Politike

Bordi i Paqes/ Spiropali: Shqipëria ftohet si anëtare themeluese

Gjatë fjalës në Kuvend për shpjegimin e marrëveshjes, Spiropali u shpreh se për Shqipërinë kjo tregon se di të marrë përgjegjësi ndërkombëtare.

22 Janar 2026, 12:43 Nga I.A
Bordi i Paqes/ Spiropali: Shqipëria ftohet si anëtare themeluese
Elisa Spiropali

TIRANË- Ministrja për Europën dhe Punët e Jashtme, Elisa Spiropali ka deklaruar se pjesëmarrja e Shqipërisë në Bordin e Paqes, e bën vendin tonë një vend më të besueshëm për Bashkimin Europian. Gjatë fjalës në Kuvend për shpjegimin e marrëveshjes, Spiropali u shpreh se për Shqipërinë kjo tregon se di të marrë përgjegjësi ndërkombëtare.

Spiropali i ka bërë thirrje Kuvendit që të tregojë dhe të japë një mesazh që politika e brendshme nuk do të ndikojë në prekjen e çështjeve të tilla madhore.

“Për vite me radhë në këtë sallë është thënë se Shqipëria nuk pyetet se Shqipëria nuk dëgjohet. Por ftesa që kemi sot përpara tregon krejt të kundërtën. Është ndërtuar një besim me punë e ndershmëri. Sot Shqipëria ka marrëdhënie të besueshme jo vetëm me partnerët tanë në Europë e SHBA, por edhe në Lindjen e Mesme, ne Izrael e Botën Arabe. Sot Shqipëria ftohet si anëtare themeluese dhe çfarë mund të bëjë më shumë një kryeministër për vendin e tij se sa të bëjë Shqipërinë të shihet e dëgjohet aty ku dikur nuk ekzistonte. Kryeministri i Shqipërisë e ka pasur Kosovën gjithmonë me vete”, tha ajo./Dosja.al

elisa spiropali

Sondazh

Poll

MË SHUMË