TIRANË– Nënkryetari i Lëvizjes Socialiste për Integrim, Luan Rama ka publikuar një mesazh në të cilin pretendon se i drejtohet prindërve dhe nxënësve u kërkohet që të paguajnë para në mënyrë që mësuesit të bëjnë testet për koronavirusin. Duke postuar mesazhet, ish-deputeti shkruan se është demaskuar propaganda e qeverisë në lidhje me masat e marra për administrimin e pandemisë dhe shkollat nën kushtet e infektimeve të mundshme nga COVID-19.
“Disa drejtori shkollash, kryesisht me anë të kryetarëve të bordeve të prindërve, por edhe përmes mësuesve kujdestarë, u janë drejtuar prindërve të nxënësve me sms dhe iu kërkojnë që ata të kontribuojnë me një shumë të caktuar në lekë për të përballuar kostot e testeve antikovid që duhet të bëjnë mësuesit!,”-shkruan Rama.
Ndërkohë që lidhur me denoncimin e bërë nga Rama, ende nuk nuk ka një reagim nga Ministria e Shëndetësisë apo ajo e Arsimit.
POSTIMI I PLOTË:
Skandali i rradhës në shkollat e Tiranës: Prindërit e nxënësve, detyrohen të paguajnë për testet antikovid të mësuesve! Edhe një skandal tjetër me bekimin dhe “përkujdesjen” e qeverisë, shfaqet nëpër shkollat e kryeqytetit. Disa drejtori shkollash, kryesisht me anë të kryetarëve të bordeve të prindërve, por edhe përmes mësuesve kujdestarë, u janë drejtuar prindërve të nxënësve me sms dhe iu kërkojnë që ata të kontribuojnë me një shumë të caktuar në lekë për të përballuar kostot e testeve antikovid që duhet të bëjnë mësuesit! Ky është një akt i turpshëm dhe në shpërdorim të plotë të marrëdhënieve të prindërve të nxënësve me shkollën, që jo vetëm demaskon propagandën e gënjeshtërt dhe mashtruese të qeverisë në lidhje me masat e marra për administrimin e pandemisë së koronavirusit, por nxjerr zbuluar abuzimin dhe vjedhjen nën maskën e masave që kërkon të imponojë qeveria. Ja teksti i mesazhit që iu është dërguar prindërve të nxënësve nga ana e kryetarit të bordit të nxënësve të një prej shkollave të kryeqytetit, të cilin ma dërgoi njëri nga prindërit: “Pershendetje, faleminderit per informacionin. Pyetje 1) A ju japin mesim femijeve tane dy mesueset qe kane dale pozitive? 2) Respektimi i masave, a perfshin mbajtjen e maskes gjate mesimit edhe per femijet dhe mesuesit qe flasin (pergjigjen ne mesim ose shpjegojne)? Pyes, se me c’lexojme covid merret kryesisht nga ajri dhe maska mbron si vetveten si te tjeret. Per kontributet që na është kërkuar nga drejtoria e shkollës qe ti mbledhim na lajmeroni kush po merret me ate proces qe t’jua japim femijeve t’i sjellin. Nje rezultat negativ i tamponit per nje person jo simptomatik, nuk garanton qe personi nuk mund te zhvilloje covid dhe te jete ngjities ne ditet ne vijim, keshtu qe vija e pare duhet te jete zbatimi i mbajtjes se maskave. Gjithsesi, jam shume dakort te mbledhim fonde per te testuar rastet kur mesuesit vet dyshojne qe jane ekspozuar ose kane simptoma”. Ja edhe përgjigjja e prindit: “Mirmbrema e faleminderit per njoftimin. Jam dakort te mblidhen fonde. Sa per testime eshte e pamundur qe sa here te kete te infektuar te pergjigjemi me testime kur shteti nuk funksionon e keto teste kushtojne. Kusht i domosdoshem duhet te jete maska. Na thoni per fondin sa duhet te paguajm ta dergojme me femijen. Naten e mire!” Rasti është skandaloz, ndaj qytetarët jo vetëm duhet të mos paguajnë asnjë lek, por të denoncojnë cilindo që tenton t’iu imponohet me anë të kësaj skeme mashtrimi dhe vjedhjeje.
1 vit nga zgjedhjet e 25 prillit si e shikoni gjendjen e vendit:
TIRANË– Sherr gjatë votimeve për kandidatët për deputetë të Partisë Demokratike në Kamëz? Në media u publikua lajmi se në spitalin Ushtarak kanë shkuar të ...
TIRANË– Në degën e Partisë Demokratike në Kamëz është konfirmuar e gjithë lista e kanidatëve për deputetë. Ish-kryebashkiaku i Kamëz, Xhelal Mziu është kon...
TIRANË– Ish-deputeti i Partisë Demokratike Bardh Spahia ka reaguar lidhur me vendosjen e detyrueshme të maskave anti-Covid edhe në ambiente të hapura...
TIRANË– Kryetarja e LSI, Monika Kryemadhi e ftuar në emisionin ‘’Kjo Javë’’ ka përmendur edhe njëherë partinë e re të presidentit Ilir Meta. Teksa po...
TIRANË- Ka përfunduar votimi për kandidatët e Partisë Demokratike që do të garojnë për rrethin e Tiranës në zgjedhjet e 25 prillit të vitit 2021. Procesi i...
TIRANË– Kryetarja e Lëvizjes Socialiste për Integrim, Monika Kryemadhi ka komentuar fjalimin e kryeministrit Edi Rama dje në Asamblenë e Partisë Socialiste...
TIRANË– Kryetarja e Lëvizjes Socialiste për Integrim, Monika Kryemadhi ka adresuar sulmin e kryeministrit Edi Rama dje nga Asambleja e Partisë Social...
TIRANË– Kryetarja e Lëvizjes Socialiste për Integrim, Monika Kryemadhi ka bërë me dije një ndërhyrje kirurgjikale. E ftuar në emisionin “Kjo Ja...
