Politike

Goditje dhe spray lotsjellës ndaj protestuesve, Boçi përplaset me efektivët: Si e mban këtë uniformë! Burracakë, legena (VIDEO)

Boçi foli me tone të ashpra lidhur me incidentin që i ndodhi Berishës. 

22 Mars 2026, 20:27 Nga E. D
Goditje dhe spray lotsjellës ndaj protestuesve, Boçi përplaset
Luçiano Boçi

TIRANË- Deputeti i PD-së, Luçiano Boçi është përplasur me efektivët e policisë, pasi Sali Berisha u lëndua nga spray gjatë protestës. Boçi foli me tone të ashpra lidhur me incidentin që i ndodhi Berishës. 

“Si e mban këtë uniformë. Burracakë, legena," u shpreh Boçi drejtuar policëve.

Më pas edhe Flamur Noka është përplasur me efektivët. Deputetët shprehën zemërimin e tyre përballë forcave të rendit, pasi këta të fundit hodhën spraj lotsjellës dhe ujë në drejtim të Berishës pranë Kryeministrisë dhe AKSHI-t, për shkak të së cilës Berisha nuk u ndje mirë për disa minuta.

"Do vijë ditë, do vijë. Jeni shndërruar në një bandë. Pse funksiononi si bandë, nuk funksiononi si institucion kushtetues. Keni marrë urdhër, keni goditur direkt në sy liderin e opozitës. Jo të gjithë ju, po një nga ju. E kemi të filmuar, do e paguani.
Do ta paguani shtrenjtë. Nuk jeni shërbëtorë të ligjit, jeni mercenarë të krimit të organizuar. Atij i shërbeni.

Nuk e ka të gjatë sepse nuk mund të rrijë më ky kriminel në krye të qeverisë. Hoqët një narkotrafikant, keni vënë një vrasës politik në krye të policisë sot. Ndaj mos merrni urdhra prej tyre sepse gjithsecili prej jush ka familje. Edhe juve taksa Rama 2200 u ka shkuar, jo vetëm qytetarëve të thjeshtë. Edhe për ju çmimet e ushqimeve kanë shkuar në ekstrem. Ndaj mos u bëni mercenarë," tha Noka ndër të tjera./Dosja.al

 

 luçiano boçi sali berisha

Sondazh

Poll

MË SHUMË