Politike

"I qëndrojmë shumë fortë disa parimeve"/ Sekretari i Përgjithshëm i PS: Nuk lejojmë të pezullohet një ministër

Klosi tha do të ruajnë parimin e mbështetjes për drejtësinë, por nuk do të jetë dakord për ndërhyrjen në pushtetin e zgjedhur nga populli për pezullimin e një ministri si një funksion i padelegueshëm.

9 Shkurt 2026, 20:35 Nga E. D
"I qëndrojmë shumë fortë disa parimeve"/ Sekretari
Blendi Klosi

TIRANË- Sekretari i Përgjithshëm i Partisë Socialiste, Blendi Klosi ka folur lidhur me vendimin e Kushtetueses për pezullimin e Belinda Ballukut. Duke folur për Euronews Albania, Klosi tha do të ruajnë parimin e mbështetjes për drejtësinë, por nuk do të jetë dakord për ndërhyrjen në pushtetin e zgjedhur nga populli për pezullimin e një ministri si një funksion i padelegueshëm.

“Për hir të kronikës nuk ka një vendim të Gjykatës Kushtetuese, por sa i përket raportit me PS-në, ne disa parimeve i qëndrojmë shumë fortë. E para, mbështetja për drejtësinë e re dhe organet e drejtësisë së re dhe atë çfarë drejtësia e re merr vendim. Diskutimi më i madh është për procedurat, e cila është diçka tjetër.

Sa i përket vendimit të Kushtetueses, ne vazhdojmë t’i qëndrojmë fort parimit mbi të cilin pati dhe reagimin Kryeministri, raportin midis institucioneve që është drejtësia në një krah dhe ekzekutivit, për postet që janë të delegueshme. A mund të pezullohen apo jo. Vetë Parlamenti apo Kryeministri nuk u sqarua ky vendim. Ky është vendim i qartë për ne, ku ne asnjëherë nuk do ta pranojmë që një organ që s’është i zgjedhur nga qytetarët, të pezullojë një ministër, një funksion të padelegueshëm,” tha Klosi./Dosja.al

blendi klosi

Sondazh

Poll

MË SHUMË