Politike

Projekti i Porto Romanos/ Rama: Faktorët e nëndheshëm që lidhen me trafiqet dhe faktorët politik nuk e duan

Po ashtu Rama theksoi se projekti për këtë port, e kthen Durrësin në një fuqi e re që hyn në konkurrencën tregtare detare të Mesdheut.

15 Mars 2026, 09:53 Nga I.A
Projekti i Porto Romanos/ Rama: Faktorët e nëndheshëm që
Edi Rama

TIRANË- Kryeministri Edi Rama ka folur sot për projektin e Porto Romanos, i cili ka mbetur pezull aktualisht. Gjatë fjalës së tij në podkastin 'Flasim', Rama theksoi se për këtë port ka shumë faktorë të nëndheshëm që lidhen me trafiqet e narkotikëve.

Po ashtu Rama theksoi se projekti për këtë port, e kthen Durrësin në një fuqi e re që hyn në konkurrencën tregtare detare të Mesdheut. Po ashtu ai thekson se vendi është gati që të kalojë në një plan tjetër agresiv për të garantuar fillimin e ndërtimit të portit.

“Këtë port të ri jo të gjithë e duan dhe e mirëpresin. Faktorë brenda dhe jashtë, duke filluar nga faktorët e nëndheshëm që lidhet me trafiqet, deri tek faktorët politik dhe të tretë jashtë kufijve të Shqipërisë nuk kanë sesi ta mirëpresin, pasi në rastin më të mirë kjo është një fuqi e re që hyn në konkurrencën tregtare detare të Mesdheut dhe në rastin më të ndjeshëm është një faktor që merr pjesë nga sofra ku shpërndahet përfitimi i gjithë aktivitetit detar tregtar në këtë pjesë të botës ku ne jetojmë. Një porti i ri i këtyre përmasave e çon Shqipërinë në një nivel tjetër në hartën logjistike të rajonit dhe e kthen në një vend që zotëron një nyje strategjike të Evropës. Dua të them se pavarësisht vështirësive që ka hasur projekti, pavarësisht tërheqjes së kompanisë, ne jemi gati të kalojmë në një plan tjetër, të shpejtë dhe agresiv për të garantuar fillimin e ndërtimit të portit”, tha Rama./Dosja.al

edi rama

Sondazh

Poll

MË SHUMË