Aktualitet

Krimi i dyfishtë në Roskovec/ 75-vjeçarja që u vra nga burri do prehet në vendlindje, trupi i të moshuarit ende në morg

Dashuri Rrapaj do te përcillet për në banesën e fundit në Allambres të Beratit, ku është bijë, në orën 13:00, ndërkohë që Shefit Rrapaj ndodhet ende në morgun e Fierit dhe trupi i tij ende nuk po tërhiqet nga familjarët.

25 Mars 2026, 10:46 Nga E. D
Krimi i dyfishtë në Roskovec/ 75-vjeçarja që u vra nga
Dashuri Rrapaj, Shefit Rrapaj

ROSKOVEC- Familja Rrapaj në Kuman të Roskovecit ka hapur dyert e mortit pas tragjedisë të ndodhur mesditën e djeshme ku 80- vjeçari Shefit Rrapaj qëlloi me pushkë bashkëshorten e tij, Dashuri Rrapaj 75 vjeçe dhe më pas vrau dhe veten. Mësohet se varrimi i dy viktimave do të bëhet i ndarë.

Dashuri Rrapaj do te përcillet për në banesën e fundit në Allambres të Beratit, ku është bijë, në orën 13:00, ndërkohë që Shefit Rrapaj ndodhet ende në morgun e Fierit dhe trupi i tij ende nuk po tërhiqet nga familjarët.

Të 9-të fëmijët e çiftit ndodhen në banesën ku ndodhi krimi i dyfishtë dhe në një situatë tepër të rënduar emocionale do të përcjellin përcjellin për në banesën e fundit prindërit e tyre. Motivet e krimit dyshohet se janë konfliktet e vazhdueshme të çiftit të moshuar, i cili edhe pak ditë më parë ka debatuar ashpër, aq sa është dashur ndërhyrja e Policisë.

Vetëm katër ditë më parë, në banesën e tyre kishte ndërhyrë  policia për të sqaruar mosmarrëveshjet mes çiftit. Gjithashtu, mësohet se rreth 10 vite më parë, i moshuari kishte tentuar t’i jepte fund jetës me armë zjarri./Dosja.al

dashuri rrapaj  shefit rrapaj

Sondazh

Poll

MË SHUMË