Aktualitet

“Me ty do merrem personalisht”! Arrestimi i avokatit Uljan Bajrami pas debatit në gjyq, Prokuroria e Tiranës kërkon pushimin e çështjes

Në tetor të vitit të kaluar, një përplasje u regjistrua në seancën gjyqësore mes avokatit Ulian Bajrami dhe prokurorit Gjergji Ceka.

7 Shkurt 2026, 11:30 Nga E. D

“Me ty do merrem personalisht”! Arrestimi i avokatit Uljan Bajrami

TIRANË- Prokuroria e Tiranës ka vendosur të kërkojë pushimin e çështjes penale nr. 7882, e regjistruar ndaj shtetasit Ulian Bajrami. Ky procedim ka të bëjë me akuzat për “kanosje për shkak të detyrës”, “kundërshtim dhe goditje të gjyqtarit” dhe “kanosje ndaj gjyqtarit”, incidente që ndodhën më 17 tetor 2025 në Elbasan. 

“Prokuroria e Tiranës kërkon pushimin e çështjes për procedimin penal nr. 7882, të regjistruar për veprat penale ‘Kanosje për shkak të detyrës’, ‘kundërshtimit dhe goditjes së gjyqtarit’ dhe ‘kanosjes së gjyqtarit’ ndaj shtetasit Ulian Bajrami për ngjarjen e regjistruar më 17.10.2025 në Elbasan”, thuhet në njoftimine shpërndarë për mediat.

Në tetor të vitit të kaluar, një përplasje u regjistrua në seancën gjyqësore mes avokatit Ulian Bajrami dhe prokurorit Gjergji Ceka. Në audio-regjistrimin e publikuar dëgjohej avokati i cili pretendon se provat ndaj klientit të tij janë të rreme, ndërsa shtonte se do të merrej personalisht me prokurorin dhe do të ngrejë padi ndaj tij.

Pjesë nga audio-përgjimi:

Avokati: Kërkesa e prokurorit për caktim mase dhe vlerësim arresti bazohet në disa prova, një ndër to tregon se ka pasqyrim të rremë të të dhënave. Do merrem personalisht me prokurorin edhe me oficerët e policisë gjyqësore. Do të bëj kallëzim.

Prokurori: Do arrestohet ai

Gjyqtarja: Hera e fundit, nuk funksionon me kërcënim në sallën e gjyqit, nuk ka rëndësi çfarë bëni jashtë kësaj salle, ky lloj komunikimi në sallë me mua gjyqtare nuk lejohet, përqendrohu tek mbrojtja ose të nxjerr përjashta dhe caktoj një avokat kryesisht. Paralajmërimi i fundit./Dosja.al

uljan bajrami

Sondazh

Poll

MË SHUMË