TIRANË- Gjykata e Lartë do të ketë si kryetar të përkohshëm, Sokol Sadushin. Ish-drejtori i Shkollës së Magjistraturës, Sadushi u zgjodh si zv.kryetar i Gjykatës së Lartë me kompetenca kryetari deri në zgjedhjen e pasardhësit e tij dhe plotësimit të kuorumit të institucionit të drejtësisë.
Sadushi u zgjodh me 7 vota pro për të drejtuar Gjykatën, e cila kishte mbetur pa drejtues që prej largimit të gjyqtarit Ardian Dvoranit. Ai u largua disa javë më parë, me 6 vota pro dhe 3 kundër Këshilli i Lartë Gjyqësor vendosi për përfundimit e mandatit të gjyqtarit të Gjykatës së Lartë, Ardian Dvorani. KLGJ me shumicë votash vendosi që Dvorani të njoftohet nga Këshilli për t’u caktuar në një pozicion në Gjykatën e Apelit në Tiranë.
Ndërkohë aktualisht Gjykata e Lartë ka tre anëtarë, Ervin Pupe, Sokol Sadushi dhe Ilir Panda.
Njoftimi i plotë:
Mbledhja e përgjithshme e gjyqtarëve të Gjykatës së Lartë zhvilloi më datë 7.7.2020 procedurën për zgjedhjen e Zëvendëskryetarit të kësaj Gjykate. Në këtë mbledhje ishte i pranishëm edhe Zëvendëskryetari i Këshillit të Lartë Gjyqësor.
Referuar kërkesave të nenit 26, pika 3 të Ligjit nr. 98/2016 “Për organizimin e pushtetit gjyqësor në RSH” si dhe të vendimit Nr. 7, datë 21.12.2018 “Rregullore për miratimin e rregullave për zgjedhjen e zëvendëskryetarëve të gjykatave” të Këshillit të Lartë Gjyqësor, që parashikojnë zgjedhjen e zëvendëskryetarit nga rradhët e gjyqtarëve të Gjykatës së Lartë, pas procesit të verifikimit të përmbushjes së kritereve ligjore për kandidaturën e paraqitur, në prani të 3 gjyqtarëve dhe të 4 ndihmësmagjistratëve të komanduar dhe me të drejtë vote, Mbledhja e Përgjithshme vijoi me kryerjen e procedurës së votimit.
Në përfundim, rezultoi i zgjedhur me unanimitet me 7 vota, Z. Sokol Sadushi, si zëvendëskryetari i Gjykatës së Lartë.
Pas 13 vjet përvoje profesionale si gjyqtar i Gjykatës Kushtetuese, z. Sadushi ka gëzuar, sipas ligjit përvojën profesionale edhe si gjyqtar i Gjykatës së Lartë. Për afro 6 vjet ka ushtruar detyrën e Drejtorit të Shkollës së Magjistraturës, funksion i cili, sipas nenit 250, pika 3 e 4 të Ligjit nr. 115/2016 “Për organet e qeverisjes së sistemit të drejtësisë”, barazohet me atë të gjyqtarit të Gjykatës së Lartë dhe “njihet si periudhë vjetërsie në punë, si gjyqtar, për efekt të kërkesave të karrierës profesionale”.
Deri në zgjedhjen e Kryetarit të Gjykatës së Lartë, z. Sadushi i sapozgjedhur në detyrën e Zëvendëskryetarit do të ushtrojë kompetencat e Kryetarit, referuar nenit 26 pika 2 të Ligjit nr. 98/2016 “Për organizimin e pushtetit gjyqësor në RSH”.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
Vetëflijimi i nënës dhe vajzës duke tentuar ringjalljen në banesën e tyre në Kombinat ka tronditur mbarë opinionin publik. Për për të folur për këtë situatë ish...
SHBA– Shtetet e Bashkuara vazhdojnë të shënojnë rritje dramatike në numrin e rasteve të infeksionit me COVID-19. Shteti i Floridës pati 11458 raste të reja më 4...
TIRANË– Detaje të reja janë zbuluar nga arrestimi i ish-kryebashkiakut të Vorës, Agim Kajmaku. Burime për Dosja.al bëjn...
TIRANË- Arrestohet ish-kryetari i Bashkisë së Vorës, Agim Kajmaku. Burime për Dosja.al bëjnë me dije se ai u ndalua në një spital privat në Tiranë, ku u pa...
DURRËS– Një ditë pas arrestimit të tyre, Policia e Shtetit ka dhënë informacion zyrtar lidhur me grabitësit e veprave të artit, që i vidhnin në Parkun Arke...
TIRANË- Një debat ka pasur mbrëmjen e djeshme në emisionin “360gradë” të Artur Zhejit, mes inxhinierit Arben Meçe dhe Bejdo Malos. Sa i përket masa...
TIRANË- Andi Koraqi, shefi i Laboratorit të Mikrobiologjisë dhe njëkohësisht pjesëtar i Komitetit Teknik deklaroi në emisionin “5 Pyetje nga Babaramo” në R...
SARANDË- Gjatë orëve të fundit është konfirmuar një tjetër i infektuar me COVID-19 në Sarandë. Mësohet se një person është paraqitur me temperaturë të lart...
TIRANË-Dosja.al ju sjell një përmbledhje të portaleve në vend dhe lajmet e tyre kryesore. Dosja.al ka si lajm të parë reagimet e Gent Cakajt dhe Besa Shahi...
TIRANË– Fotot që po shikoni tregojnë disa prej frazave, në të cilat janë bazuar anëtaret e familjes Josifi për të shkuar drejt vetëflijimit. Në studion e e...