Politike

Ndryshimet në sistemin zgjedhor, zbardhen 4 propozimet e grupit “Demokrat”

6 Mars 2020, 09:34 Nga DOSJA

TIRANË– Grupi parlamentar “Demokrat” është bërë pjesë e Këshillit Politik, duke paraqitur sot një projektligj për ndryshimin e sistemit zgjedhor. Në një dokument, opozita parlamentare ka hedhur dhe njëherë në tavolinë tezën e ndryshimit të sistemit, dhe pse anëtarët e Këshillit Politik e kanë përjashtuar mundësinë e një ndryshimi të tillë duke justifikuar me kohën e pakët që kanë në dispozicion.

Por edhe pse kërkojnë ndryshimin e sistemit aktual, grupi “Demokrat”, nuk është i unifikuar duke dalë në fund me katër propozime. Deputetët Ralf Gjoni dhe Myslim Murrizi kërkojnë një sistem proporcional kombëtar me 100 deri në 140 deputetë, duke marrë si shembull modelin e Kosovës, që ka lista të hapura.  Tre deputetë të tjerë kërkojnë sistem propocional rajonal, të korrektuar me listë kombëtare.

Por ky grupim parlamentar ka dhe një opsion të tretë, ku propozohet sistem propocional me 12 njësi zgjedhore, të gjitha të grupuara me 4 rajone. Rajoni Verior, sipas “Demokratëve” do të përbëhet nga: Kukësi, Shkodra, Lezha dhe Dibra, të cilat të gjithë bashkë do të nxjerrin 27 deputetë. Rajoni i Tiranës do të nxjerrë 34 deputetë, ai qëndror i përbërë nga Durrësi, Elbasani, Korça dhe Berati do të nxjerrin 39 deputetë. Ndërsa rajoni jugor i përbërë nga Fier, Vlora dhe Gjirokastra do të nxjerrin plot 40 deputetë, më shumë nga të gjitha qarqet e tjera.

Ndërkohë në opsionin e katërt dhe të fundit deputetë propzojmë një sistem maxhoritar me listë propocionale kombëtare nga ku Kuvendit do të ketë 140 deputetë, 100 prej të cilëve do të zgjidhen nga zona njëemërore e zgjedhje me një raund; ndërsa të tjerët do zgjidhen në bazë të votave të fituara nga subjektet në rang vendi. Pragu minimal për ta do të jetë 2.5%.

Ndërkohë Këshilli Politik ka vijuar punën me një axhendë tjerë për disa javë me radhë, ku ndryshimi i sistemit dhe pse është përmendur disa herë nga Rudina Hajdari ështe përjashtuar nga tre anëtarët e tjerë të PS, PD e LSI.

Megjithatë propozimet e dala nga grupi demokrat priten që të diskutohen në një moment tjetër, pasi tryeza për reformën zgjedhore që duhet të zhvillohej sot, është shtryrë për të hënën. Kjo pasi opozita joparlamentare do të më shumë për çështjen e administratës.

Kliko KËTU për të lexuar propozimet  për reformën zgjedhore

 

TRYEZA E ZGJEDHORES

Më 14 janar opozita dhe maxhoranca arritën në një konsensus për Reformën Zgjedhore. Palët kanë rënë dakord që reforma të bëhet me konsensus dhe të ‘nxirret’ nga Kuvendi, për të marrë pjesë dhe opozita jashtëparlamentare.

Tryeza e parë e palëve për Reformën Zgjedhore themeloi dhe Këshillin Politik, që përbëhet nga Damian Gjiknuri, Rudina Hajdari, Oerd Bylykbashi dhe Petrit Vasili. 4 anëtarët e Këshillit Politik janë mbledhur disa herë, ku kanë miratuar dhe një kalendar për punën e tyre që do zgjasë deri më 15 mars, ditë kur duhet votuar dhe Reforma Zgjedhore. Këshilli Politik, bashkë me ekspertët brenda dhe jashtë partive si dhe me ndihmën e OSBE-ODIHR do të diskutojnë dhe do gjejnë zgjidhje për 13 tema.

(k.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike grupi parlamentar demokrat ndryshimet ne sistemin zgjedhor sistemi zgjedhor grupi parlamentar demokrat ndryshimet ne sistemin zgjedhor sistemi zgjedhor

Sondazh

Poll

MË SHUMË