Aktualitet

Krim në familje/ Plagosi me thikë djalin e tij, arrestohet 58-vjeçari në Bulqizë

Gjithashtu, është sekuestruar mjeti prerës i përdorur nga autori.

30 Janar 2026, 11:30 Nga E.d
Krim në familje/ Plagosi me thikë djalin e tij, arrestohet
Foto ilustruse

BULQIZË- Policia ka arrestuar ditën e sotme një 58-vjeçar në Bulqizë. Ai u arrestua nga forcat blu, pasi dyshohet se pas një konflikti të çastit, për motive të dobëta, ka plagosur me thikë djalin e tij 29-vjeçar.

Gjithashtu, është sekuestruar mjeti prerës i përdorur nga autori. 29-vjeçari i dëmtuar ndodhet në spital, nën kujdesin e mjekëve, jashtë rrezikut për jetën.

Njoftimi i policisë

Plagosi me mjet prerës (thikë) djalin e tij, falë reagimit dhe ndërhyrjes në kohë të shërbimeve të Komisariatit të Policisë Bulqizë, parandalohet përshkallëzimi i mëtejshëm i ngjarjes.

Arrestohet autori dhe sekuestrohet mjeti prerës (thikë). Rreth orës 23:00, të datës 29 janar 2026, në fshatin Ostren, dyshohet se pas një konflikti të çastit, për motive të dobëta, shtetasi B.N., 58 vjeç, brenda banesës, ka plagosur me mjet prerës (thikë) djalin e tij, shtetasin K.N., 29 vjeç.

Menjëherë pas marrjes së njoftimit, shërbimet e Komisariatit të Policisë Bulqizë kanë shkuar në vendngjarje, ku falë reagimit dhe ndërhyrjes së menjëhershme kanë parandaluar përshkallëzimin e mëtejshëm të konfliktit, si dhe kanë kapur dhe arrestuar autorin e dyshuar të ngjarjes, shtetasin B.N., 58 vjeç. Gjithashtu, është sekuestruar mjeti prerës (thikë) i përdorur nga autori. 29-vjeçari i dëmtuar ndodhet në spital, nën kujdesin e mjekëve, jashtë rrezikut për jetën.

Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme./Dosja.al

bulqize 58-vjeçar plagosje

Sondazh

Poll

MË SHUMË