Në fjalën e tij në Kuvend, Kurti përcolli një mesazh teksa tha se republika nuk mund të imponohet së jashtmi, por mund të ndërtohet me punë të përbashkët, duke iu referuar ngërçit politik vitin e kaluar.
KOSOVË- Kryeministri i Kosovës, Albin Kurti theksoi se, zgjedhjet e fundit demokratike, më 28 dhjetor, treguan edhe njëherë vlerat e demokracisë. Në fjalën e tij në Kuvend, Kurti përcolli një mesazh teksa tha se republika nuk mund të imponohet së jashtmi, por mund të ndërtohet me punë të përbashkët, duke iu referuar ngërçit politik vitin e kaluar.
Kurti nënvizoi se, qeveria e re e tij do të vazhdojë angazhimin për zhvillimin si edhe fuqizimin e sigurisë. Ndërsa në lidhje me "fqinjin në veri", Serbinë, Kurti u shpreh se ata duan eurot nga Evropa dhe orientimin nga Kremlini.
“Zgjedhjet e fundit demokratike treguan edhe njëherë vlerën e demokracisë të zgjedhjeve të lira e të ndershme. Republika nuk detyrohet së jashtmi, me imponim e dhunë por ndërtohet së brendshmi me punën tonë të përbashkët. Qeveria e re do të vazhdojë angazhimin për zhvillimin, fuqizimin e sigurisë dhe thellimin e arsimit dhe kulturës.
Ne do të mbrojmë prodhimin inteligjent. Do të konsolidojmë rritjen ekonomike dhe doemos e shoqëruar me rritjen e mirëqenies shoqërore. Pas liberalizimit të vizave me Shengen, pasaporta e shtetit tonë është e fortë se kurrë më parë.”, u shpreh Kurti.
Kurti më pas u ndal edhe situata aktuale politike në rend ndërkombëtar, duke shtuar se pasiguria është rritur dhe se bllokut perëndimor i duhet më shumë se kurrë koherenca e brendshme për sigurinë dhe lirinë e të drejtat. Ai gjithashtu shprehu qëndrimin e qeverisë së tij, për të vijuar rrugën drejt integrimit të Kosovës në Bashkimin Evropian dhe në anëtarësim në NATO.
“Kur u miratua plani i Ahtisarit, në bazë të të cilit u shpall pavarësia, bota kishte tjetër pamje dhe kufizimet që na viheshin për të drejtën tonë për vetëvendosje mendohej se do të kompensoheshin sa me transformimin evropian të Serbisë aq edhe me përfshirjen e shtetit tonë në sistemit evropian kolektiv.
Por sot ne shohim se pasiguria në botë është rritur dhe e bllokut perëndimor i nevojitet koherenca e brendshme për të mbajtur sistemin e sigurisë në Evropë dhe udhëheq botën drejt vlerave të lirisë dhe të të drejtave të njeriut. Ndryshimet në mjedisin ndërkombëtar janë të pashmangshme. Fqinji në veri i do veçse eurot nga Evropa po orientimin nga Kremlini. Prandaj nevojitet të forcojmë edhe më tej shtetësinë e Kosovës, demokracinë dhe aleancat me shtetet perëndimore dhe shtetet fqinj që kanë vlerat dhe interesat sikurse ne.”, tha Kurti./Dosja.al
Kuvendi i Kosoves KOSOVË- Kryeministri i Kosovës, Albin Kurti foli rreth procesit gjyqësor në Hagë të ish-krerë...
kuvendi i kosoves KOSOVË- Presidentja e Kosovës Vjosa Osmani, theksoi se Kosova, 18 vjet më parë, u ngrit nga vuajtja në dinj...
KOSOVË- Seanca solemne për 18-vjetorin e Pavarësisë së Kosovës ka nisur. E para që ka marrë fjalën është...
Hashim Thaçi Dhomat e Specializuara në Hagë bënë të ditur se më 27 shkurt do të mbahen deklaratat hyrëse n&e...
Albin Kurti KOSOVË- Kryeministri i Republikës së Kosovës, Albin Kurti uroi pavarësinë të gjithë shqiptarëve. ...
SPAK TIRANË- Prokuroria e Posaçme Kundër Korrupsionit dhe Krimit të Organizuar ka dhënë pretencën për personat e...
Ilir Meta TIRANË- Kreu i Partisë së Lirisë, Ilir Meta ka uruar nga qelia pavarësinë e Kosovës. Me anë të nj&eu...
Elisa Spiropali TIRANË- Ministrja për Europën dhe Punët e Jashtme, Elisa Spiropali, ka uruar 18-vjetorin e shpalljes së Pavar&eum...
Flamuri i Kosoves Me ngritjen solemne të flamurit shtetëror, Kosova nisi ceremonitë zyrtare për shënimin e 18-vjetorit të pav...
Zamira Sinaj VLORË- Deputetja e Partisë socialiste Zamira Sinaj së fundmi ka dorëzuar një nismë në Kuvend...