Aktualitet

Rama vendosi Safet Gjicin në Kukës, Kolgjini: As votat s’i ble dot, do iki në theqafje të pandaleshme

8 Prill 2019, 07:27 Nga DOSJA
Rama vendosi Safet Gjicin në Kukës, Kolgjini: As votat s’i ble

Kukës- Kreu i Shoqatës ‘Biznesi për Biznes’ në Kukës, Sokol Kolgjini ka reaguar ndaj vendimit të Ramës, që vendosi kandidat për bashkinë, Safet Gjicin.  Sipas tij qeveria Rama është sot në ditët më të këqija dhe Safet Gjici do të jetë bashkëudhëtar me të.

“Qeveria sot është në ditët më të këqija dhe duket në rënie pikiadë. Për pasojë edhe kandidati i saj për këtë Bashki konsiderohet bashkudhëtar me të në theqafje të pandalshme.

Shpresa për të blerë votën, si guri i fundit dhe i fortë në dorë të blerësve duket se nuk do të jetë si më parë. Ka ndryshuar fryma te njerëzit dhe vëmendja e kontrolluesve. Duket se kjo gjë do të monitorohet rreptë kësaj rradhe, kurdo që do të bahen zgjedhjet.  Të gjitha këto duken si përparësi që do ti ketë cilido kandidat i PD-së.”, shprehet ai.

 Reagimi i plotë

POLITIKË APO LOJË

Pas prezantimit të ngutshëm të kandidatit të PS për bashkinë e Kukësit, tashma duket se topi ka kalue në fushën e PD-së. Do jetë kjo e fundit që do vendose nëse don me e fitue këtë Bashki apo jo.
Referue kësaj situate, nuk duket e nevojshme me analizue kandidatin e PS-së nëse asht në nivelin e duhun për me pretendue kreun e bashkisë, aq sa duket e nevojshme me diskutue kandidatin që PD-ja ka me i vu përballë, kurdo që kto zgjedhje të zhvillohen. Kjo analizë do na bajë me kuptue qëndrimin e dy kampeve kryesore politike. La të perpiqemi ta bajmë.
– Kukësi tradicionalisht ka pasë tendencë me votue PD-në, e kjo duket po të kena parasysh numrin e deputetëve dhe kryebashkiakëve në vite. Kjo asht përparsi për PD-në.
– Kuksianët nuk janë shumë dashamirë me qeverisjen dhe KM aktual, e shfaqun kjo me protestat e vijueshme prej 2016 e deri te kjo e dy ditve ma pare, e kjo po ashtu asht përparsi për PD-në.
– Perceptimi i qytetarëve asht se prej kësaj qeverie po grabitemi, kjo vertetohet pasi çdo pasuni e Kukësit asht dhanë me koncesion, prej te minierat e hidrocentralet e deri te rruga dhe aeroporti, nga të cilat komuniteti nuk asht aspak përfitues. Kështu, natyrshëm shpresohet se një qeveri tjetër do t’na e heqe “traun prej qafe”.
– Qeveria sot asht në ditët ma të kqija dhe duket në ranie pikiadë. Për pasojë edhe kandidati i saj për këtë Bashki konsiderohet bashkëudhëtar me të, në theqafje të pandalshme.
– Shpresa për me ble votën, si guri i fundit dhe i fortë në dorë të blerësve duket se nuk do të jetë si ma parë. Ka ndryshue fryma te njerëzit dhe vëmendja e kontrolluesve. Duket se kjo gja do të monitorohet rreptë kësaj rradhe, kurdo që do të bahen zgjedhjet.
Të gjitha këto duken si përparësi që do ti ketë cilido kandidat i PD-së.
Po cilat janë pengesat që mundet me pasë ky kandidat?
1. PD-ja nuk po e përcakton kandidatin me të cilin pretendon se mundet me qeverisë ma mirë, pra po e le fushën bosh. Zgjedhësit duhet me e ditë se kush asht nga ana tjetër, gjithashtu edhe kandidati duhet me pasë kohën e duhun, e kjo, pavarsisht se kur do të dalë në zgjedhje. Në zgjedhjet e kalueme u provue se ‘Lista e minutës së fundit’ ishte gabim.
2. Qeverisja lokale aktuale, duke qenë në nivel shumë të dobët, ka krijue paknaqësi dhe përçamje te qytetarët, përfshi edhe militantët. Kjo duket qartazi sot në ekzistencën e dy grupimeve në PD. Katapultimi i kandidatëve prej Tirane duket variant i gabuem sepse stimulon edhe qeverisje në të njëjtën mënyrë (qeverisje me korrespondencë siç ka ndodhe deri sot).
3. PD-ja duke e lanë “fushën” bosh, po i jep mundesi kundërshtarit me stimulue ose me i dhanë rrolin e “protagonistit” një kandidature të dobët, me të cilën natyrisht fiton lehtësisht.

Pranimi ose mospranimi i kësaj loje nga PD-ja do t’na çonte në pasqyrën se si do të luhet loja nga keto forca politike. Sjellja sikur nuk po e kupton që kundërshtari po ia përcakton kandidatin duke ia promovue si “kundërshtar aktiv”, do ta çonte PD-në në përcaktimin e një kandidati të dobët për Bashkinë e Kukësit, e, për pasojë në humbjen e sigurtë. Në të kundërt, përcaktimi i një kandidati dinjitoz do të dëshmonte se po luhet ndershëm.
Topi asht në fushën e PD-së.

J.V/Dosja.al 

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet bashkia kukes edi rama safet gjici sokol kolgjini zgjedhjet e qershorit bashkia kukes edi rama safet gjici sokol kolgjini zgjedhjet e qershorit

Sondazh

Poll

MË SHUMË