin- Genc Doçi
Patos- Pranvera Rizai
Fier -Eriselda Zotaj Çelaj
Librazhd -Bujar Vreto
Vorë- Ibrahim Bruka
Korçë -Gjergji Gjata
Sarandë- Skënder Muço
Mirditë- Mark Ruçi
TIRANË- Ditën e sotme, deputeti i Partisë Demokratike, Enkelejd Alibeaj ka mbledhur Kolegjin e kryetarëve të Partisë Demokratike. Brenda mbledhjes la pasur disa qëndrime të ndryshme nga një pjese e krerëve të degëve.
Kryetari i degës së Mirditës, Mark Ruçi ka deklaruar se PD zyrtare duhet të dalë me 61 bashki.
Kreu i Degës së Durrësit Joni Myshketa është shprehur se i ka emrat e mundshëm për kryebashkiakë, por ‘duhet të ruajmë përçarjen e mëtejshme’ është shprehur ai.
Kryetari i degës së PD në Kuçovë, shprehet kundër propozimeve të deputetëve që PD zyrtare të futet vetëm me Këshilla Bashkiakë. Ai ka deklaruar se PD duhet të futet patjetër me kandidat.
Kreu i degës 8, Pëllumb Seferi kërkon kandidat me logon zyrtare në Tiranë.
Kreu i degës së Dibrës, Naim Gazidede tha se PD ose duhet të dalë me kandidatë për kryebashkiakë, ose mos të futet fare në zgjedhje.
Alibeaj ka mbledhur Kolegjin e Kryetarëve për të diskutuar listën e kandidatëve për kryebashkiakë apo anëtarë këshillash në zgjedhjet e 14 majit. Në orën 15:00 Alibeaj pritet të zhvillojë një takim me kandidatët e mundshëm për kryebashkiakë dhe këshilla, ndërsa në orën 18: 00 do të mblidhet Kryesia./Dosja.al
