Politike

“I kisha flokët më të gjata”, Rama rrëfen momentin kur forcat speciale e "shkundën" gjatë protestave studentore: Sigurimi më tërhoqi prej flokësh

Ai tregoi se mëngjesin e 9 dhjetorit, ndërsa ngjitej për në fakultet dhe demonstrata po afrohej, forcat speciale zbritën mes studentëve, gjë që e tronditi për disa minuta. Megjithatë, kur u kthye te grupi i studentëve, frika ishte zhdukur dhe situata i dukej larg.

18 Dhjetor 2025, 21:55 Nga M.L
“I kisha flokët më të gjata”, Rama rrëfen
Edi Rama

TIRANA- Kryeministri Edi Rama ka rikthyer disas kujtime nga fillimet e tij në angazhimin publik, duke rrëfyer momentet e para kur ai dhe të tjerët nisën të kuptonin se sistemi komunist po rrënohej. Gjatë intervistës në emisionin “Opinion”, Rama përshkroi edhe një episod të dhunës nga Sigurimi.

Ai tregoi se mëngjesin e 9 dhjetorit, ndërsa ngjitrej për në fakultet dhe demonstrata po afrohej, forcat speciale zbritën mes studentëve, gjë që e tronditi për disa minuta. Megjithatë, kur u kthye te grupi i studentëve, frika ishte zhdukur dhe situata i dukej larg.

Rama rrëfeu se Sigurimi e kishte tërhequr për flokësh, por ai nuk kishte ndjerë asnjë frikë dhe madje talleshte gjatë gjithë kohës. Ai kujtoi edhe një moment tjetër, më 11 janar, kur ndërsa ishin rrethuar nga policia, i lindi ideja që të niste një peticion për të kërkuar rishikimin e figurës së Enver Hoxhës dhe lirimin e të burgosurve politikë. 

Blendi Fevziu: Kur po ngjitesha në fakultet mëngjesin e 9 dhjetorit dhe demonstrata po vinte drejt meje dhe mes grupit të studentëve dhe meje zbritën forcat speciale, vetëm hedhja e tyre nga kamionët më bëri të më lëkundeshin gjunjët. Mu deshën 10 minuta të shmangesha, por kur u ktheva te studentët jo vetëm që nuk ekzistonte frika, por më dukej një gjë që ishte shumë larg. Qarkullonte se ty Sigurimi të mori të qethi flokët?…

Rama: Më tërhoqën për flokësh, më vinin nga mbrapa i kisha dhe flokët më të gjata. Nuk kam pasur asnjë moment asnjë ndjesi tjetër. Edhe tallesha gjithë kohës. Momenti kur e kam ndjerë një gjë të ngjashme me këtë që the ishte ekzaktësisht atë ditë, këtu. Kur u bë gjëja e madhe, dhe pastaj doli edhe Kasëm Trebeshina e shpërtheu fare. Pastaj unë isha aty ulur dhe fillova të mendoj që do dilja jashtë. Ishte 11 janar, ishte një e diel, i ftohtë i madh dhe rreth e rrotull ishin makinat e policisë. Fillova të mendoj. kjo do mbarojë, këta do ikim, ne do ikim, këtu televizor, gjë s’ka. E censuroi RD-ja atë. Më lindi ideja, thashë, pse mos t’i them unë këtyre që hajde firmosni një peticion këtu, që të lënë firmën një numër njerëzish dhe t’ia lemë këtu Ramiz Alisë. Edhe dola edhe thashë do ishte mirë që kjo punë të mos ishte thjesht të jetë këtu. Filloi u shkrua ajo që të rishikohet figura e Enver Hoxhës dhe të lirohen të burgosurit politikë. Dy pika kishte. Aty pashë që një pjesë firmosën, një pjesë filluan të ikin. Kur u firmos salla ishte përgjysmë./ Dosja.al

edi rama

Sondazh

Poll

MË SHUMË