Tiranë- Gazeta begle “La Libre Belgique” ka publikuar më 25 maj një artikull mbi shembjen e Teatrit Kombëtar në Tiranë. Në shkrim, i cili është publikuar edhe nga Aleanca për Mbrojten e Teatrit Kombëtar, theksohet se kjo godinë u shemb natën dhe në mes të pandemisë. Sipas kësaj medie teatri i vjetër i Tianës nuk mundi të mbijetojë dhe qeveria nuk ka mbajtur premtimet.
Shkrimi i plotë:
“Skenë krimi”. Mbrapa, prezenca e rëndësishme e forcave të policisë nuk mundet të maskojë rrënojat e Teatrit Kombëtar. Pamjet e shkatërrimit nga ana e autoriteteve, të dielën pas orës 4:30 të mëngjesit, kanë shokuar shumë Shqipërinë. “Teatri ishte diçka që na bashkonte”, ankohet Xhemali, një biolog i ri, në pragun e lotëve. “Ishte arti! Aktorët kanë sakrifikuar jetën e tyre për të na emancipuar. Larg nga njohja e kësaj vepre, institucionet e përçmojnë atë krejtësisht. Mes rrënojave dallohen kostume dhe afishe nga shfaqjet e fundit.
Dëshmitarë të proceseve të para gjyqësore të zhvilluara nga diktatura staliniane që Shqipëria ka njohur deri në vitin 1991, skena e teatrit ka gjallëruar jetën kulturore gjatë shtatëdhjetë viteve. Në mungesë të investimeve, ndërtesa, e përuruar në vitin 1939 gjatë pushtimit të vendit nga Italia e Musolinit, e plakur ra dalëngadalë. Prej më shumë se dy vite e gjysmë, Aleanca për Mbrojtjen e Teatrit u përpoq që çdo ditë të shkundë ndërgjegjet për të shmangur zhdukjen e tij. OJF Europa Nostra për ruajtjen e pasurisë kulturore të kontinentit, e kishte vendosur së fundmi në krye të listës së saj të monumenteve të rrezikuara.
Premtimet e pambajtura
Ndërkohë që bashkia përpiqet të qetësojë lojën duke prezantuar projektin e teatrit të ri të përgatitur nga agjencia daneze e “arkistarit” Bjarke Ingels, manifestuesit sulmojnë maskaradën, ata vënë theksin te mungesa e thirrjes për oferta dhe mungesa e transparencës. Ngjitur mbi një platformë të rastësishme përballë turmës, regjisori Robert Budina kërkon drejtësi. “Ata kanë shkatërruar pikërisht në çastin kur ne kishim gjetur paratë në Europë për restaurimin dhe projekti i tyre do t’i kushtojë Shqipërisë 30 milionë euro, siguron ai. Ata kanë një projekt tjetër që nuk është të ndërtojnë një teatër të ri por kulla biznesi. Është ky qëllimi i qeverisë. Përtej lidhjes sentimentale ose të vlerës arkitektonike të ndërtesës, shumë manifestues kanë ardhur per te shprehur shqetesimet e tyre sa i perket politikes se kryeministrit socialist Edi Rama. E vështirë që të mendohet sot që ky artist dhe politikan zgjoi shpresën e rinisë gjatë zgjedhjeve të vitit 2013. Premtimet e luftës kundër korrupsionit dhe pabarazive nuk janë mbajtur dhe qindra mijëra shqiptarë janë larguar nga vendi në vitet e fundit. Reforma pa mbarim e drejtësisë, e kërkuar nga Bashkimi Europian, nuk ngjall besimin e qytetarëve. Zgjedhjet e fundit lokale e kanë parë Partinë Socialiste të konkurronte e vetme, pa opozitë. Më keq, ky njeri proeuropian i afërt me presidentin turk është i akuzuar qe i shërben interesave të “oligarkëve” dhe që po bie në autoritarizëm. Ndërkohë që Shqipëria nuk numëron as 1000 raste me Covid-19, kryeministri ka vendosur ligje që vrasin lirinë, që autorizojnë policinë për veprim dhe për vendosje ndalimqarkullimi në orën 13:00. Në fundjavën e shkatërrimit të teatrit, qarkullimi i makinave ishte i ndaluar në Tiranë.
