Aktualitet

Pendohet! Euglen Halili bashkëpunon me drejtësinë: Mikun tim Regis Runaj, e vrava për llogari të Xhuljano Hoxhës, më dha

8 Shtator 2020, 11:42 Nga DOSJA
Pendohet! Euglen Halili bashkëpunon me drejtësinë: Mikun tim

TIRANË– Euglen Halili, i arrestuari për vrasjen e Regis Runajt, në rolin e ekzekutorit dhe për vrasjen e Emiljano Ramazanit, në rolin e ‘vëzhguesit’, është penduar. Gazetari Elton Qyno shkruan se Halili ka pohuar se është ai personi që e ka vrarë Regis Runajn, edhe pse e kishte shok, dhe se gjithçka e ka bërë për llogarinë e Xhuljano Hoxhës, gjithashtu i arrestuar për këtë ngjarje. Edhe për vrasjen e Ramazanit, Halili ka treguar në dëshminë e tij, se ai ka mbajtur në vëzhgim Ramazanin duke informuar personat e tjerë për ta qëlluar.

Halili ka shtuar se ka qenë Xhuljano Hoxha e ka paguar me një sasi të konsidertueshme eurosh, para të cilat i kanë dhënë shtysën, që të fillojë të planifikojë vrasjen e mikut të tij, Runajt.

Runaj dhe Halili kanë qenë bashkë duke konsumuar një sasi kokaine dhe më pas janë nisur në drejtim të varrezave të qytetit. Udhëtimi është kryer me një motor. Sipas dinamikës së ngjarjes, Euglen Halili, fillimisht e ka qëlluar mikun e tij me thikë, teksa ishin të dy duke lëvizur me motor. Goditja ka ndodhur nga prapa dhe Runaj, nuk ka pasur asnjë mundësi të reagojë dhe kundërvihet për tu vetëmbrojtur. Kur është kthyer para, Runaj, është qëlluar edhe 26 herë të tjera me thikë teksa drejtonte motorin. Sipas dëshmisë së Halilit, ata të dy janë rrëzuar nga motori dhe sërish Halili, ka vijuar ta qëllojë me thikë, derisa Runaj ka humbur jetën.

Në total, Runaj u qëllua 27 herë me thikë nga Euglen Halili. Pas vrasjes ky i fundit, është larguar me motorin që drejtonte viktima, mjet nga i cili u zbardh e gjithë ngjarja. Policia ka mundur të sekuestrojë motorin, gjatë kontrolleve në banesat e personave të dyshuar. Pikërisht në këtë motor, u gjendet gjurmë gjaku të viktimës Regis Runaj dhe një gjurmë gishti të Euglen Halilit.

Në vendngjarje, policia gjeti dhe sekuestroi 72 metra larg nga trupi i viktimës një çantë brezi me rrip, në ngjyrë të zezë, me zinxhirë e dëmtuar, tre aparate telefonash celularë, dy të markës “Iphone”, dhe një me markë të papërcaktuar, një portofol ngjyrë e zezë, një kartë identiteti në emër të Regis Runaj, një leje drejtimi automjeti, në emër të viktimës, një paketë cigaresh “Slims”, dy kartëmonedha 200 lek dhe 1000 lek, një çelës, një çakmak me gaz, një libër të vogël me përmbajtje fetare, një karikues makine, një faturë ngjyrë e verdhë dhe një kontratë për qira-mjeti në emër të viktimës Regis Runaj. Ky i fundit, njihej nga policia si konsumator droge.

Në këtë mënyrë u arrit në prangosjen e Halilit.

Tashmë ai ka pranuar të bashkëpunojë dhe të tregojë gjithçka, vetëm që në fund të dënimit të ishte i favorizuar nga drejtësia. Runaj kishte njohje edhe me Emiljano Ramazanin, i cili u ekzektua një javë para Runajt.

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet emiljano ramazani euglen halili regis runaj emiljano ramazani euglen halili regis runaj

Sondazh

Poll

MË SHUMË