Aktualitet

Tentativa e vjedhjes në Shkodër/ Pas Postës Shqiptare, autori tentoi të grabiste edhe një market

Ai ka tentuar të marrë me forcë një shumë parash në një market, duke u konfliktuar me punonjësin e këtij subjekti.

6 Shkurt 2026, 20:36 Nga E.d
Tentativa e vjedhjes në Shkodër/ Pas Postës Shqiptare, autori
Foto ilustruse

SHKODËR- Një person ende i paidentifikuar ka tentuar sërish të kryejë grabitje në Shkodër, vetëm pak minuta pas përpjekjes së dështuar në filialin e Postës Shqiptare në lagjen “Vasil Shanto”. 

Ai ka tentuar të marrë me forcë një shumë parash në një market, duke u konfliktuar me punonjësin e këtij subjekti. Pas kësaj zënke ai është larguar pa marrë shumën e parave. Shërbimet e Policisë vijojnë kontrollet në terren, me qëllim kapjen e tij.

Shkodër / Informacion shtesë.

Rreth orës 19:15, në sheshin “Prek Cali”, dyshohet se i njëjti shtetas që tentoi të marrë një shumë parash në filialin e Postës Shqiptare është futur dhe ka tentuar të marrë me forcë një shumë parash në një subjekt tregtar (market), duke u konfliktuar me punonjësin e këtij subjekti dhe është larguar pa marrë shumën e parave.

Shërbimet e Policisë vijojnë kontrollet në terren, ndërkohë që grupet hetimore nën drejtimin e Prokurorisë po kryejnë veprime në të dyja rastet, me qëllim identifikimin dhe kapjen e autorit./Dosja.al

shkodër vjedhje market

Sondazh

Poll

MË SHUMË