Bota

Si u vra ESCOBARI? Dëshmitarët okularë të ekzekutimit në Rushnje tregojnë tmerrin: Sikur e ndjeu, u çua të ikte me vrap...

Sipas dinamikës së rikrijuar të ngjarjes, vrasësit e kanë qëlluar 5 plumba duke e goditur në trup dhe më pas edhe dy plumba të tjera në kokë, duke i dhënë goditjen e fundit. 

9 Mars 2023, 16:23 Nga k.m.
Si u vra ESCOBARI? Dëshmitarët okularë të ekzekutimit
Pamje nga vendi i ngjarjes

BEOGRAD- "Dëgjova të shtëna, por mendova se ishin fishekzjarre... Kur hyra brenda dhe pashë një person të shtrirë dhe të larë në gjak... Nuk i pashë të dy duke ikur, vetëm një," - tha njëri nga dëshmitarët okularë të ekzekutimit të mëngjesit të sotëm në kafenenë e një karburanti në Rushnje ku edhe u vra Ranko Radosheviç. Siç mëson Kurir, dëshmitarë të shumtë okularë, të cilët inspektorët po i marrin në pyetje një nga një, thonë se kanë dëgjuar 5-6 të shtëna.

"Unë jam klient i rregullt këtu, hyra dhe u ula në tavolinë, dhe pashë një shok që ishte përballë derës së kafenesë dhe u hodh në dysheme. Pastaj u shtriva edhe unë pas kolltukut, sepse nuk e dija se kë sulmonin, për t'u mbrojtur nga plumbat. Pas kësaj pashë vetëm silueta që largoheshin," – tha një nga dëshmitarët okularë. 

Si u vra ESCOBARI? Dëshmitarët okularë të ekzekutimit

Sipas dinamikës së rikrijuar të ngjarjes, vrasësit e kanë qëlluar 5 plumba duke e goditur në trup dhe më pas edhe dy plumba të tjera në kokë, duke i dhënë goditjen e fundit. 

Kamerat filmuan dy sulmuesit, të cilët duken të rinj dhe të cilët kishin maska ​​kirurgjikale në fytyrë.

"Para të shtënave, njëri nga sulmuesit hyri në restorant. I vrari dukej se kishte një parandjenjë të asaj që e priste dhe tentoi të arratisej por nuk ia doli,"-tregoi një tjetër prej dëshmitarëve. 

Ranko Radosheviç i njohur ndryshe si Eskobar (54 vjeç), është një prej kapove të bandës së Nikshiqit, një bashkëpunëtor i ngushtë i "Skaljarac" dhe Jovan Vukotiç, i cili u vra në Stamboll në shtator në sy të gruas së tij shtatzënë.

ranko radoshevic vritet ranko radoshevic

Sondazh

Poll

MË SHUMË