“Të çlirohet shteti”
Intelektuali që ka kaluar në burgjet e regjimit komunist, Fatos Lubonja në rrënojat e teatrit sheh pikën kulmore të tensioneve politike dhe sociale të viteve të fundit. “Për shumë shqiptarë, ky shkatërrim është një goditje shumë e rëndë”, thotë ai. Jo vetëm ndaj kujtesës historike, identitetit të tyre por edhe ndaj dinjitetit dhe lirive të tyre.” Ky përbuzës i palodhur i klasës politike bën thirrje për një “lëvizje të qytetarëve” deri në “çlirimin e shtetit të kapur nga krimi i organizuar dhe rithemelimin e kushteve të një pluralizmi politik në një shtet të së drejtës”.
Larg nga zbutja e situatës, kryeministri është treguar jofleksibël. Demokracia është një pjesëmarrje në një debat, jo një imponim tiranik nga ana e një pakice me kërcënimet e shantazhit dhe dhunës”, replikoi Edi Rama në televizion. Në këtë akt të ri të një devijimi të demokracisë shqiptare, recesioni ekonomik që fillon rrezikon të mbysë edhe më tej shpresat për ndryshim.
Teatri Kombëtar u shemb më 17 maj, me një vendim të Këshillit Bashkiak të Tiranës. Shkatërrimi i teatrit u shoqërua me protesta të shuma dhe policia ushtroi dhe dhunë ndaj protestuesve dhe artistëve. Pas shembjes së godinës Aleanca për Mbrojtjen e Teatrit ka nisur takime në çdo qytet dhe po mbledh firmat për peticionin që kërkon rindërtimin e teatrit. Rama ka premtuar se në atë truall do të ndërtohet sërish teatri, por me një projekt tjetër.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
ITALI– Kritiku italian i artit Vittorio Sgarbi, disa ditë më parë, përjetoi momente tmerri duke rrezikuar dhe jetën. Ai rrezikoi që të mbytej teksa bënte not në...
SHIJAK- Dy persona janë arrestuar nga Policia e Durrësit, pasi u kapën duke shitur gëzhoja në një pikë skrapi në Maminas. Gjatë kontrollit të ushtruar në pikën ...
GREQI– 34-vjeçarja shqiptare, e cila u rrëmbye për disa ditë nga greku, Dimitris Aspiotis, i ashtuquajturi “përbindëshi i Kavos” në Korfuz ka rrëfyer his...
Shqipëri- Qeveria e Kosovës hap kufirin me Shqipërinë. Nga sot çdo shqiptar që do të shkojë në Kosovë nuk ka nevojë që të paraqesë dokumentin për bërjen ...
Qeveria shqiptare ka miratuar kërkesën e Shërbimit Informativ për pajisjen me identitet të fshehtë të agjentëve që infiltrohen për të hetuar grupet terroriste, ...
Tiranë- Dosja.al ju sjell një përmbledhje të portaleve në vend dhe lajmet e tyre kryesore. Dosja.al ka në lajm të parë protestën në Manzë për kamionët me mbetur...
Kukës- Nga më shumë se 100 specie tulipanësh që njihen në të gjithë botën, vetëm 2 janë endemike të territorit shqiptar. Njëra prej tyre, ‘Tulipa Albanica’ rrit...
Shqipëri- Ditën e sotme u zhvillua zhvillohet provimi i gjuhës së huaj i Maturës Shtetërore 2020. Në gjithë vendin ishin 32. 126 maturantë që iu nënshtruhan te...
Durrës- 4 tërmete të njëpasnjëshme kanë rënë në orët e para të mëngjesit të sotëm në afërsi të Thumanës. Tërmetet kanë qenë me magnitudë nga 2.1 deri në 3.6 të...
Durrës- Gazetari Bledian Koka ka reaguar për kamionët me mbeturina, të cilët po tentonin të futeshin mbërmjen e djeshme në zonën e Manzës. Në një postim në Face...
