TIRANW-Arqipeshkvi i Tiranës dhe Durrësit, Mons. George Frendo i ka bërë thirrje autoriteteve shtetërore, që të shtojnë masat kufizuese për të parandaluar përhapjen e COVID-19. Në një postim në Facebook, ai shkruan se kur numri i të infektuarve ishte më i ulët kishte më shumë masa kufizuese.
Sipas tij, autoritetet kanë frikë të shtrëngojnë sërish masat për shkak të problemeve ekonomike, ndërsa thekson se parësore për momentin është shëndeti i njerëzve.
Postimi i plotë
JU LUTEM: MË SHUMË KUJDES PËR SHËNDETIN E POPULLIT!
Mons. George Frendo O.P.
Këtë thirrje e bëj i nxitur nga dashuria për popullin tonë dhe nga interesi për të mirën e përbashkët. A nuk na shqetëson situata e tmerrshme e përhapjes së koronavirusit në vendin tonë? Ka shumë ditë, që dëgjojmë për një numër të infektuarish gati çdo ditë më të lartë sesa ditën e mëparshme. Çdo ditë infektohen mbi njëqind veta. Kur numri i të infektuarve ishte shumë më i vogël, u dhanë shumë urdhra për të shmangur rreziqet: asnjë makinë në fundjavë, shumë kufizime rreth daljes, autobuzët nuk përdoreshin, një ditë madje dolën edhe kamionat ushtarake!!! Vërtetë, situata përshkruhej si një luftë!
Po tani? A jemi pajtuar me koronavirusin? Ose kemi frikë se më shumë kufizime do të krijojnë probleme për ekonominë e vendit? E çfarë duhet të ketë përparësi, ekonomia, apo shëndeti i popullit? Ministrja e shëndetësisë ka bërë shumë mirë, që shpesh herë ka apeluar për ruajtjen e masave për t’u mbrojtur kundër epidemisë. Por nuk mjafton fjala e Ministres.
Para disa ditëve, Atë Arturo Sosa, eprori gjeneral i Jezuitëve, tha se koronavirusi është një kërcënim jo vetëm për jetën njerëzore dhe për punët, por edhe për demokracinë. “Demokracia mund të jetë një nga viktimat e pandemisë nëse nuk bëjmë kujdes për situatën tonë politike”. Ndoshta dikush mund të më akuzojë se po ndërhyjë në politikë? Jezusi ka afruar dhe shëruar shumë të sëmurë. Fatkeqësisht unë nuk e kam këtë aftësi! Por e kam për detyrë të flas për mbrojtjen e shëndetit të popullit tonë.
Ju lutem: më shumë kujdes për shëndetin e popullit tonë!
Sakaq në Shqipëri rëndohet çdo ditë bilanci i COVID-19. 189 viktima, 2735 pacientë me Covid-19 dhe 3227 të shëruar, është bilanci i deritanishëm. Gjatë 24 orëve të fundit humbi jetën edhe një 58-vjeçar nga Tirana, ndërkohë 20 pacientë janë në terapi intensive, 3 prej të cilëve të intubuar.
(g.sh./dosja.al)
1 vit nga zgjedhjet e 25 prillit si e shikoni gjendjen e vendit:
PEQIN– Shefit Shabani, 40-vjeçari që humbi jetën në aksident me motor pasditen e sotme po bënte gara. Shabani, bashkë me mikun e tij, që mbeti gjithashtu...
TIRANË– Ish-deputetja e LSI-së Nora Malaj ka bërë publike faktin që ka qenë e infektuar me Covid-19. Në një status në Facebook, teksa ka publikuar edhe një...
TIRANË -Në Shqipëri, pandemia e Covid-19 po shkakton shumë vështirësi edhe për punëtorët e bizneseve Call Centers. Sipas një sondazhi me ta, ndonëse biznes...
TIRANË– Mjeku Pëllumb Pipero ka deklaruar se të infektuarit aktivë me Covid-19 në Shqipëri, nuk janë në të vërtetë 2735 siç është raportuar nga Mini...
TIRANE– Aktori i humorit, Bes Kallaku përmes një fotoje në Instagram i ka dhënë lamtumirën mikut të tij, biznesmenit Eugert Lazajt i cili u gjet i vdekur në ban...
TIRANË– Mjeku Pëllumb Pipero ka sqaruar fotot që qarkulluan në rrjet, ku doli me listë në dorë përpara të afërmeve të pacientëve të shtruar. I ftuar në stu...
TIRANË– Dy persona, drejtuese mjetesh janë plagosur si pasojë e një aksidenti automobilistik. Sipas njoftimit zyrtar nga Policia e Tiranës, mësohet se në r...
ITALI-Një 34-vjeçar shqiptar i kërkuar nga autoritetet britanike u arrestua ditën e sotme në Itali. Autoritetet britanike kishin lëshuar një arrest europ...