Politike

“Matrapaz, i shiti partinë Tom Doshit”/ Skënder Gjinushi i përgjigjet Berishës: Uroj të mos e shkatërrosh PD-në

Teksa Berisha nuk i kursente akuzat ndaj tij, duke pretenduar se Gjinushi uzurpoi postin e kryetarit të Akademisë duke i shitur partinë e tij Tom Doshit, kreu i ASH-së u përgjigje shkurt. 

10 Tetor 2022, 21:32 Nga k.m.
“Matrapaz, i shiti partinë Tom Doshit”/ Skënder Gjinushi i
Sali Berisha dhe Skënder Gjinushi

TIRANË- Kryetari i Akademisë së Skënder Gjinushi i ka kthyer përgjigje akuzave të bëra nga numri një i Partisë Demokratike, Sali Berisha ndaj tij. Teksa Berisha nuk i kursente akuzat ndaj tij, duke pretenduar se Gjinushi uzurpoi postin e kryetarit të Akademisë duke i shitur partinë e tij Tom Doshit, kreu i ASH-së u përgjigje shkurt. 

“Po i bëj një urim, inshalla s’e shkatërron PD siç bëri me Akademinë e Shkencave”.

Në një deklaratë më herët gjatë ditës, nga selia e Partisë Demokratike, Berisha lëshoi akuza të rënda ndaj kreut të Akademisë së Shkencave, i cili sipas tij e uzurpoi drejtimin e akademisë duke i shitur partinë Tom Doshit.

“Sot Akademia kremton 50-vjetorin në një regres të madh. Në qoftë se në krye më parë kishte një historian, të nderuar dhe serioz siç ishte Aleks Buda, sot ka një matrapaz, një ish-ministër të diktaturës i cili uzurpoi postin e kryetarit të Akademisë duke i shitur partinë e tij Tom Doshit. Nuk ka histori më të turpshme se kjo. Skënder Gjinushi ish-kryetar i PSD-së i shiti partinë Edi Ramës për Tom Doshin, në shkëmbim të kryetarit të Akademisë. Histori më të turpshme në historinë e botës akademike nuk mund të ketë se kjo. Ai qëndron në atë post në dhunim flagrant të Kushtetutës së vendit, e cila përcakton se kryetari i Akademisë emërohet nga Presidenti i Republikës”, tha sot Berisha.

sali berisha skënder gjinushi akademia e shkencave

Sondazh

Poll

MË SHUMË