Aktualitet

Tritoli ndaj makinës së agjentit të krimeve/ Arrestohet autori i dyshuar në Lezhë (EMRI)

Sipas njoftimit të policisë, në pranga ka rënë Fatjon Rrika, i cili është kapur nga kamerat duke lëvizur me ciklomotorin e tij, me të cilin kishte shkuar për të kryer shpërthimin.

17 Mars 2026, 09:23 Nga D.S
Tritoli ndaj makinës së agjentit të krimeve/ Arrestohet autori i
Lezhë

LEZHË-  Policia e Lezhës ka zbardhur ngjarjen, ku një efektivi të policisë iu vendos tritoli në automjeitn e tij. Sipas njoftimit të policisë, në pranga ka rënë Fatjon Rrika, i cili është kapur nga kamerat duke lëvizur me ciklomotorin e tij, me të cilin kishte shkuar për të kryer shpërthimin.

Mësohet se, 32-vjeçari u arrestua në fshatin Zhejë, Kurbin, teksa drejtonte të njëjtin ciklomotorin, me të cilin dyshohet se kishte shkuar në vendngjarje, ditën e kryerjes së krimit. Gjithashtu, bëhet me dije se, nisi procedimi penal për babanë e shtetasit e tij, shtetasin 66 vjeç, pasi gjatë kontrollit në banesën e tyre, u gjet një armë gjahu pa leje. 

Njoftimi i policisë: 

"Lezhë/Finalizohet operacioni i koduar “Zoomed In”.

Zbardhen autorësia dhe rrethanat e ngjarjes së ndodhur 2 ditë më parë, në lagjen “Besëlidhja”, ku u shkatërrua me eksploziv, automjeti i një punonjësi policie. Identifikohet dhe arrestohet autori i dyshuar i krimit,Fatjon Rrika. I arrestuari, shtetas me precedent në Itali, për vjedhje me armë.  Ai u kap duke lëvizur me ciklomotorin me të cilin kishte shkuar për të kryer shpërthimin.

Si rezultat i veprimeve hetimore intensive të kryera me qëllim përcaktimin e autorësisë dhe sqarimin e rrethanave të ngjarjes së ndodhur më datë 15 mars 2026, në lagjen “Besëlidhja”, ku u shkatërrua me lëndë plasëse, automjeti i punonjësit të Policisë, shtetasit Gj. Gj., shërbimet e Komisariatit të Policisë Lezhë, në drejtimin e Prokurorisë dhe në bashkëpunim me shërbimet e Komisariatit të Policisë Kurbin, finalizuan operacionin e koduar “Zoomed In”.

Gjatë operacionit, u identifikua si rezultat i vëzhgimit të hollësishëm të një sërë pamjesh filmike të siguruara në akse të ndryshme, autori i dyshuar i rastit, shtetasi F. Rr., 32 vjeç. 32-vjeçari u arrestua në fshatin Zhejë, Kurbin, teksa drejtonte të njëjtin ciklomotorin, me të cilin dyshohet se kishte shkuar në vendngjarje, ditën e kryerjes së krimit.

Në vijim të operacionit, nisi procedimi penal për babanë e shtetasit F. Rr., shtetasin N. Rr., 66 vjeç, pasi gjatë kontrollit në banesën e tyre, u gjet një armë gjahu, e cila posedohej pa leje. Ciklomotori dhe arma e gjahut u sekuestruan me cilësinë e provës materiale. Vijon hetimi në drejtimin e Prokurorisë së Lezhës, për të identifikuar dhe nxjerrë përpara penale, një shtetas që dyshohet se ka bashkëpunuar me 32-vjeçarin, për kryerjen e këtij krimi. Materialet procedurale iu referuan Prokurorisë së Lezhës, për veprime të mëtejshme.",njofton policia./Dosja.al

lezhe tritoli ne lezhe

Sondazh

Poll

MË SHUMË