Politike

Dërgimi i 30-të mjekëve, Rama për median italianë: Ishte një zgjedhje e natyrshme, Evropa s’po bën as sa duhet

30 Mars 2020, 13:25 Nga DOSJA
Dërgimi i 30-të mjekëve, Rama për median italianë:

TIRANË- Kryeministri i Shqipërisë, Edi Rama ka dhënë një intervistë për Sk4 Neës 24 në Itali, ku ka folur për dërgimin e mjekëve si një ndihmë humanitare. Rama tha se dërgimi i mjekëve ishte një zgjedhje e natyrshme, dhe shtoi se “besojmë se Italia është shtëpia jonë dhe duke e parë atë të luftojë një luftë kaq të ashpër dhe më pas të lihet në vetvete dhemb shumë”.

Kryeministri u shpreh i bindur se “me siguri nuk do ta ndryshojmë valën e luftës me tridhjetë mjekë dhe infermierë, por ishte diçka absolutisht e natyrshme për të bërë sepse, ne gjithashtu po luftojmë këtu, por luftimi në Itali është si të luftosh në shtëpi“.

“Kthimi nuk është fjala e duhur sepse ne kurrë nuk do të jemi në gjendje të përgjigjemi ato që kanë bërë Italia dhe italianët për ne në periudha shumë të errëta. Thjesht po bëjmë detyrat tona të shtëpisë si anëtarë të një familjeje që është e jona. Në familjen italiane shumë shqiptarë tani janë një pjesë absolutisht e integruar”, tha kreu i qeverisë

Po ashtu në intervistën e tij ai kritikoi Evropën duke thënë se jo vetëm duhetë mbrojë, por duhet të ishte në ndihmë të Italisë. “Armiku i padukshëm sulmoi të gjithë në të njëjtën kohë dhe ne nuk duhet të mbrohemi vetëm, por edhe kundërsulmi. Kjo duhet të bëhet në të gjithë Evropën sepse nuk mund të fitosh vetëm në mbrojtje. Evropa duhet të imitojë Milanin e Sacchi-it, nuk mund të mbrosh vetëm se të gjithë duhet të jesh një ekip ku nuk ka yje që e bëjnë këtë gjë, por aty ku të gjithë duhet të mbrojnë dhe të sulmojnë“, ishte kjo fjala e tij.

Ai vijoi dhe më tej me kritikën e tij duke thënë se “Në Evropë të gjithë po bëjnë luftën e tyre, por kjo nuk po shkon askund për të luftuar atë që sjell virusi, domethënë një situatë ekonomike që nuk mund të mbështetet vetëm nga bonuse ose ndihma shtetërore. Duhet të mblidhen rreth një tryeze dhe të imagjinoni kundërsulmin dhe të dilni nga ky rreth i egër“.

Pak ditë parë qeveria shqiptare dërgoi në Itali një trup prej 30 mjekësh në ndihmë të kolegëve për të luftuar kundër COVID-19. Krerët e politikës në Itali kanë shprehur falenderimet e tyre për qeverinë dhe popullin shqiptar. Ndërkohë në Shqipëri bilanci i personave të infektuar ka shkuar në 223. 44 janë të shëruar dhe 11 viktima. Harta e 11 rasteve të reja zgjerohet në Tiranë, Fier, Shkodër, Tropojë dhe Korçë, ndërkohë që në spitalin Infektiv po marrin shërbim mjekësor 74 pacientë, 4 prej tyre të vendosur në frymëmarrje të drejtuar.

(A.B. Dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike edi rama koronavirusi ne shqiperi masat kunder covid 19 mjeket shqiptare ne itali edi rama koronavirusi ne shqiperi masat kunder covid 19 mjeket shqiptare ne itali

Sondazh

Poll

MË SHUMË