TIRANË- Gjyqtari i Apelit të Shkodrës, Aleks Nikolli, u shkarkua dje nga Komisioni i Pavarur i Kualifikimit. Pak orë pas vendimit të KPK-së, Nikolli ka zgjedhur të reagojë me vargjet e Rudyard Kipling.
Në një postim në mediat sociale ai u drejtohet miqve të tij se nuk ka fjalë të tjera, por zgjedh të flasë me poezinë e nobelistit birtanik Kipling. Ndërkohë pas seancës ku u mor vendimin për largimin e tij nga sistemi i drejtësisë, ai heshti dhe nuk foli as për mediat.
REAGIMI I PLOTË
Në respekt të raporteve sociale që kemi ngritur dhe të kureshtjes pozitive dhe negative të ngritur ndaj gjendjes time të sotme, më lejoni që të komunikoj me ju përmes fjalëve të shumëdëgjuara, por të pavdekshme të nobelistit britanik Rudyard Kipling!
Në mundesh të ruash arsyen/ Kur bota e humbet fillin/ E fajin ta hedhin, e vetes t’i besosh/ Sa here për ty dyshojnë, e s’të përfillin/ Por dhe dyshimet drejtë t’i gjykosh.
Në mundesh të rrish në pritje, nga pritja pa u lodhur/ E kur të urrejnë, urrejtje të mos ushqesh/ Madje ndaj shpifjeve të rrish pa folur/ Me thjeshtësi, me to pa rënë ndesh…
Në mundesh të mendosh, por jo gjer në shkatërrim/ Të ëndërrosh, por jo si rob ëndërrimesh/ E të trajtosh njëlloj e pa dallim/ Ngadhënjim e shpartallim, burim mashtrimesh.
Në durofsh dot që thëniet e tua të drejta/ Në kurthe për trutharët, kopukët do t’i kthejnë,/ Të thyejnë gjërat më të shtrenjta, e prapë t’i ndërtosh/ Me vegla pune që nuk vlejnë!
Në mundesh, fitoret qe ke korrur, t’i flijosh/ Si në kumar, në një të vetme lojë/ Të rrezikosh, të humbësh, e prapë te fillosh/ Dhe humbjet kurrë të mos i zësh me gojë!
Në i detyrofsh dot muskul, nerv, dhe puls e zemër/ Të të shërbejnë edhe kur gjithçka të duket e kotë/ E të qëndrosh, kur s’ka asgjë veç vullnetit,/ Që veç një fjalë, ‘qëndro’ gjithnjë të thotë.
Në mundesh të flasësh me maskarenjtë/ Por nderin tënd ta ruash/ E të ecësh përkrah mbretit pa krenarinë që të verbon/ Nëse armiku ose miku s’të bëjnë dot të vuash/ Dhe gjithçka në e çmon, përveç sa e meriton.
Në mundesh të mbushësh ti minutat,/ Aq të rënda, me vepra që peshojnë,/ Dije, dhe mos ki asnjë dyshim/ E jotja do jetë bota me ç’ka brenda/ Dhe burrë do jesh, o biri im….
Ky reagim i Aleks Nikollit vjen një ditë pasi Komisioni i Pavarur i Kualifikimit zhvilloi seancën në ngarkim të tij. Në përfundim të hetimit kundër tij, KPK ka vendosur ta shkarkojë. Trupi gjykuesi i përberë nga Brunilda Bekteshi kryesuese, Olsi Komici relator dhe Lulzim Hamitaj anëtar, zbuluan shkelje probleme të së shkuarës së gjyqtarit. Nikolli njihej dhe si gjyqtari që zbuti dënimin kundër Dritan Dajtin.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
KAVAJË– Mbrëmjen e djeshme ka ndodhur një aksident në Golem, ku është plagosur një person. Mësohet se një makinë është përplasur me një trafikndarëse dhe ë...
SHQIPËRI- Ditën e sotme do të ketë sërish reshje shiu. Meteoalb parashikon se sot do të ketë shira në veri dhe verilindje të vendit. Ndërsa, në bregdet do ...
TIRANË-Dosja.al ju sjell një përmbledhje të portaleve në vend dhe lajmet e tyre kryesore. Dosja.al ka si lajm të parë bilancin e COVID-19 në Shqipëri. Shqi...
E gjithë kurora e gjelbërt e halorëve që rrethon qytetin e Gjirokastrës është duke kaluar një situatë të vështirë për shkak të sëmundjes së proçesionares...
TIRANË– Piktori Gazmend Leka ka treguar me lot në sy se si e ka pritur lajmin e hidhur për humbjen e Arben Bajos. Në një prononcim për Report Tv, Lek...
MBRETËRI E BASHKUAR- Media britanike “Daily Mail” i ka kushtuar një tjetër artikull mafias shqiptare, dhe këtë herë ka përfshirë ata që merren me trafik të...
ITALI– Edmond Vistaraj, 40 vjeç është shqiptari që vdiq një ditë më parë në Itali.Mediat italiane shkruajnë se Vistaraj, ishte i martuar dhe la pas...
GREQI-Dy shqiptarë në Greqi u përfshinë në një konflikt të ashpër në një lokal në Lamia. Njëri prej tyre lajmëroi vëllezërit, e tij, të cilët erdhën menjëherë n...
TIRANË– Miqtë e pedagogut Klement Qerimi kanë përlotur rrjetin pas ndarjes nga jeta të këtij të fundit. Përmes statuseve në rrjetet sociale, ata dhanë lajm...
TIRANË- Pedagogu i Universitetit Politeknik, Klement Qerimi ka humbur betejën me COVID-19. Qerimi ndodhej prej ditësh i intubuar në spital Infektiv, por nu...