Aktualitet

Ish-prefekti i Shkodrës, Çesk Millja flet pas shkarkimit: Nuk komentoj vendimin, motivacioni ishte “lirim nga detyra”

14 Prill 2020, 10:32 Nga DOSJA
Ish-prefekti i Shkodrës, Çesk Millja flet pas shkarkimit: Nuk

Shkodër- Ish-prefekti i Shkodrës, Çesk Millja ka folur për herë të parë pas shkakimit nga detyra. Gjatë një deklarate për mediet ai deklaroi  se nuk do të komentojë vendimin për lirimin nga detyra, por ka theksuar se në punën e tij ka qenë i përkushtuar. Millja nënvizoi se në shkresën e shkarkimit të tij shkruhej vetëm: “lirohesh nga detyra”.

“Jam sot këtu për të zbatuar detyrimin ligjor, në kuadër të zbatimit të detyrës dhe meqë më dolët para nuk mund t’ju anashkaloj juve sepse kam bashkëpunuar gjatë gjithë kohës. Duke ju falenderuar edhe ju, sot nuk është ditë konferencash por pune për të rritur gjithnjë e më shumë masat për parandalimin ndaj një fenomeni të vështirë që po kalojmë. Do këshilloja që themelore është të marrim masa e punojmë të gjithë së bashku për të realizuar një mision, të gjithë bashkë përkëtë qëllim. Isha jo vetëm për të dorëzuar detyrën por edhe falenderuar kolegët e mi që kanë menaxhuar dhe zbatuar të gjitha aktet ligjore dhe normative.  Të shikojmë përpara dhe të mos shikohet pas, motivacioni është “lirohesh nga detyra”, ky është motivacioni nga kryeministri. Nuk është detyra ime të them se çfarë vendimi është por di të them se kam qenë i përkushtuar dhe ju jeni pasqyra e punës sime për punën e gjithë strukturave territoriale. Ju uroj gëzuar Pashkët për ato që i kaluan e që nuk kisha mundësi të përshëndesja, për ato të ardhshmet ortodokse dhe muajin e Ramazanit”, u shpreh ai.

Më 11 prill, ministri i Brendshëm, Sandër Lleshaj, njoftoi se Qeveria ka shkarkuar  nga detyra Prefektin e Qarkut të Shkodrës, Çesk Millja. Sipas Lleshajt, Millja nuk kishte menaxhuar mirë situatën e COVID-19 në këtë qytet, pasi ishte vënë re një mungesë lidershipi. Por Dosja.al mësoi se Millja ishte shkarkuar, pasi i kanë kërkuar që të mbyll tregun e Shkodrës, që dyshohet se ka është shkaktari për shpërthimin e COVID-19 në këtë qytet.

J.V/Dosja.al

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet çesk millja shkarkimi i çesk milljes çesk millja shkarkimi i çesk milljes

Sondazh

Poll

Aktualitet 14 Prill 2020, 10:23

FRANCË– Ai ka theksuar se para 10 vitesh ato kanë pasur një pacient me simptoma të ngjashme, i cili i shte i kafshuar nga një lakuriq nate, ndërsa ka theks...

MË SHUMË