Politike

Ahmetaj: Rama ka dorëzuar gjithë sistemin dhe buxhetin në duart e organizatave kriminale

Ahmetaj tha se e vetmja trashëgimi që ka për të pasur është krimi i organizuar dhe kartelet.

8 Janar 2026, 23:35 Nga I.A
Ahmetaj: Rama ka dorëzuar gjithë sistemin dhe buxhetin në duart
Arben Ahmetaj

ZVICËR- Ish-zv.kryeministri Arben Ahmetaj ka akuzuar Ramën se ka dorëzuar të gjithë sistemin dhe buxhetin në duart e organizatave kriminale. Në intervistën në ‘Çim Peka LIVE’ në SYRI TV, Ahmetaj tha se e vetmja trashëgimi që ka për të pasur është krimi i organizuar dhe kartelet.

“Ky i tall me shqiptarët, çfarë i tha dibranëve? I fyeu dibranët. Gjatë zgjedhjeve, i ka fyer shqiptarët. Jeni qyrykë i tha. Dibranëve. Gjatë zgjedhjeve. Ky del e i fyen shqiptarët me këto. Ka bërë punë spektakolare, se pse? Se ka rënë gjithë sistemi dhe gjithë buxheti në duart e organizatave kriminale. Ku do ti? Prandaj e kam bërë punën. Çfarë ke frikë? Ke frikë se të ka ardhur radha? Nuk ka yll që qëndron në qiell gjithmonë, aq më tepër kur zullumin e ke trashur përtej çdo gjëje.

Edhe po të isha unë në burg, dhe po të mos ishe, tani s'jam unë në burg. Dhe po të isha gjallë, dhe po të isha i vdekur unë dhe tani që jam gjallë, e ke me veten. Trashëgiminë e ka me veten. Trashëgimia që ka për të pasur është krimi i organizuar dhe kartelet. Është kryeministri që mbolli, lulëzoi, krijoi, internacionalizoi, kushtetëzoi, pasuroi krimin e organizuar dhe kartelet e drogës,” tha Ahmetaj./Dosja.al

arben ahmetaj

Sondazh

Poll

MË SHUMË