Politike

Rritja e çmimeve/ Ibrahimaj: Po i monitorojmë, por shteti nuk mund të ndërhyjë

Produktet e shportës ushqimore kanë nisur të reflektojnë rritjen e çmimeve dhe rritja e çmimeve po bëhet e papërballueshme për qytetarët e thjesht të vendit. 

27 Mars 2026, 12:59 Nga I.A
Rritja e çmimeve/ Ibrahimaj: Po i monitorojmë, por shteti nuk mund
Delina Ibrahimaj

TIRANË- Ministrja e Ekonomisë Delina Ibrahimaj ka deklaruar se shteti e ka të pamundur të ndërhyjë në çmime që po rriten çdo ditë për shkak të luftës. Produktet e shportës ushqimore kanë nisur të reflektojnë rritjen e çmimeve dhe rritja e çmimeve po bëhet e papërballueshme për qytetarët e thjesht të vendit. 

Ibrahimaj deklaroi se në rast të rritjes së çmimeve vazhdimisht, shtresat ne nevojë do të suportohen nga shteti.  

“Nuk thamë që do të ndërhyjmë në çmime. Është e pamundur të ndërhyjmë në çmime. Ne jemi duke monitoruar me bazë ditore dhe do të dalim për të verifikuar që këto çmime nuk janë abuzive. Në rast do të kemi ndikim të vazhdueshëm në çmimet e konsumit, atëherë do të suportojmë shtresat që nuk përballojnë rritjen e çmimeve as për një periudhë të përkohshme. Përqendrimi ynë do të jetë tek pensionistët”, tha Ibrahimaj.

Ministrja deklaroi se kanë nisur një monitorim të rreptë për 80 produkte në mënyrë që të shmangen abuzimet.

“Sa i përket masave për shtresa në nevojë, karburantet në shportën e konsumit kanë një peshë vetëm 2%. Ne kemi gjykuar që edhe gjatë krizës së kaluar që çmimet më të ndjeshme për këto kategori janë energjia elektrike dhe shporta e ushqimeve. Ne herën e kaluar nuk ndërhymë në çmimin e energjisë dhe e mbajtëm vetë peshën e bursës dhe sigurisht ndihmuam me paketën e shportës së ushqimeve. Sigurisht ne jemi duke monitoruar ndryshimet e c çmimeve në energji apo ushqime, nuk ka pasur ndonjë rritje të ndjeshme, por jemi në vazhdimësi në monitorim dhe do t’ju njoftojmë për vendimet tona”, tha Ibrahimaj./Dosja.al

delina ibrahimaj

Sondazh

Poll

MË SHUMË