Aktualitet

Vijon rritja e numrit të të infektuarve/ 275 raste të reja brenda 24 orëve të fundit dhe 6 viktima, shkon në 499 numri i j

29 Tetor 2020, 15:27 Nga DOSJA
Vijon rritja e numrit të të infektuarve/ 275 raste të reja brenda

SHQIPËRI– 499 viktima, 8,809 të infektuar aktivë dhe 11,007 të shëruar. Ky është bilanci i Covid-19 në Shqipëri, që nga fillimi i pandemisë. Ministria e Shëndetësisë, gjatë përditësimit të dhënave për 24 orët e fundit, bëri me dije se gjashtë persona të tjerë kanë humbur jetën nga Covid-19.

Një 61-vjeçar nga Korça, një 67-vjeçar nga Pogradeci, një 69-vjeçar nga Lezha, një 71-vjeçar nga Vlora, një 73-vjeçar nga Fieri dhe një 74-vjeçar nga Tirana, me sëmundje bashkëshoqëruese, kanë ndërruar jetë gjatë 24 orëve të fundit, duke bërë që numri i viktima të shkojë në 499 në total.

Në 24 orët e fundit në Shqipëri, janë kryer 1422 testime, nga të cilët kanë rezultuar pozitivë 275 qytetarë të prekur nga virusi SARS-COV2. Rastet pozitive të konfirmuara në 24 orët e fundit janë identifikuar në këto bashki: 163 raste në Tiranë, 30 në Korçë, 15 në Shkodër, 12 në Durrës, 11 në Pogradec, 9 në Librazhd, 7 në Lezhë, nga 3 raste në Fier, Lushnje, Mat, nga 2 raste në Devoll, Elbasan, Vlorë, Mirditë, Berat, nga 1 rast në Has, Kavajë, Pukë, Mallakastër, Kamëz, Gjirokastër, Përmet, Prrenjas, Kuçovë.

Aktualisht në spitalin Infektiv dhe “Shefqet Ndroqi” po trajtohen 291 pacientë, 13 në terapi intensive nga të cilët 5 pacientë janë të intubuar.

Janë shëruar 114 qytetarë, duke e çuar në 11,007 numrin e të shëruarve në vend që prej fillimit të epidemisë. Ministria e Shëndetësisë dhe Mbrojtjes Sociale apelon qytetarët për të mbajtur detyrimisht maskën edhe në ambientet e hapura jashtë shtëpisë, në mënyrë që të minimizohet përhapja e infeksionit. Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19. Telefononi në linjën e gjelbër falas 0800 40 40 për të kontaktuar mjekun e familjes, për sherbim psikologjik te specializuar dhe të sigurt si dhe për çdo informacion tjetër rreth COVID19.

COVID-19 – Statistika (29 Tetor 2020)
Raste të reja ditore 275
Të shëruar ne 24 orë 114
Të shtruar në spitale 291
Humbje jete në 24 orë 6

Testime ditore 1422

Testime totale 122,426
Raste pozitive 20,315
Raste të shëruara 11,007
Raste Aktive 8,809
Humbje jete 499

Shpërndarja gjeografike e rasteve aktive sipas qarqeve:
Tiranë 4468
Durrës 837
Fier 650
Korçë 544
Shkodër 522
Lezhë 396
Elbasan 378
Vlorë 352
Berat 256
Kukës 184
Gjirokastër 131
Dibër 91

Duke qenë se numri i infektuarve është në rritje të vazhdueshme, Ministria e Shëndetësisë ka shtrënguar masat. Konviktet janë mbyllur, mësimi në universitete do të vijojë vetëm online dhe  Komisioni Teknik i ekspertëve po diskuton mbylljen e bareve dhe restoranteve në zonën e ish-Bllokut, pas orës 22:00.

(a.k;f.m/osja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet koronavirusi ne shqiperi mbyllja e dyte ne shqiperi viktimat e koronavirusit ne shqiperi koronavirusi ne shqiperi mbyllja e dyte ne shqiperi viktimat e koronavirusit ne shqiperi

Sondazh

Poll

MË SHUMË