KORÇË- Policia e Korçës ka arrestuar 6 persona, F. M., 21 vjeç, A. B., 20 vjeç, F. H., 24 vjeç M. D., 26 vjeç. B. D., 20 vjeç dhe S. L., 20 vjeç. Të 6 personat janë kapur në vende të ndryshime duke trafikuar klandestinë. Në total policia ka kalur 14 klandestinë, të cilët kishin si synim kalimin e kufirit drejt vendeve të BE-së.
Njoftimi i Policisë:
Vijojnë goditjet e njëpasnjëshme në kuadër të operacionit “Perimetri”. Në vijim të këtij operacioni, goditen 4 raste të tjera të veprimtarisë kriminale në fushën e dhënies ndihmë shtetasve të huaj për kalim të paligjshëm të kufirit, kundrejt fitimit.
Kapen duke transportuar 14 emigrantë të paligjshëm, arrestohen në flagrancë 6 shtetas, njëri prej të cilëve gjatë ndjekjes, nuk iu bind urdhrit të policisë për të ndaluar, si edhe shpallet në kërkim 1 bashkëpunëtor tjetër.
Strukturat për Hetimin e Krimeve në Drejtorinë Vendore të Policisë Korçë, në bashkëpunim me Policinë Kufitare, Policinë Rrugore, Komisariatin e Policisë Pogradec në vijim të operacionit policor “Perimetri”, kanë goditur katër raste të tjera të veprimtarisë kriminale në fushën e dhënies ndihmë shtetasve të huaj, për kalim të paligjshëm të kufirit, kundrejt fitimit, me qëllim dërgimin e tyre drejt vendeve të BE-së. Si rezultat i të cilëve u bë kapja dhe arrestimi në flagrancë i shtetasve:
• F. M., 21 vjeç, banues në Tiranë, i cili u kap nga shërbimet e Policisë Rrugore në lagjen nr. 5, Pogradec, duke transportuar me mjetin tip “Volkswagen” dy emigrantë të paligjshëm.
• A. B., 20 vjeç, banues në Kamëz, Tiranë; B. D., 20 vjeç, banues në Tiranë, si edhe u shpall në kërkim S. L., 20 vjeç, banues në Krujë, pasi në Unazën e qytetit të Pogradecit, në bashkëpunim me njëri-tjetrin po transportonin me mjetin tip “Volvo” tre emigrantë të paligjshëm, ku shtetasi B. D., (drejtues mjeti) nuk iu bind urdhrit të punonjësve të policisë për të ndaluar, por u kap dhe neutralizua.
• F. H., 24 vjeç, banues në Milot, Kurbin dhe E. T., 22 vjeç, banues në Tiranë, të cilët u kapën pranë Unazës së qytetit të Pogradecit duke transportuar me mjetin tip “Benz”, pesë emigrantë të paligjshëm.
• M. D., 26 vjeç, banues në Tiranë, i cili u kap në lagjen nr. 3, Pogradec, duke transportuar me mjetin tip “Opel”, katër emigrantë të paligjshëm.
Shtetasit e mësipërm po transportonin emigrantët e paligjshëm në drejtim të Tiranës, të cilëve kundrejt fitimit, iu kishin premtuar kalimin drejt vendeve të BE-së.
Materialet në ngarkim të tyre i kaluan Prokurorisë pranë Gjykatës së Shkallës së Parë Pogradec për veprat penale “Ndihma për kalim të paligjshëm të kufijve, kryer në bashkëpunim” dhe “Mosbindja ndaj urdhrit të punonjësit të policisë së rendit publik”.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
SHQIPËRI- COVID-19 është përhapur gjerësisht në vendin tonë. Çdo ditë rritet numri i të infektuarve dhe viktimave.Por çfarë po ndodh me kurim...
SHQIPËRI- Organizata e Kombeve të Bashkuara ditën e sotme ka publikuar planin për rimëkëmbjen e ekonomisë së Shqipërisë që ka rënë si pasojë e koronavirusi...
TIRANË– Dy vëllezërit Saimir dhe Arsil Shera kanë pranuar vrasjen e taksistit 71-vjeçar, Abdulla Budlla. Në dëshminë e tyre në Polici, ata kanë bërë...
ELBASAN– Një ngjarje e rëndë ka ndodhur mbrëmjen e djeshme në qytetin e Elbasanit, tek vendi i njohur si porta e Kalasë. Një makinë e marrë me qera, tip “BMW” k...
Krujë– 13 të infektuar me koronavirus në burgun e Zaharisë në Krujë, në të cilën ndodhen personat me probleme të shëndetit mendor. Nuk dihet ende gjendja shënde...
TIRANË- Ministrja e Shëndetësisë dhe Mbrojtjes Sociale Ogerta Manastirliu, ka publikuar videon-mesazhin e Andrin Tahirit, Shef Shërbimi i Toksikologjisë Kl...
DURRËS–Dy persona kanë qëlluar me armë zjarri në lagjen nr. 15 në qytetin e Durrësit dhe janë arrestuar nga Policia. Të prangosurit janë identifikuar si; ...
BERAT– Dy persona kanë përfunduar në prangat e Policisë pasi kanë tentuar që të fusin lëndë narkotike në burgun e Beratit. Në prangat e Policisë kanë rënë...
SHKODËR– Tre persona janë arrestuar pasi disa ditë më parë tentuan që të hynin me forcë në ambientet e Gjykatës së Shkodrës duke u konfliktuar edhe me efek...