Aktualitet

E mori rrjedha e ujit pas aksidentit në Klos më 10 janar/ Gjendet trupi i 30-vjeçarit, Jurgen Karaj

Makina në të cilën ndodhej Karaj dhe shoku i tij Andi Losha u aksidentua dhe përfundoi në përroin në fshatin Darsë të Klosit më 10 janar. 

7 Shkurt 2026, 11:41 Nga E. D
E mori rrjedha e ujit pas aksidentit në Klos më 10 janar/ Gjendet
pamje nga aksidenti

KLOS- Trupi i pajetë i Jurgen Karajt, 30-vjeçari i cili u aksidentua dhe më pas u mor nga rrjedha e përroit është gjetur pas gati një muajsh kërkime. Trupi është gjetur 30 kilometra nga vendi ku ndodhi aksidenti. Makina në të cilën ndodhej Karaj dhe shoku i tij Andi Losha u aksidentua dhe përfundoi në përroin në fshatin Darsë të Klosit më 10 janar. 

Që prej ditës kur ndodhi ngjarja kërkimet në rrjedhën e lumit Mat janë bërë pa ndërprerje ku çdo ditë në terren kanë qenë dhjetëra forca të Batalionit të Tretë të Repartit të Këmbësorisë Burrel, familjarë të Jurgenit e struktura të tjera.

Grupeve iu bashkuan edhe ekipe nga Kosova që ndihmuan me mjete dhe pajisje speciale. E gjithë vija lumore e lumit të Matit është kontrolluar disa herë, por nuk ishte e mundur të gjendej trupi i 30-vjeçarit apo ndonjë shenjë e tij./Dosja.al

aksidenti ne klos

Sondazh

Poll

MË SHUMË