VELIPOJË– Indrit Bajraktari, 25-vjeçari që shoqëronte Enisa Dodën në xhiron fatale me skaf në plazhin e Velipojës, rezulton i martuar në Angli. Dosja.al ka mësuar se i riu ka qenë i martuar jashtë ndërsa kishte shumë pak kohë që ishte kthyer në Shqipëri. Bajraktari ishte i martuar me Almudena Bajraktari dhe pritej që shumë shpejt e shoqja t’i sillte në jetë edhe një fëmijë.
Xhiroja fatale që përfundoi me vdekjen e 17-vjeçares, ende nuk është zbardhur ndërsa dëshmia e të riut para policëve ka qenë kontradiktore. Rrëshqitja dhe rënia nga motori duket se i ka shkaktuar të miturës edhe shenjat, pasi pas ekspertizës mjekoligjore është zbuluar se shenjat e nxirjes kanë ardhur për shkak të bllokimit të frymënarrjes. Policia këmbëngul në versionin se Bajraktari doli nga deti pa Dodën dhe pa motorin e ujit, ndërsa më pas në dëshminë e parë në në polici, tha se e kishte lenë në breg pranë xhaxhait të saj.
Një tjetër element i pazbardhur i ngjarjes janë shenjat e dhunës në trupin e pajetë të të miturës, e cila u fut në motorin e ujit pa jelek dhe nuk dinte not. I riu në versionin e dytë në polici thoshte se vajza ka rrëshqitur dhe më pas është mbytur në det.
Por ai sërish është kontradiktor në rrëfimin e tij, kur thotë se nuk mban mend asgjë nga ajo që ka ndodhur. I riu doli pa çelësin e motorit në breg, ndërsa vajza u gjet pasi pronarët e mjetit denoncuan në polici, pasi Bajraktari nuk i kishte sqaruar se ku ndodhej “bashkëshoqëruesja” e xhiros së tij. Pronari i mjetit lundrues, në deklaratën e dhënë përpara grupit hetimor ka treguar gjithashtu se në momentet kur ka pyetur të riun lidhur me vendndodhjen e të miturës, Indriti kishte dashur t’ia mbathte me preteksin se do blinte një shishe ujë.
Enisa Doda ishte me pushime me familjen në Velipojë, ndërsa paraprakisht dyshohet se të dy u njohën përmes rrjetit social “Facebook”, ndërsa 25-vjeçari ishte emigrant në Angli. Një tjetër element i pazbardhur është fakti se familjarët nuk kanë sqaruar rrethanat e njohjes së vajzës së tyre të mitur me Bajraktari, apo për mënyrën sesi ajo iu ka kërkuar që të dalë me të dhe shoqet e saj.
Ngjarja e rëndë ndodhi më 19 gusht 2020. Trupi i të miturës u gjet me shenja në një largësi rreth 700-800 metra nga bregu. Indrit Bajraktari i cili ishte edhe drejtuesi i motorit u prangos nga policia. Kjo ngjarje ka sjellë edhe pezullimin e lëvizjes me mjete motorike në plazhin e Velipojës.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
POGRADEC- Detaje të reja kanë dalë nga plagosja me armë zjarri në fshatin Bishnicë të Pogradecit. Burime për Dosja.al bëjnë me dije se autori i ngjarjes është S...
KOSOVË– Policia e Kosovës gjatë natës ka arrestuar 2 gra dhe një burrë nga Shqipëria. Mësohet se personat janë arrestuar në Fushë-Kosovë, pasi nuk kanë res...
BERAT- Ditën e sotme, policia e Beratit ka arrestuar kryeplakun e fshatit Skrevan, personin me iniciale L.I, i cili akuzohet për zjarrëvënie në mjedise pyjore. ...
BERAT- Në malin e Tomorrit ka nisur peligrinazhi i përvitshëm. Besimtarë, këtë herë të paktë në numër për shkak të pandemisë, ndodhen në malin e shenjtë, për t...
SHQIPËRI– “Po plaken, po vdesin, po largohen”. Kështu titullohet një artikull i fundit i revistës së njohur The Economist, ku trajtohet fenomeni i tkurrjes...
FUSHË-KRUJË/ 6 vajza janë plagosur gjatë një aksident të trefishtë që ka ndodhur në mesnatë në aksin Fushë Krujë- Milot, në afërsi të fshatit Luz. Bur...
FUSHË-KRUJË/ Policia e Shtetit ka dhënë detaje në lidhje me aksidentin që ndodhi gjatë natës në fshatin në afërsi të fshatit Luz, në Fushë-Krujë. Poli...
POGRADEC- Tronditet sërish qyteti i Pogradecit. Rreth orës 02:00 të mëngjesit të sotëm, në një lokal në fshatin Bishnicë, 35-vjeçari Spartak Çela ...
SHQIPËRI- Ditën e sotme do të dominojë një mot i kthjellët në zonat e ulëta e ato bregdetare. Ndërsa, përgjatë kufirti lindor do të ketë vranësira të lehta...
TIRANË- Kryetarin e Bashkisë së Tiranës, Erion Veliaj, e kemi parë shpesh në ekrane teksa inaguron rrugë të reja në kryeqytet. Veliaj shprehet se tashmë po...