Politike

Presidenti/ Salianji: Alibeaj mashtron, s’ka asnjë dakortësi Opozita

13 Maj 2022, 14:18 Nga DOSJA
Presidenti/ Salianji: Alibeaj mashtron, s’ka asnjë dakortësi
Ervin Salianji

TIRANË- Deputeti i Partisë Demokratike Ervin Salianji shkruan se kolegu i tij Enkelejd Alibeaj gënjen kur thotë se ka një vendim të dakordësuar për kriteret apo mënyrën se si do të bëhen negociatat për zgjedhjen e Presidentit të Republikës. Në një postim në Facebook, Salianji thotë se duhet një mbledhje e të gjithë deputetëve për të vendosur për kriteret që do të propozojë opozita.

Postimi i deputetit Ervin Salianji:

Grupi parlamentar i Partisë Demokratike nuk ka një vendim të dakortësuar për kriteret apo mënyrën se si duhet të zhvillohet proçesi i negociatave!  Deputetë të pranishëm në takimin e kaluar më konfirmojnë që në atë takim shumica e të pranishmëve e ka rrëzuar kriterin që Presidenti i Republikës nuk duhet të jetë politik! Gjithë opozita ka një pikë përbashkuese: PSSh nuk ka legjitimitetin për ta zgjedhur Presidentin e vetme, për këtë arsye i takon Partisë Demokratike dhe grupit të saj parlamentar të thërrasë në mbledhje të përbashkët gjithë deputetet opozitarë për të dakortësuar qëndrimin për kriteret por dhe personalitetet që mund të gjejnë konsensus të gjerë!

Alibeaj tha se paraditen e sotme se Opozita ka rënë dakort në lidhje me kërkesat që duhet të plotësojë një President. Alibeaj tha se flet në emër të të gjithë deputetëve që kanë shprehur mendimin e tyre. Sot, ai nuk shkoi në takimin e thirrur nga kreu i grupit parlamentar të Partisë Socialiste Taulant Balla, i cili diskutoi me Shpëtim Idrizin e Fatmir Mediun.

(f.m/dosja.al)

Sondazh

Poll

MË SHUMË