Politike

Raporti e cilësoi arrestimin e tij si shkelje e drejtave të njeriut/ Ish-presidenti Meta falenderon IFIMES: Nxori në pah degradimin total të shtetit të së drejtës

Përmes një postimi në rrjetin social Facebook, Meta shkruan se IFIMES ka bërë transparencë të thelluar dhe shumë objektive ndaj këtij rasti, i cili sipas tij paraqet degradimin total të shtetit të së drejtës.

4 Shkurt 2026, 21:25 Nga E.d
Raporti e cilësoi arrestimin e tij si shkelje e drejtave të
Foto ilustruse

TIRANË- Ish-presidenti Ilir Meta, ka falënderuar Institutin Ndërkombëtar për Studime të Lindjes së Mesme dhe Ballkanit, i cili e cilësoi arrestimin e tij si shkelje të Konventës Europiane të të Drejtave të Njeriut.

Përmes një postimi në rrjetin social Facebook, Meta shkruan se IFIMES ka bërë transparencë të thelluar dhe shumë objektive ndaj këtij rasti, i cili sipas tij paraqet degradimin total të shtetit të së drejtës. Në fund, Meta tha se demokracia do të fitojë me çdo çmim për triumfin e saj.

Postimi i Ilir Metës

Falenderoj #IFIMES për transparencën e thelluar dhe shumë objektive, që i bën këtij rasti kuptimplotë dhe që paraqet pa asnjë ekuivok degradimin total të shtetit të së drejtës dhe përdorimin e drejtësisë si zgjatim i Narkopushtetit për persekutimin dhe izolimin e kundërshtarëve politikë. Këto janë dhe mbeten veçse përpjekje të dështuara të atyre që i bëjnë, por dhe që "i mbyllin sytë". Demokracia absolutisht do të fitojë sepse jemi të vendosur me çdo çmim për triumfin e saj!/Dosja.al

 ilir meta ifimes  raport

Sondazh

Poll

MË SHUMË