Politike

"Pavarësi e papërgjegjshme"/ Rama: Ka 92 raste ku llumi i pastruar nga vetingu janë trajtuar si viktima

Përmes një postimi në rrjetet sociale, Rama shprehet se gjykatat kanë dhënë deri më tani 92 raste në favor të llumit të pastruar nga vetingu, duke u dhënë një trajtim financiar prej rreth 12 milionë Eurosh nga buxheti i shtetit.

12 Shkurt 2026, 14:42 Nga E.d
"Pavarësi e papërgjegjshme"/ Rama: Ka 92 raste ku llumi i
Foto ilustruse

TIRANË- Kryeministri i vendit, Edi Rama ka reaguar pas vendimit të Gjykatës Kushtetuese,  e cila kërkoi më shumë kohë për të marrë vendimin për pagat e magjistratëve. Përmes një postimi në rrjetet sociale, Rama shprehet se gjykatat kanë dhënë deri më tani 92 raste në favor të llumit të pastruar nga vetingu, duke u dhënë një trajtim financiar prej rreth 12 milionë Eurosh nga buxheti i shtetit.

Ai tha se këto vendime gjykatash janë dhënë me urdhër ekzekutimi pa marrë vendimi formë të prerë, duke e detyruar ISSH-në që nga fondi i pensioneve të kryejë pagesat për shkak të vendimit me ekzekutim. 

Reagimi i Edi Ramës

A e dini se gjykatat kanë dhënë deri më tani 92 raste në favor të llumit të pastruar nga vetingu, duke u dhënë një trajtim financiar prej rreth 12 milionë Eurosh nga buxheti i shtetit - pra duke i trajtuar jo si fajtorë, po si viktima që duhen dëmshpërblyer?! Akoma më keq, këto vendime gjykatash janë dhënë me urdhër ekzekutimi pa marrë vendimi formë të prerë (në Gjykatën Administrative të Apelit), duke e detyruar ISSH-në që nga fondi i pensioneve të kryejë pagesat për shkak të vendimit me ekzekutim! Dhe ndërkohë, radha për të marrë lekë nga taksat vazhdon edhe përtej këtij numrit 92, që do të thotë se ato 12 milionët mund të shkojnë shumë më tepër… Kjo quhet pavarësi e papërgjegjshme!/Dosja.al

"Pavarësi e papërgjegjshme"/ Rama: Ka 92 raste ku llumi i

edi rama gjk vetingu

Sondazh

Poll

MË SHUMË