Aktualitet

Abuzuan seksualisht me të miturën duke e shantazhuar me video intime, pranga 4 personave në Tiranë

30 Maj 2020, 13:51 Nga DOSJA
Abuzuan seksualisht me të miturën duke e shantazhuar me video intime,

TIRANË -Policia e Tiranës ka arrestuar një 65-vjeçar me iniciale A.D., i cili kreu marrëdhënie seksuale me dhunë me një 15-vjeçare, si dhe e filmoi aktin. Materialin filmik ia kishte shpërndarë edhe tre personave të tjerë, të cilët janë arrestuar gjithashtu.

Këta të fundit, po nëpërmjet shantazhit, kanë kryer gjithashtu marrëdhënie seksuale me të miturën. Po ashtu ata kanë filmuar aktin me qëllim për ta shpërndarë sërish videon. Në cilësinë e provës materiale, policia sekuestroi dy celularë, ku ndodheshin edhe videot intime.

Njoftimi i policisë

Parandalohet abuzimi i mëtejshëm seksual me dhunë ndaj një të miture;
Policia vë në pranga 4 shtetas, për marrëdhënie seksuale me dhunë me të mitur.
Specialitët për Hetimin e Krimit pas informacionit të marrë se një shtetas, 65 vjeç, kishte abuzuar seksualisht me dhune më një të mitur 15-vjeçe, organizuan punën për identifikimin e personit dhe zbardhjen e ngjarjes. Si rezultat i veprimeve të shpejta profesionale dhe hetimore u bë e mundur kapja dhe shoqërimi në ambientet e Policisë, i 65-vjeçarit A.D. Nga veprimet hetimore rezultoi se ky shtetas kishte abuzuar seksualisht me dhunë me të miturën dhe pas abuzimit i kishte bërë video intime. Këto video ua kishte dhenë tre shtetasve, konkretisht K.P., 20 vjeç, R.O., 16 vjeç dhe F. B., 15 vjeç, të cilët në bashkëpunim me njëri-tjetrin, nën kërcënimin e publikimit të videos, kanë kryer marrëdhënie seksuale me dhunë me të miturën. Më pas ata kanë bërë video intime që t’ua shpërndanin personave të tjerë. Me ndërhyrjen e Policisë Kriminale u parandalua ky veprim kriminal. Në dhomën e intervistimit të të miturve dhe në prezencë të nënës, psikologes dhe avokates, specialistët për Hetimin e Krimeve nën drejtimin e Prokurorit, kanë administruar dëshminë e vajzës dhe të gjitha provat që implikojnë shtetasit e lartpërmendur. Gjithashtu është bërë e mundur të sekuestrohen në cilësinë e provës materiale dhe dy telefona celular në të cilët ndodheshin videot. Në përfundim të veprimeve të para hetimore u bë arrestimi i shtetasve A.D., K.P., R.O. dhe F.B., për veprat penale “Marrëdhënie seksuale ose homoseksuale me të mitur”, ”Marrëdhënie seksuale ose homoseksuale me dhunë me të mitur të moshës 14 deri në 18 vjeç”, “Shtytja e të miturëve në krim” dhe “Vepra të turpshme”, të gjitha kryer në bashkëpunim.
Në bashkëpunim me Prokurorinë po vijon puna për të verifikuar nëse ka persona të tjerë të implikuar në këtë rast të abuzimit seksual me dhunë me të mitur.

(g.sh./dosja.al)

 

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet abuzim seksual policia e tiranes shantazh me video intime abuzim seksual policia e tiranes shantazh me video intime

Sondazh

Poll

Aktualitet 30 Maj 2020, 14:23

TIRANË- Detaje të reja janë zbuluar në lidhje me ngjarjen e rëndë në Tiranë, ku katër persona u arrestuan nga policia, pasi kishin kryer marrëdhënie seksua...

MË SHUMË