Politike

“Asnjë formë propagande nuk mbulon gënjeshtrat”, Basha: Rama përuroi dy herë fermën e vëllait të kreut të Bashkisë

3 Qershor 2020, 16:03 Nga DOSJA
“Asnjë formë propagande nuk mbulon gënjeshtrat”,

TIRANË- Kreu i Partisë Demokratike, Lulzim Basha akuzuar kreun e qeverisë, Edi Rama, se ka përuruar dy herë të njëjtën fermë në Divjakë. Në një postim në Facebook, Basha është shprehur, se Rama po shkatërron agrobiznesin vendas dhe subvencionet e Agjencisë së Zhvillimit Bujqësor Rural, janë vetëm në dispozicion të klientëve të tij.

Sipas Bashës, kjo fermë nuk është përzgjedhur kot, pasi është në pronësi të Fredi Kokoneshit, kryetarit të Bashkisë së Divjakës. Ndër të tjera ai është shprehur se kryeministri e ka zhytur vendin në varfëri dhe asnjë formë propagande nuk mbulon dot gënjeshtrat e tij.

Postimi i plotë

Ndërkohë që RAMAVIRUSI po shkatërron agrobiznesin vendas, ideatori dhe zbatuesi i këtij shkatërrimi, vjet në 30 maj dhe këtë vit po në 30 maj shfaqet duke përuruar të njëjtën fermë në Divjakë. Është e qartë se subvencionet e AZHBR-së për fermerët si çdo fond publik në Shqipëri janë vetëm në dispozicion të klientëve të Edi Ramës, të miqve dhe oligarkëve të tij. Pasi rrënuan ekonominë dhe zhvatën paratë e shqiptarëve, cirku kryeministror i rikthehet objekteve që ka përuruar më parë me shpresën se shqiptarët do t’i besojnë shfaqjet me regji qëndrore të ERTV-së. Edi Rama i ka zhytur shqiptarët në varfëri dhe papunësi, e ka rrënuar ekonominë dhe biznesin e ndershëm dhe po e çon agrobiznesin drejt falimentimit. Asnjë formë propagande nuk i mbulon dot gënjeshtrat e Edi Ramës, që është përgjegjësi kryesor për krizën e thellë që po kalon çdo sektor i ekonomisë shqiptare.

(g.sh./dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike edi rama fredi kokoneshi lulzim basha perurimi i fermes edi rama fredi kokoneshi lulzim basha perurimi i fermes

Sondazh

Poll

MË SHUMË