Aktualitet

Arrestohet 41-vjeçari në Krujë, me precedent të mëparshëm penal/ I vodhi paratë 24-vjeçares dhe mori kredi në emër të saj

Sipas njoftimit zyrtar të policisë, 41-vjeçari me iniciale F.Xh., i mori të resë një shumë parash nëpëmjet mashtrimit gjithashtu mori kredi në emër të saj.

27 Shkurt 2026, 08:46 Nga D.S
Arrestohet 41-vjeçari në Krujë, me precedent të
Foto ilustruese

KRUJË- Policia ka arrestuar një 41-vjeçar në Krujë, pasi dyshohet se ka mashtruar një 24-vjeçare duke i vjedhur një shumë parash dhe më pas duke marrë kredi në emër të saj.

Sipas njoftimit zyrtar të policisë, 41-vjeçari me iniciale F.Xh., i mori të resë një shumë parash nëpëmjet mashtrimit gjithashtu mori kredi në emër të saj. Uniformat blu bëjnë m dije se, 41-vjeçari, ishte dënuar më parë për mashtrim.

Njoftimi i policisë: 

"Specialistët për Hetimin e Krimeve të Komisariatit të Policisë Krujë, si rezultat i veprimeve hetimore që u kryen menjëherë pas kallëzimit të një shtetaseje, për një rast mashtrimi, kanë  identifikuar autorin e dyshuar. Në bashkëpunim me shërbimet e DVP Durrës është bërë e mundur kapja dhe arrestimi i autorit të dyshuar, shtetasit: -F. Xh., 41 vjeç, banues në Durrës, i dënuar më parë për mashtrim.

Nga hetimet dyshohet se ky shtetas, më datë 09.02.2026, i ka marrë 550 000 lekë, nëpëmjet mashtrimit, një shtetaseje 24 vjeçe, banuese në Krujë, dhe më datë 24.02.2026, ka aplikuar dhe ka marrë kredi në emër të saj, në një institucion financiar. Materialet procedurale i kaluan Prokurorisë, për veprime të mëtejshme.", shkruhet në njoftim./Dosja.al

kruje arrestohet 41-vjeçari në krujë me precedent të mëparshëm penal i vodhi paratë 24-vjeçares dhe mori kredi në emër të saj

Sondazh

Poll

MË SHUMË