Politike

Zgjedhjet e 11 majit, Ahmetaj: E gjithë Shqipëria u është dhënë vetëm 15 oligarkëve

Ahmetaj tha se në raport flitet për influencën e krimit të organizuar në zgjedhje, në Durrës, Elbasan, Tiranë dhe Shkodër.

8 Janar 2026, 21:59 Nga E.d

Zgjedhjet e 11 majit, Ahmetaj: E gjithë Shqipëria u

ZVICËR- Ish-zv/kryeministri Arben Ahmetaj ka deklaruar se e gjithë Shqipëria u është dhënë vetëm 15 oligarkëve. Në një intervistë për emisionin "Cim Peka Live" në Syri Tv, Ahmetaj u shpreh se raportet e OSBE/ODIHR-it, kanë bërë një e vizatim të detajuar të krimit të organizuar në zgjedhjet e Shqipërisë.

Ahmetaj tha se në raport flitet për influencën e krimit të organizuar në zgjedhje, në Durrës, Elbasan, Tiranë dhe Shkodër. Në fund, ai tha se media nuk tregon të vërtetën, por i bien violinës sipas 'partiturës' së kreut të organizatës. 

"Tashi, po, të bëj një pyetje shqiptarëve. A doli raporti i OSBE/ODIHR-it? A e di çfarë ka bërë raporti i OSBE/ODIHR-it, zoti Peka? Janë tre raporte. Këto tre raporte kanë bërë një e vizatim të detajuar të krimit të organizuar në zgjedhjet e Shqipërisë. Është hera e parë, i kam këtu të cituara. Dikur ka pasur probleme me shitblerjen , në historikun e zgjedhjeve, për turpin tonë, nuk e kopjuam njëherë Kosovën, me atë shembull që bëri herën e fundit. Patjetër që kemi pasur probleme, po kurrë nuk është faktuuar, vizatuar influenca e krimit të organizuar në zgjedhje. Në raport, flitet drejtpërsëdrejti për influencën e këtij të fundit në Durrës, Elbasan, Tiranë dhe Shkodër. E para. Është hera e parë. 

Fillojmë debatojmë, është raporti më i mirë, është raporti më i keq, është raport shumë i keq, është më i keq. Nga të gjitha historitë e zgjedhjeve në Shqipëri. Por nuk është ky debati. Ore të ka dalë një fenomen i ri këtu zyrtarisht, ta ka vizatuar raporti i OSBE/ODIHR-it, ta ka vizatuar raporti i Departamentit të Shtetit, ta ka vizatuar raporti i Progresit. E dyta, përqendrimi në funksion të zgjedhjeve i administratës kryesisht në Tiranë dhe në Fier. I duket njeriut çudi kjo? Jo. Nuk i duket njeriut çudi. Dhe ka bërë dhe skemën e skenarin, komplet skanerin e mediave të Shqipërisë, ku flet dhe për influencë të qeverisë deri në dhënie, akordim të investitorëve strategjikë.

Çfarë do presësh ti nga ato media? Ti do presësh të vërtetën? Jo. Do i bien violinës sipas partiturës së kreut të organizatës. Madje dhe vetë ankohen thonë s'jemi më televizione, jemi bërë si Radio Televizioni Shqiptar në kohën e Enverit. Dhe ka një fusnotë që asnjë nga ju s'e ka lexuar ndoshta, ndjesë. I referohet dhe agjencive të shpërndarjes së reklamave si të politizuara. Cila agjencia? Agjencia e vëllait të Erion Veliajt. Agjencia e vëllait të Erion Veliajt. Po, që i shpërndan të politizuara reklamat. Shikoni më çfarë ka bërë," tha Ahmetaj./Dosja.al

arben ahmetaj

Sondazh

Poll

MË SHUMË